မဒေးကျွန်းဒေသ ဖွံ့ဖြိုးရေး လုပ်ငန်းအတွက် မဒေးကျွန်း ရေနက်ဆိပ်ကမ်း CNPC ရုံးရှေ့၌ ဆန္ဒဖော် ထုတ်ရာတွင် ဦးဆောင်သူ ၁၀ ဦးကို ပုဒ်မ ၁၈ ဖြင့် ကျောက်ဖြူ တရားရုံးက စက်တင်ဘာ ၂၆ ရက်တွင် ထောင်ဒဏ် သုံးလစီ စီရင်ချက် ချခဲ့ခြင်းအပေါ် ဒေသခံ ၄၀၀ ခန့်က ကန့်ကွက် ဆန္ဒပြ ခဲ့ကြကြောင်း သတင်းရရှိသည်။
ကိုထွန်းကြည် အပါအ၀င် ခေါင်းဆောင် ၁၀ ဦးမှာ ယခုနှစ် ဧပြီ ၁၈ ရက်က China National Petroleum (CNPC) ကုမ္ပဏီအပေါ် သိမ်းဆည်းလယ်ယာ မြေများအား နိုင်ငံတကာ စံချိန်စံညွှန်းနှင့်အညီ လျော်ကြေးပေးရန်၊ မဒေးကျွန်းဒေသ ဖွံ့ဖြိုးရေးအတွက် လျှပ်စစ်မီးရရှိရေး ဆောင်ရွက်ပေးရန်၊ ရေလုပ်သားများ လွတ်လပ်စွာ ငါးဖမ်းဆီးခွင့်ပေးရန် အစရှိသည့် တောင်းဆိုချက် ကိုးချက်ကို သက်ဆိုင်ရာမှ ခွင့်ပြုချက်မရဘဲ ဆန္ဒဖော်ထုတ်ရာမှ ဖမ်းဆီးခံခဲ့ရခြင်း ဖြစ်ကြောင်း သိရသည်။
အဆိုပါ ခေါင်းဆောင် ၁၀ ဦးအား ကျောက်ဖြူမြို့နယ် တရားရုံးက ငြိမ်းချမ်းစွာ စီတန်းလှည့်လည်ခြင်း ဆိုင်ရာ ဥပဒေပုဒ်မ ၁၈ အရ ထောင်ဒဏ်သုံးလ ချမှတ်ခြင်းဖြစ်ကြောင်း ကျောက်ဖြူမြို့နယ် ရဲစခန်းမှ ရဲ အရာရှိ တစ်ဦး၏ ပြောကြားချက်အရ သိရသည်။
ထောင်ဒဏ်သုံးလ ချမှတ်ခဲ့ခြင်းကို ဒေသခံ ၄၀၀ ခန့်က ကန့်ကွက်ခဲ့ကြပြီး ခေါင်းဆောင် ၁၀ ဦးအား ပြန်လွှတ်ပေးရေးနှင့် ပုဒ်မ ၁၈ အလိုမရှိ စသည့် ကြွေးကြော်သံများဖြင့် ဆန္ဒပြ တောင်းဆိုမှုများ ပြုလုပ် ခဲ့ကြကြောင်း သိရသည်။
ပုဒ်မ ၁၈ ဖြင့် ထောင်ဒဏ်ကျခံ ရမှုအပေါ် မကျေနပ်သဖြင့် ဒေသခံများ ဆန္ဒပြနေကြစဉ်
Eleven
Myanmar Kyat Exchange Rate
0 comments:
Post a Comment