ပါတီညီလာခံကာလအတွင်း မြောက်ကိုရီးယားနိုင်ငံက နျူကလီးယားစမ်းသပ်မှုပြုလုပ်ဖွယ်ရှိ

မြောက်ကိုရီးယားနိုင်ငံသည် လက်ရှိအာဏာရပါတီ၏ ညီလာခံကျင်းပနေသည့်ကာလတွင် နောက်ထပ် နျူကလီးယားစမ်းသပ်မှု သို့မဟုတ် ဒုံးကျည်ပစ်လွှတ် စမ်းသပ်မှုကို ပြုလုပ်သွားဖွယ်ရှိသည်ဟု တောင်ကိုရီးယား စစ်ဘက်က ပြောကြားသည်။ 
မြောက်ကိုရီးယားနိုင်ငံ၏ အလုပ်သမားပါတီသည် ၃၆ နှစ်တာကာလအတွင်း ပထမဆုံး ပါတီညီလာခံကို သောကြာနေ့တွင် ဖွင့်လှစ်ကျင်းပသွားမည်ဖြစ်သည်။ 

မြောက်ကိုရီးယားနိုင်ငံအနေဖြင့် ငါးကြိမ်မြောက် နျူကလီးယား စမ်းသပ်မှုပြုလုပ်ရေးအတွက် ပြင်ဆင်ဆောင်ရွက်မှုများ ပြီးစီးနေပြီယူဆရကြောင်း တောင်ကိုရီးယားကာကွယ်ရေးဝန်ကြီးဌာန ပြောရေးဆိုခွင့်ရှိသူ မွန်ဆန်ဂျန်က မေ ၂ ရက်တွင် သတင်းထောက်များကို ပြောကြားသည်။

မြောက်ကိုရီးယားနိုင်ငံ၏ လှုပ်ရှားမှုများအပေါ် လေ့လာသုံးသပ်ချက်အရ နောက်ထပ် ဒုံးကျည်ပစ်လွှတ်မှု ပြုလုပ်သွားဖွယ်ရှိပြီး မူဆူဒန်တာလတ်ပစ်တိုက်ချင်းပစ် ဒုံးကျည်များပါဝင်ဖွယ်ရှိကြောင်း မွန်ဆန်ဂျန်က ပြောကြားသည်။ 

မြောက်ကိုရီးယားနိုင်ငံမှ မည်သည့်ရန်စတိုက်ခိုက်မှု မျိုးကိုမဆို ချက်ချင်းတုံ့ပြန်နိုင်ရန် တောင်ကိုရီးယားနိုင်ငံက လေ့လာစောင့်ကြည့်မှုများကို အရှိန်မြှင့်လုပ်ဆောင်လျက်ရှိသည်ဟု မွန်ဆန်ဂျန်က ပြောကြားသည်။ 

မြောက်ကိုရီးယားခေါင်းဆောင် ကင်ဂျုန်အန်က နျူကလီးယားဖောက်ခွဲစမ်းသပ်ရန်နှင့် နျူကလီးယား ထိပ်ဖူးသယ်ဆောင်နိုင်သည့် တိုက်ချင်းပစ်ဒုံးကျည် ပစ်လွှတ်စမ်းသပ်ရေးအတွက် ပြင်ဆင်မှုများပြုလုပ်ထားရန် မတ်လအတွင်းက အမိန့်ပေးထားသည်။ 
Credit To >>> The Mirror Daily