မြေယာနှင့် သဘာဝ သယံဇာတ ပိုင်ဆိုင်ရန် ယှဉ်ပြိုင်မှုများက ငြိမ်းချမ်းရေး ဖော်ဆောင်မှုအား အခက်အခဲ ဖြစ်စေသည်ဟု ကမ္ဘာ့ခေါင်းဆောင် ဟောင်းများအဖွဲ့ ပြောကြား

မြေယာနှင့် သဘာဝ သယံဇာတ ပိုင်ဆိုင်ရန် ယှဉ်ပြိုင်မှုများ၏ ရင်းမြစ်ကို အဓိကထား ဖြေရှင်းပေးမှသာ မြန်မာနိုင်ငံ အနေဖြင့် ငြိမ်းချမ်းရေး၏ အသီးအပွင့်များ ခံစားနိုင်မည်ဟု မြန်မာနိုင်ငံသို့ ရောက်ရှိနေသော ကမ္ဘာ့ခေါင်းဆောင် ဟောင်းများအဖွဲ့ (The Elders) အဖွဲ့ဝင်များက ရန်ကုန်မြို့တွင် စက်တင်ဘာ ၂၆ ရက်က ပြုလုပ်သည့် သတင်းစာ ရှင်းလင်းပွဲတွင် ပြောကြားခဲ့သည်။

ကမ္ဘာ့ခေါင်းဆောင်ဟောင်းများ အဖွဲ့ဝင် တစ်ဦးဖြစ်သူ ဖင်လန်နိုင်ငံ သမ္မဟောင်း Martti Ahtisaari က ''တင်းမာမှုတွေ ရပ်တန့်မှသာ ငြိမ်းချမ်းရေး တည်ဆောက်နိုင်မှာပါ။ ဒါဟာ ငြိမ်းချမ်းရေး လုပ်ငန်းစဉ်ရဲ့ အစပါ၊ ပန်းတိုင် မဟုတ်ပါသေးဘူး။ မြန်မာနိုင်ငံအနေနဲ့ ငြိမ်းချမ်းရေးရဲ့ အကျိုးကျေးဇူးကို ခံစားဖို့အတွက် ဒီပဋိပက္ခတွေရဲ့ အခြေခံ အကြောင်းအရာတွေကို ဘယ်လိုကိုင်တွယ် ဖြေရှင်းသလဲ ဆိုတာအပေါ် မူတည် ပါတယ်။ အထူးသဖြင့် မြေယာနဲ့ အခြားသဘာဝ သယံဇာတတွေ ပိုင်ဆိုင်ဖို့အတွက် ပြိုင်ဆိုင်မှုတွေပေါ့။ ပဋိပက္ခနှစ်ခုဟာ ထပ်တူမကျ နိုင်ပေမယ့် အ ခြေခံအရ ဆင်တူတဲ့ အချက်ရှိပါတယ်။ အတူတူ ရင်ဆိုင်နေ ရတဲ့ စိန်ခေါ်မှုတွေကို ဖြေရှင်းရာမှာ အချင်းချင်းပုတ်ခတ် တိုက်ခိုက်မှုတွေကို စွန့်လွှတ်မှသာ ပဋိပက္ခတွေ ကို အောင်မြင်စွာ ဖြေရှင်းနိုင်မှာပါ'' ဟု ပြောကြားခဲ့သည်။

အမေရိကန် သမ္မတဟောင်း ဂျင်မီကာတာကလည်း ဆက်လက်၍ မြန်မာနိုင်ငံသည် ယခင်ကထက် ပိုမိုလွတ်လပ် လာသော်လည်း တိုင်းရင်းသား ပဋိပက္ခများအား ယခုထိတိုင် ဖြေရှင်းနိုင်ခြင်း မရှိသေးကြောင်း၊ မြန်မာနိုင်ငံ၏ သဘာဝ သယံဇာတများအား တိုင်းရင်းသားများကြား ခွဲဝေသုံးစွဲမှုနှင့် ပတ်သက်၍ စနစ်တကျ ဆောင်ရွက်ခြင်းများ မရှိသေးကြောင်း၊ ငြိမ်းချမ်းရေး ရရှိရန်အတွက် တိုင်းရင်းသား လက်နက်ကိုင် အဖွဲ့များနှင့် အပစ်အခတ် ရပ်စဲရေးသာမက နိုင်ငံရေး ဆွေးနွေးမှုများ ဖော်ဆောင်ရန် လိုအပ်ကြောင်း အကြံပြု ပြောကြားခဲ့သည်။

