ပုဒ်မ ၁၈ ရှိသင့်ရှိထိုက်ဟု သမ္မတပြောရေးဆိုခွင့်ရှိသူ ဦးရဲထွဋ် ပြော

တက်ကြွလှုပ်ရှားသူများက ဖျက်သိမ်းပေးရန် တောင်းဆိုနေသော ငြိမ်းချမ်းစွာ စီတန်းလှည့်လည်ခွင့်ဆိုင် ရာဥပဒေပုဒ်မ ၁၈ သည် ရှိသင့်ရှိထိုက်သော ပုဒ်မတစ်ခုဖြစ်သည်ဟု သမ္မတပြောရေးဆိုခွင့်ရှိသူပြန်ကြား ရေး ဒု-၀န်ကြီးဦးရဲထွဋ်က ဇန်န၀ါရီ ၆ ရက်တွင် မဇ္ဈိမကို ပြောကြားလိုက်သည်။

“ရှိသင့်ရှိအပ်တဲ့ ပုဒ်မတစ်ခုပါ။ အဓိကပြဿနာက ကျင့်သုံးပုံ ကျင့်သုံးနည်းပဲ။ ခွင့်ပြုချက်တောင်းတာ မတောင်းတာ လုပ်ရမှာပဲ။ အများပြည်သူ ၀င်ထွက်သွားလာတဲ့ နေရာမျိုးမှာ ပိတ်ပြီးတော့ ဆန္ဒပြတာမျိုး၊ လူတွေစုဝေးခြင်းကြောင့် တခြားပြည်သူတွေ၊ ကျောင်းတွေ၊ ဆေးရုံတွေပိတ်ဆို့သွားတာမျိုး၊ ဒီလိုမျိုးတွေ ကာကွယ်ဖို့လဲလိုတယ်၊ ကာကွယ်ဖို့လဲရှိတယ်။ ဒါကြောင့်မို့ ပုဒ်မ ၁၈ က ရှိရမယ်”ဟု ဦးရဲထွဋ်က ပြော သည်။

ယင်းပုဒ်မနှင့်ပတ်သက်ပြီး ဦးရဲထွဋ်၏အမြင်ကို မဇ္ဈိမက ဖုန်းဖြင့် ဆက်သွယ်မေးမြန်းရာ ပုဒ်မ ၁၈ သည် ပြဿနာမဟုတ်ဘဲ ယင်းပုဒ်မကို မည်သို့မည်ပုံအသုံးပြုမည်ဆိုသည်ကသာ ပြဿနာဖြစ်သည်ဟုလည်း ၎င်းက ဆိုသည်။

“ပြောရမယ်ဆိုရင် ဒေသအာဏာပိုင်တွေအနေနဲ့ ဆန္ဒပြခွင့်တောင်းလာသမျှ ငြိမ်းချမ်းစွာ ဆန္ဒပြခွင့် တောင်းလာသမျှ မှန်သမျှကို မပေးဘူးလို့ လုပ်နေလို့ မရဘူးပေါ့။ သတ်မှတ်ပေးဖို့ လိုတာပေါ့။ တချို့ ဆန္ဒပြသူတွေကလဲ တမင်သက်သက် မတောင်းဘဲ ပုဒ်မ ၁၈ နဲ့ အရေးယူခံရအောင် လုပ်တာမျိုးလဲ ရှိပါ တယ်။ ဒီအစွန်းနှစ်ဖက် ရှောင်ရှားပြီးတော့ ကျင့်သုံးမယ်ဆိုရင် ပုဒ်မ ၁၈ က ပြဿနာမဟုတ်ပါဘူး”ဟု ပြောသည်။

သို့သော် ဥပဒေပညာရှင်တစ်ဦးဖြစ်သူ တရားလွှတ်တော်ရှေ့နေ ဦးကိုနီကမူ ဖွဲ့စည်းပုံအခြေခံဥပဒေ ပုဒ် မ ၃၅၄ ပုဒ်မခွဲ (က) နှင့် (ခ) တွင်ပါရှိသည့် ပြဋ္ဌာန်းချက်များအရ ပုဒ်မ ၁၈ သည် ပယ်ဖျက်သင့်သည့် ပုဒ် မတစ်ခုဟု မဇ္ဈိမကို နိုဝင်ဘာလအတွင်းက ပြောဆိုထားသည်။

