ရခိုင်ပြည်နယ်တွင်း တိုက်ပွဲနှင့်ပတ်သက်၍ ALP ပါတီ ထုတ်ပြန်ချက်ခိုင်လုံမှုမရှိပါက ဖမ်းဆီးအရေးယူမည်ဟုဆို

ရခိုင်ပြည်နယ်တွင် တိုက်ပွဲများဖြစ်ပွားပြီးနောက် မြန် မာ့တပ်မတော်က အပြစ်မဲ့ပြည်သူ များအပေါ် ဥပဒေမဲ့လုပ်ရပ်များ ချက်ချင်းရပ်တန့်ရန် ရခိုင်ပြည်လွတ်မြောက်ရေးပါတီ(ALP)က ကြေညာချက်ထုတ်ပြန်ခြင်းနှင့်ပတ်သက်၍လုံခြုံရေးနှင့်နယ်စပ်ရေးရာ ဝန်ကြီးနှင့် ပါတီတာဝန်ရှိသူများ တံခါးပိတ်ဆွေးနွေးခဲ့ကြောင်း သတင်းရရှိသည်။

မြန်မာ့တပ်မတော်နှင့် AA တို့အကြားဖြစ်ပွားနေသော တိုက်ပွဲ များအတွင်း အရပ်သားပြည်သူ များသည် နေရပ်များမှ အဓမ္မရွှေ့ ပြောင်းခံရခြင်း၊ ပေါ်တာဆွဲခံရ ခြင်းများ ကြုံတွေ့နေရကြောင်း နှင့် တပ်မတော်က ဥပဒေမဲ့လုပ်ရပ်များ ချက်ချင်း ရပ်တန့်ပေးရန် ALP က ဧပြီ ၂၄ ရက်စွဲဖြင့် ထုတ် ပြန်ခြင်းဖြစ်သည်။ ယင်းထုတ် ပြန်ချက်နှင့်စပ်လျဉ်း၍ ပြည်နယ် နယ်လုံဝန်ကြီး ဗိုလ်မှူးကြီး ထိန် လင်း၊ ရခိုင်ပြည်နယ်ရဲတပ်ဖွဲ့မှူး အပါအဝင် တာဝန်ရှိသူများနှင့် ALP ဆက်ဆံရေးတာဝန်ခံ ဗိုလ်မှူးနိုင်ရဲလင်း ဦးဆောင်သော အဖွဲ့ တို့ ဧပြီ ၂၇ ရက်ကတွေ့ဆုံခဲ့သည်။

အဆိုပါ တံခါးပိတ်ဆွေးနွေး ပွဲကို ဧပြီ ၂၇ ရက်က ရခိုင်ပြည် နယ် အစိုးရအဖွဲ့၊ လုံခြုံရေးနှင့် နယ်စပ်ရေးရာဝန်ကြီးဌာနရုံးခန်း တွင် ပြုလုပ်ခဲ့သည်။ တွေ့ဆုံမှု တွင် နယ်လုံဝန်ကြီးဗိုလ်မှူးကြီး ထိန်လင်းနှင့် ပြည်နယ်ရဲတပ်ဖွဲ့ မှူးတို့က ကြေညာချက်ထုတ်ပြန် ခြင်းနှင့်ပတ်သက်၍ ခိုင်လုံမှုမရှိ လျှင် ရခိုင်ပြည်နယ်လွတ်မြောက် ရေးပါတီ(ALP)မှ စည်းရုံးရေးနှင့် ပြန်ကြားရေးဌာန ဒုဥက္ကဋ္ဌကို ဖမ်းဆီးမည်ဟု ပြောကြားခဲ့ကြောင်း ALP တာဝန်ရှိသူတစ်ဦးက ပြော သည်။ ‘‘သူတို့ဘက်က ပြောတာ တော့ ကြေညာချက်နဲ့ပတ်သက် ပြီး ခိုင်လုံတဲ့ သတင်းအချက်အ လက် ချက်ချင်းပေးရမယ်။ မခိုင် လုံရင် ချက်ချင်းအမှုဖွင့်ပြီး ဖမ်း မယ်လို့ ပြောပါတယ်’’ဟု ၎င်းက ဆိုသည်။