ထို့အပြင် ငြိမ်းချမ်းရေး ဖော်ဆောင်ရာတွင် ခိုင်မာတည်တံ့စေရန် အတွက် ငြိမ်းချမ်းရေး ဆွေးနွေးပွဲများ၊ ငြိမ်းချမ်းရေးစာချုပ် ချုပ်ဆိုပွဲများတွင် ကုလသမဂ္ဂ အတွင်းရေးမှူးချုပ် ကဲ့သို့သော နိုင်ငံတကာ လေ့လာသူများအား ဖိတ်ခေါ်၍ အကြံဉာဏ်များ ရယူကာ အစိုးရ အဖွဲ့သာမက ဥပဒေပြုရေး မဏ္ဍိုင်နှင့် တရားစီရင်ရေး မဏ္ဍိုင်ကပါ အသိအမှတ်ပြုသည့် ငြိမ်းချမ်းရေး စာချုပ်များ ပြုလုပ်သင့်သည်ဟု သမ္မတဟောင်း ဂျင်မီကာတာက ပြောကြားခဲ့သည်။

''မြန်မာနိုင်ငံ အနေနဲ့ ငြိမ်းချမ်းရေး ဖော်ဆောင်ရာမှာ ပိုမိုနက်ရှိုင်းပြီး ကျယ်ပြန့်တဲ့ လုပ်ဆောင်မှုတွေ လိုအပ်ပါတယ်'' ဟု ၎င်းက အကြံပေးခဲ့သည်။

''ကျွန်တော်တို့အဖွဲ့ မြန်မာနိုင်ငံကို လာတဲ့အချိန်မှာ မေးဖြစ်တဲ့ မေးခွန်းကတော့'' ဘယ်လို ဒီမိုကရေစီ ပုံစံမျိုးကို မျှော်မှန်းသလဲ'' ဆိုတဲ့ မေးခွန်းပါပဲ။ ကျွန်တော်တို့ သမ္မတ ဦးသိန်းစိန်နဲ့တကွ ထိပ်တန်းခေါင်းဆောင် တွေကို တွေ့ဆုံဆွေးနွေး ခဲ့ပါတယ်။ လက်ရှိ ပြုပြင်ပြောင်းလဲမှုဟာ အားရကျေနပ်စရာ ကောင်းပါတယ်။ အရေးကြီးတဲ့ ပြောင်းလဲမှုတွေကို လုပ်ဆောင်နိုင်ခဲ့ပါပြီ။ ဒါပေမဲ့ ဘယ်လောက်အထိ ဆက်ပြီးပြောင်းလဲမှာလဲ ဆိုတာက ပိုပြီးအရေးကြီးပါတယ်'' ဟု ဂျင်မီကာတာက ဆက်လက် ပြောကြားခဲ့သည်။

ထို့အပြင် လာမည့် ၂၀၁၅ ရွေးကောက်ပွဲတွင် တရားမျှတမှု ရှိစေရန် နိုင်ငံတကာမှ ရွေးကောက်ပွဲ စောင့်ကြည့် လေ့လာရေး အဖွဲ့များအား စောင့်ကြည့်ခွင့် ပေးသင့်ကြောင်း၊ ကမ္ဘာ့ခေါင်းဆောင်ဟောင်းများ အဖွဲ့အနေဖြင့် ရွေးကောက်ပွဲပေါင်း ၉၄ ခုအား စောင့်ကြည့် လေ့လာခဲ့သဖြင့် ၎င်းတို့မှ စောင့်ကြည့် ပေးနိုင်ကြောင်း အဆိုပါ ရှင်းလင်းပွဲတွင် ပြောကြားခဲ့သည်။

ကမ္ဘာ့ခေါင်းဆောင်ဟောင်းများ အဖွဲ့သည် ကမ္ဘာပေါ်ရှိ ထင်ရှားသည့် ခေါင်းဆောင်များအား စုစည်းထားပြီး ၎င်းတို့၏ သြဇာနှင့် အတွေ့အကြုံကို အသုံးချကာ ကမ္ဘာတစ်ဝန်းတွင် ငြိမ်းချမ်းရေး၊ တရားမျှတရေးနှင့် လူ့အခွင့်အရေးအတွက် လုပ်ဆောင်နေသော လွတ်လပ်သည့် အဖွဲ့အစည်းတစ်ရပ် ဖြစ်သည်။ ၎င်းအဖွဲ့ကို နယ်ဆင်မန်ဒဲလား က ၂၀၀၇ ခုနှစ်တွင် စုစည်းတည်ထောင် ခဲ့ခြင်းဖြစ်ပြီး မြန်မာနိုင်ငံသို့ လာရောက်သည့် ကိုယ်စားလှယ် အဖွဲ့အား အမေရိကန် သမ္မတဟောင်း ဂျင်မီကာတာက ဦးဆောင် ခဲ့ခြင်းဖြစ်သည်။

The Elders အဖွဲ့ဝင်များက မြန်မာနိုင်ငံ၏ ပြုပြင်ပြောင်းလဲ မှုများနှင့် စပ်လျဉ်း၍ ရှင်းလင်းပြောကြားစဉ် (ဓာတ်ပုံ-ဥာဏ်ဝင်းရှိန်)

Eleven