''အစိုးရအနေနဲ့ ပြည်ထောင်စုအစိုးရက ချမှတ်ထားတဲ့ ပညာရေး၊ ကျန်းမာရေး၊ နိုင်ငံရေး၊ စီးပွားရေး မူဝါဒတွေကို တိုင်းဒေသကြီးအတွင်း အကောင်အထည်ဖော် ဆောင်ရွက်သွားမှာဖြစ်ပါတယ်။ ဆောင်ရွက်တဲ့အခါမှာလည်း ပြည်သူကိုဗဟိုပြုပြီး ဝန်ဆောင်မှုပေးနိုင်တဲ့ ဥပဒေနဲ့အညီ ပြောင်းလဲဆောင်ရွက်သွားမှာဖြစ်ပါတယ်။ ရန်ကုန် မြို့ပြစီမံကိန်းရေးဆွဲရာမှာ သမိုင်းအမွေအနှစ်တွေနဲ့ စိမ်းလန်းပြီး လုံခြုံအေးချမ်းတဲ့ နေချင်စဖွယ်မြို့ဖြစ်လာစေ ဖို့အတွက် ရန်ကုန်မြို့ပြစီမံကိန်းအသစ်ကို ရေးဆွဲဆောင်ရွက်သွားမှာဖြစ်ပါတယ်''ဟု ဝန်ကြီးချုပ်က ယနေ့ကျင်းပသည့် ဒုတိယအကြိမ် ရန်ကုန်တိုင်းဒေသကြီးလွှတ်တော် ဒုတိယပုံမှန်အစည်းအဝေး(အဋ္ဌမနေ့)၌ မိန့်ခွန်းပြောကြားရာတွင် ထည့်သွင်းပြောကြားခဲ့ခြင်းဖြစ်သည်။
ထိုသို့ ရန်ကုန်မြို့ပြ စီမံကိန်းရေးဆွဲ ရေးတွင် ရန်ကုန်မြို့တော်အတွင်း အထပ်မြင့် အဆောက်အအုံများ တည်ဆောက်မှုကို စိစစ်ဆောင်ရွက် သွားမည်ဖြစ်သည့်အပြင် ဥပဒေ စည်းမျဉ်း စည်းကမ်းဘောင်များအတွင်း စိတ်ချလုံခြုံစွာ လွတ်လွတ်လပ်လပ် ဆောင်ရွက်နိုင်ရန် လာမည့် ရက်သတ္တပတ်များအတွင်း စိစစ်ဆောင်ရွက်ခွင့်ပြုသွားမည်ဖြစ်ပြီး မြို့တော်အတွင်း ရေစီးရေလာ ကောင်းမွန်ရေးအတွက် ရေနုတ်မြောင်းများ ရှင်းလင်းဆောင်ရွက်နေ သကဲ့သို့ ရေရှည်စီမံကိန်းတစ်ရပ် ရေးဆွဲ၍ အကောင်အထည်ဖော် ဆောင်ရွက်သွားမည်ဖြစ်ကြောင်း သိရသည်။
ထို့အပြင် ရန်ကုန်မြို့တော် ယာဉ်ကြောကျပ်တည်းမှု ပြေလျော့စေရန် တိုင်းဒေသကြီးအတွင်း သယ်ယူပို့ဆောင်ရေး အာဏာပိုင်အဖွဲ့တစ်ရပ် ကိုထူထောင်၍ မီးပွိုင့်များပြုပြင်ခြင်း၊ ဘတ်စ်ကားယာဉ်လိုင်းများ စနစ်တကျ ထူထောင်ခြင်းနှင့် အငှားယာဉ်များကိုလည်း မြို့တော်အငှား ယာဉ်များအဖြစ် အသင်းအဖွဲ့များ ထူထောင်ကာ ပြုပြင်ပြောင်းလဲခြင်း လုပ်ငန်းများကို ဆောင်ရွက်သွားမည် ဖြစ်သည့်အပြင် ရန်ကုန်မြစ်၊ ပဲခူးမြစ်၊ ငမိုးရိပ်ချောင်း စသည်တို့ကို ပြုပြင် ထိန်းသိမ်းရေးလုပ်ငန်းများ ဆောင်ရွက်ခြင်းဖြင့် ရန်ကုန်မြို့၏ ရေကြောင်း ပို့ဆောင်ရေးကို ဖွံ့ဖြိုးတိုးတက်အောင် ဆောင်ရွက်သွားမည်ဖြစ်ကြောင်း၊ တိုင်းဒေသကြီးအတွင်း လျှပ်စစ်မီး လုံလောက်စွာရရှိရန် လျှပ်စစ်ထုတ်လုပ်ခြင်း၊ သွယ်တန်းခြင်း၊ ဖြန့်ဖြူးခြင်း စသည့် လုပ်ငန်းများကိုလည်း ပြန်လည် သုံးသပ်၍ အကောင်းဆုံးဖြစ်နိုင်သည့် စီမံကိန်းအသစ်များဖြင့် အကောင်အထည်ဖော်ဆောင်ရွက်သွားမည်ဖြစ်ပြီး နိုင်ငံခြားရင်းနှီးမြှုပ်နှံမှုများ ပိုမိုဝင်ရောက်လာစေရန်နှင့် အသေး စား၊ အလတ်စား စက်မှုလုပ်ငန်းများ ဖွံ့ဖြိုးတိုးတက်စေရန် စက်မှုလုပ်ငန်းများ ခေတ်မီဖွံ့ဖြိုးတိုးတက်အောင် ဆောင်ရွက်ခြင်းဖြင့်လည်း ပြည်သူများ၏ အလုပ်အကိုင်အခွင့်အလမ်းများ တိုးတက်လာနိုင်မှာဖြစ်ကြောင်း ထည့်သွင်းပြောကြားခဲ့သည်။
Credit To >>> The Mirror Daily
Myanmar Kyat Exchange Rate
0 comments:
Post a Comment