ရခိုင်ပြည်လွတ်မြောက်ရေး ပါတီ(ALP)မှ တာဝန်ရှိသူများက သတင်းခိုင်လုံမှုမရှိဘဲ မထုတ် ပြန်ကြောင်း၊ ခိုင်လုံသောသတင်း ချက်ချင်းပေးလျှင် မြန်မာ့တပ် မတော်က ရဲဘော်များကို ချက် ချင်း ဖမ်းရန်နှင့် ကြေညာချက်မ ထုတ်ပြန်မီ အချိန်ကပင် အ ကောင်းဆုံး မျှော်လင့်ထားသကဲ့ သို့ အဆိုးဆုံးကိုလည်း ရင်ဆိုင်ရန် အဆင်သင့် ရှိနေကြောင်း ပြန် လည်ပြောကြားခဲ့ကြောင်း ၎င်းက ဆက်လက်ပြောသည်။

နယ်လုံဝန်ကြီးနှင့်တွေ့ဆုံခဲ့ ခြင်းနှင့်ပတ်သက်၍ ဗိုလ်မှူးနိုင်ရဲ လင်းက ‘‘Statement မှာပါတဲ့ စာသားတချို့နဲ့ပတ်သက်ပြီး အ ထောက်အထားခိုင်လုံမှုရှိလား၊ ဘယ်အထောက်အထားပေါ်မှာ ပြောတာလဲ သူက ပြောတယ်။ ကျွန်တော်တို့ကလည်း ကျွန်တော် တို့ရထားတဲ့ အထောက်အထား အပေါ် ခိုင်လုံလို့ လုပ်တာ တင်ပြ တယ်။ သူတို့က အထောက်အ ထားမရှိဘဲနဲ့ လုပ်တာဆိုရင် တည်ဆဲဥပဒေနဲ့ အရေးယူမယ်၊ ထုတ် တဲ့သူ တာဝန်ယူရမယ်လို့ ပြော တယ်။ ကျွန်တော်တို့ကလည်း အ ထောက်အထားရှိရင် ကျွန်တော် တို့တောင်းဆိုတာ ပေးမလားမေး တော့ သူတို့ဘက်က အထောက် အထားရရင် ပေးပါ။ သူတို့က အောက်ခြေကို အရေးယူမယ်ဆို ပြီး ပြောတာပါ’’ဟု ပြောသည်။

စစ်ပွဲဖြစ်ပွားပြီးနောက် မြန် မာ့တပ်မတော်က ရသေ့တောင် နှင့် ဘူးသီးတောင်မြို့နယ်များမှ ဒေသခံအချို့ကို ပေါ်တာဆွဲကာ အဓမ္မအလုပ် စေခိုင်းခံရသူများ တွေ့ရှိထားပြီး ဆက်လက်၍ ပေါ်တာအဆွဲခံရသူများ၏စာရင်းများ ကို လိုက်လံကောက်ခံနေကြောင်း ALP တာဝန်ရှိသူများက ဆိုသည်။

ယင်းကိစ္စနှင့် ပတ်သက်၍ ပြည်နယ် နယ်လုံဝန်ကြီးထံ ဆက် သွယ်သော်လည်း ပြန်လည်ဖြေ ကြားခြင်းမရှိသေးပေ။

ALP သည် ၂၀၁၂ က အစိုးရနှင့်ပြည်နယ်အဆင့် အပစ်အခတ် ရပ်စဲရေးသဘောတူညီချက်ကို လက်မှတ်ရေးထိုးထားသည့် တိုင်းရင်းသားလက်နက်ကိုင်အဖွဲ့တစ် ဖွဲ့ဖြစ်သည်။ ALP သည် ကျောက် တော်မြို့တွင် ဆက်ဆံရေးရုံး ဖွင့်လှစ်ထားပြီး တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ်(NCA)တွင်လည်း ပါဝင်လက်မှတ်ရေးထိုးထားသည်။

Credit To >>> 7 Day Daily News