“အဲဒီမှာသုံးတဲ့စကားလုံးက လွတ်လပ်စွာလို့ သုံးထားတဲ့အတွက် ဘယ်သူ့ကိုမှ ခွင့်တောင်းစရာမလိုဘူး။ တစ်ယောက်ယောက်ခွင့်ပြုမှ ဆန္ဒပြခွင့်ရှိတာမဟုတ်ဘူး။ ဥပဒေအရ ဆန္ဒပြခွင့်ဆိုတာ လူတစ်ယောက် ကို အပြီးပေးထားတဲ့ အခွင့်အရေးပဲ။ ခွင့်တောင်းစရာမလိုဘူး။ တစ်နည်းအားဖြင့် ရဲမှူးဆီက ခွင့်မရဘူး၊ ခွင့်မရဘဲပြလို့ အပြစ်ပေးမယ်ဆိုတာ ဖွဲ့စည်းပုံနဲ့ ဖြောင့်ဖြောင့်ကြီး ဆန့်ကျင်နေတယ်။ ရဲမှူးခွင့်ပြုမှ ဆန္ဒ ပြရမယ်ဆိုတော့ ရဲမှူးက ဥပဒေအထက်ရောက်သွားပြီ”ဟု ပြောသည်။

အဆိုပါပုဒ်မကို ဖျက်သိမ်းပေးရန် တက်ကြွလှုပ်ရှားသူအများစုကလည်း တောင်းဆိုနေကြပြီး ဇန်န၀ါရီ ၅ ရက်ကလည်း ၈၈ မျိုးဆက် ပွင့်လင်းလူ့အဖွဲ့အစည်းမှ ခေါင်းဆောင်များ ဦးဆောင်ကာ ပထမဦးဆုံးအ ကြိမ်အဖြစ် ဒီမိုကရေစီနှင့်မကိုက်ညီသည့် ဥပဒေများအား ပယ်ဖျက်ပေးရန် ပြည်တွင်းအခြေစိုက် လူမှုအ ရပ်ဘက်အဖွဲ့စည်း ၅၈ ဖွဲ့နှင့်အတူ ဆန္ဒပြ တောင်းဆိုကာ လူထုဟောပြောမှုများ ပြုလုပ်ခဲ့သည်။ ယင်း သို့တောင်းဆိုရာတွင် ပုဒ်မ ၁၈ လည်း ပါဝင်သည်။

ငြိမ်းချမ်းစွာစုဝေးခွင့်နှင့် စီတန်းလှည့်လည်ခွင့်ဆိုင်ရာဥပဒေကို ပြင်ဆင်ရန် ကန်ပက်လက် မဲဆန္ဒနယ်မှ ကြံ့ခိုင်ရေးအမတ်ဖြစ်သူ သူရဦးအောင်ကိုက နိုဝင်ဘာ ၁၃ ရက် ပြည်သူ့လွှတ်တော် အစည်းအဝေးတွင် အဆိုတင်သွင်းခဲ့ပြီး ပုဒ်မ ၁၈သည် ဖွဲ့စည်းပုံအခြေခံဥပဒေပါ နိုင်ငံသားအခွင့်အရေးများနှင့် ဆန့်ကျင်နေ သည်ဟု ဆိုခဲ့သည်။

သို့သော် ပြည်ထဲရေးဒုတိယ၀န်ကြီး ဗိုလ်မှူးချုပ်ကျော်ကျော်ထွန်းကမူ ငြိမ်းချမ်းစွာစုဝေးခွင့်နှင့် စီတန်း လှည့်လည်ခွင့်ဥပဒေကို ပြင်ဆင်သည့် ဥပဒေကြမ်းတွင် ခွင့်ပြုချက်မယူဘဲ ဆန္ဒထုတ်ဖော်ပါက ပြစ်ဒဏ် ကျခံရမည်ဟူသည့် မူလဥပဒေပါ ပုဒ်မ ၁၈ ကို ပယ်ဖျက်ရန်ပါဝင်ခြင်းကို ကန့်ကွက်သည်ဟုလည်း ဆိုခဲ့ သေးသည်။

၂၀၁၁ ခုနှစ်၊ ဒီဇင်ဘာ ၂ ရက်က ပြဋ္ဌာန်းခဲ့သော ငြိမ်းချမ်းစွာစုဝေးခွင့်နှင့် ငြိမ်းချမ်းစွာ စီတန်းလှည့်လည် ခွင့်ဆိုင်ရာ ဥပဒေ (၂၀၁၁ ခုနှစ် ပြည်ထောင်စုလွှတ်တော် ဥပဒေအမှတ် ၁၅) တွင် ပါရှိသော ပုဒ်မ ၁၈ အရ မည်သူမဆို ခွင့်ပြုချက်မရရှိဘဲ စုဝေး စီတန်းလှည့်လည်ပါက တစ်နှစ်ထက်မပိုသော ထောင်ဒဏ် ဖြစ်စေ၊ ကျပ် ၃၀,၀၀၀ ထက်မပိုသော ငွေဒဏ်ဖြစ်စေ၊ သို့တည်းမဟုတ် ဒဏ်နှစ်ရပ်စလုံးဖြစ်စေ ချမှတ် နိုင်သည်ဟုလည်း ယင်းဥပဒေတွင် ပါရှိသည်။

Mizzima