ရန်ကုန်မြို့တွင်းမြို့နယ်အချို့တွင် ခေတ္တရေပြတ်တောက်မည်

ရန်ကုန်မြို့တွင်း မြို့နယ်အချို့တွင် ခေတ္တ ရေပြတ်တောက်မည်ဖြစ်ကြောင်း ရန်ကုန်မြို့တော် စည်ပင်သာယာရေးကော်မတီ၊ အင်ဂျင်နီယာဌာန (ရေနှင့်သန့်ရှင်းမှု) ဌာနထံက သိရသည်။
ရန်ကုန်မြို့တွင်းရှိ မြို့နယ် (၁၇) မြို့နယ်သို ရေတွန်းပို့ပေးနေသည့် လှော်ကားရေတွန်း စက်ရုံ လဲလှယ်ပြင်ဆင်ရန်အတွက် စက်တင်ဘာလ ၂၄ ရက်နေ့တွင် ရေခေတ္တပြတ်တောက်သွားမည် ဖြစ်ကြောင်း ရန်ကုန်မြို့တော် စည်ပင်သာယာရေးကော်မတီ အင်ဂျင်နီယာဌာန (ရေနှင့်သန့်ရှင်းမှု)ထံက သိရသည်။

လှော်ကားရေလှောင်ကန်ရှိ ရေတွန်းစက်ရုံ၏ feeder Panel များ လဲလှယ်ပြင်ဆင်မည်ဖြစ်သည့်အတွက် မင်္ဂလာဒုံ၊ ရွှေပြည်သာ၊ လှိုင်သာယာ၊ အင်းစိန်၊ မရမ်းကုန်း၊ ရန်ကင်း၊ လှိုင်၊ ကမာရွတ်၊ ဗဟန်း၊ တောင်ဥက္ကလာ၊ သာကေတ၊ ဒေါပုံ၊ တာမွေ၊ မင်္ဂလာတောင်ညွှန့်၊ ကျောက်တံတား၊ ပုဇွန်တောင်၊ ဗိုလ်တထောင် မြို့နယ်များတွင် ရေအားလျော့နည်းခြင်း၊ ရေခေတ္တပြတ်တောက်ခြင်းများ ရှိမည်ဖြစ်ကြောင်း သတင်းရရှိသည်။

Credit To >>> The Ladies News