စစ်ကိုင်းတိုင်းဒေသကြီးအတွင်းရှိ ရေနံဓာတ်ငွေ့ရည် အရောင်းဆိုင်များအား ယာယီလိုင်စင်များ ထုတ်ပေး

ရေနံဓာတ်ငွေ့ရည် တင်သွင်းသိုလှောင် ဖြန့်ဖြူးရောင်းချခြင်းလုပ်ငန်းများ ဆောင်ရွက်ရာတွင် ပိုမိုစနစ်ကျပြီး ဘေးအန္တရာယ်များကင်းရှင်းရေးအတွက် ရည်ရွယ်ပြီး လျှပ်စစ်နှင့်စွမ်းအင်ဝန်ကြီးဌာန မြန်မာ့ရေနံဓာတုဗေဒလုပ်ငန်းမှ ရက် ၁ဝဝ စီမံချက်ဖြင့် လိုင်စင်များထုတ်ပေးလျက်ရှိရာ ဇွန် ၂၇ ရက်ကစစ်ကိုင်းတိုင်းဒေသကြီး မုံရွာမြို့ရှိမြန်မာ့ရေနံထွက်ပစ္စည်း ရောင်းဝယ်ရေးလုပ်ငန်း တိုင်းဒေသကြီး ရောင်းဝယ်ရေးအရာရှိရုံးတွင် ရေနံဓာတ်ငွေ့ရည်အရောင်းဆိုင်များအား ယာယီလိုင်စင်ထုတ် ပေးလျက်ရှိကြောင်း သိရသည်။
''ဇွန် ၉ ရက်က စတင်ပြီး ရန်ကုန်၊ ပဲခူး၊ ဧရာဝတီ၊ မကွေး
စတဲ့မြို့ကြီးတွေမှာ ရေနံဓာတ်ငွေ့ရည်အရောင်းဆိုင်များအား ရက်
၁ဝဝ စီမံချက်ဖြင့် ယာယီလိုင်စင်တွေ စတင်ဆောင်ရွက်ပေးလျက်ရှိပါ
တယ်။ ယနေ့ မုံရွာမှာ ယာယီလိုင်စင်တွေ အခမဲ့လာရောက်ပြီး
ထုတ်ပေးလျက်ရှိပါတယ်။

ယခင်က လိုင်စင်နှစ်မျိုးတည်းသာ ဆောင်ရွက်လျက်ရှိရာမှ ယခု
အခါ ဖြေလျှော့မှုများဖြင့် လိုင်စင်အမျိုးအစားငါးမျိုးအထိ ဆောင်
ရွက်ပေးမှာဖြစ်ပြီး ယာယီအနေဖြင့် လိုင်စင်အမျိုးအစား(ဃ)နှင့် (င)
တို့ကို ဆောင်ရွက်ပေးလျက်ရှိပါတယ်။ ယာယီလိုင်စင်ပြုလုပ်ထား
သည့် လုပ်ငန်းရှင်များအား သတ်မှတ်စည်းကမ်းချက်နှင့်အညီ လာမည့်
ဒီဇင်ဘာလအတွင်း လိုင်စင်ကြီးလဲလှယ်ပြီး ပြန်လည်ထုတ်ပေးသွား
မှာဖြစ်ပါတယ်'' ဟု မြန်မာ့ရေနံဓာတုဗေဒလုပ်ငန်း (နေပြည်တော်)မှ
ဒုတိယ ညွှန်ကြားရေးမှူး(ကုန်ထုတ်)ဦးမောင်မောင်သော်က ပြောသည်။

စစ်ကိုင်းတိုင်းဒေသကြီးအတွင်းရှိ မုံရွာခရိုင်မှ ခြောက်ဆိုင်၊ ကလေး
ခရိုင်မှ သုံးဆိုင်၊ ကသာခရိုင်မှ နှစ်ဆိုင်၊ စစ်ကိုင်းခရိုင်မှ တစ်ဆိုင်
စုစုပေါင်း ၁၂ ဆိုင်အား ယာယီလိုင်စင်များ အခမဲ့ထုတ်ပေးနိုင်ခဲ့ကြောင်း သိရသည်။


Credit To >>> The Mirror Daily