စစ်ကိုင်းတိုင်းဒေသကြီး လွှတ်တော်အဆောက်အအုံ တည်ဆောက်မည့် နေရာအနီးတစ်ဝိုက်အား သြဂုတ် ၁၀ ရက်က တွေ့ရစဉ်
သြဂုတ် ၁၀ ရက်က မုံရွာမြို့ အိုးဘိုတောင် မြို့သစ်အနီးရှိ
စစ်ကိုင်းတိုင်းဒေသကြီး လွှတ်တော်အဆောက်အအုံအနီး မြေ ၆၁ ဒသမ ၆၆ ဧကအတွက်
အုတ်တံတိုင်းခတ်ရန် လိုင်းကျင်းတူးရာမှ မြေပိုင်ရှင်တောင်သူ ၁၂ ဦးနှင့်
ဒေသအာဏာပိုင်များ ပြဿနာဖြစ်ပွားခဲ့ကြောင်း သတင်းရရှိသည်။
"ပြီးခဲ့တဲ့ ဖေဖော်ဝါရီ ၁၉ ရက်က ဦးပိုင်ပေါက်ပြီး တောင်သူပိုင်
မြေတွေပေါ်မှာ လိုင်းကျင်းတူး တာကို တောင်သူတွေက၀င်ပြီး မြေဖို့တာကို
အမှုဖွင့်ထားပြီး ရဲစခန်းမှာ လာရှင်းဖို့ပြောတယ်။ ကျွန်မက ဖမ်းဝရမ်းပါရင်
လိုက်မယ်လို့ ပြောတယ်။ ကျွန်မတို့ကလည်း အခမဲ့ အသိမ်းမခံနိုင်လို့ နစ်နာကြေး
မရသေးလို့ မြေဖို့တာလို့ ပြန်ပြောခဲ့တယ်။ နောက်တော့ဝင်ဖမ်းဖို့
ကြိုးစားတာပဲ။ မိုးတွေကြား ထဲမှာ ဖြစ်တာပါ" ဟု မဥမ္မာကြည်က
ဆက်လက်ပြောကြားသည်။
၂၀၁၂ အောက်တိုဘာလက မြေပိုင်ရှင်များကို လက်ရှိအသုံးပြုနေဆဲ
သင်္ချိုင်းကုန်း မြေကွက်များတွင် အစားထိုးမြေနေရာပေးရန် တစ်ဧကလျှင်
ပေရှစ်ဆယ်ပတ်လည် တစ်ဝင်းနှုန်းပေးမည်ဟုဆိုကာ မဲနှိုက် ခိုင်းသော်လည်း
အများစုမှာ မဲမနှိုက်ခဲ့ဘဲ ထိုစဉ်မှစ၍ ပြဿနာများ ဖြစ်ပွားခဲ့ကာ ၁၀ ကြိမ်ခန့်
မြေကိစ္စ အတွက် တောင်သူနှင့် ဒေသအာဏာပိုင်များ တွေ့ဆုံပြီးဖြစ်ကြောင်း
သိရသည်။
ဒေသအာဏာပိုင်များက တစ်ဧကအတွက် ပေရှစ်ဆယ်ပတ်လည် တစ်ဝင်းသာပေးပြီး
မြေ ပိုင်ရှင် တောင် သူများက တစ်ဧကအတွက် ပေရှစ်ဆယ်ပတ်လည်
သုံးဝင်းတောင်းဆိုထားကြောင်း သိရသည်။ သြဂုတ် ၁၀ ရက် ညနေပိုင်းတွင်
စစ်ကိုင်းတိုင်းဒေသကြီး အုပ်ချုပ်ရေးမှူး ရုံးတွင် ပြဿနာ ဖြစ်ပွား ခဲ့သော
တောင်သူများနှင့် ဒေသအာဏာပိုင်များ ညှိုနှိုင်းရာတွင် ပြေလည်မှု မရသေးကြောင်း
သိရသည်။
EMG
Myanmar Kyat Exchange Rate
0 comments:
Post a Comment