ကော့သောင်းအကျဉ်းထောင်ဆူပူမှု ထောင်ပိုင်ကို ခုံရုံးဖွဲ့စစ်ဆေးနေ

ကော့သောင်းအကျဉ်းထောင်၌ ဖြစ်ပွားခဲ့သော ထောင်တွင်းဆူပူမှုဖြစ်စဉ်တွင် အဓိကတာဝန်ရှိသော ထောင်ပိုင်ကို အထူးစုံစမ်းစစ်ဆေးရေး ခုံရုံးဖွဲ့ စစ်ဆေးနေပြီဖြစ်ကြောင်း သတင်းရရှိသည်။

စက်တင်ဘာ ၁၆ ရက်မှ စတင်ကာ စုံစမ်းစစ်ဆေးရေးခုံရုံးဖွဲ့၍ စစ်ဆေးနေခြင်းဖြစ်ပြီး အကျဉ်းထောင် တာဝန်ရှိသူအချို့ နှင့် အကျဉ်းသားများကြားတွင် ယခင်ကပင် မကျေလည်မှုအချို့ ရှိနေကြောင်း တနင်္သာရီတိုင်း ဒေသကြီး အစိုးရအဖွဲ့ရုံးနှင့် နီးစပ်သူတစ်ဦးကပြောသည်။

““၀န်ကြီးချုပ်နဲ့ အကျဉ်းဦးစီးဌာန ညွှန်ကြားရေးမှူးချူပ်အပြင် တိုင်းအဆင့် အုပ်ချုပ်ရေးတာဝန်ရှိသူတွေပါ မနေ့က ကော့သောင်းအကျဉ်းထောင်ကိုသွားပြီး စစ်ဆေးခဲ့တယ်။ လေ့လာမှုတွေအရ ထောင်ပိုင်နဲ့ အချုပ်သားတွေကြားမှာ ပြဿနာတချို့ရှိနေပုံရပါတယ်””ဟု ဆိုသည်။

ကော့သောင်း အကျဉ်းထောင်တွင် စက်တင်ဘာ ၁၃ ရက်ညက အကျဉ်းသား အချို့ ဆူပူမှုဖြစ်ပွားပြီး ယင်းအခြေအနေကို အသုံးချ၍ နှစ်ကြီးအကျဉ်းသား အချို့ အကျဉ်းထောင်ခေါင်မိုးကိုဖောက်ကာ ထွက်ပြေးရန် ကြံစည်အားထုတ်မှု ဖြစ်ပွားခဲ့ကြောင်း တိုင်းဒေသကြီး ရဲတပ်ဖွဲ့မှူးရုံးမှ တာဝန်ရှိသူတစ်ဦး ကပြောသည်။

ထောင်တွင်းဆူပူမငြိမ်သက်မှုကို အကျဉ်းထောင်ဝန်ထမ်းများ ထိန်းသိမ်းရာမှ အကျဉ်းသားတစ်ဦး သေဆုံး ကာ ခုနစ်ဦး သေနတ်ဒဏ်ရာရရှိခဲ့သည်။ ဒဏ်ရာရရှိခဲ့သည့် အကျဉ်းသားခုနစ်ဦးအား ကော့သောင်း ခရိုင်ဆေးရုံကြီးသို့ တင်ပို့ ကုသခဲ့ပြီး ယင်းတို့အနက် ဒဏ်ရာပြင်းထန်သော အကျဉ်းသားသုံးဦးမှာ မြိတ်နှင့် ထားဝယ်ဆေးရုံများသို့ ပြောင်းရွှေ့ကုသနေရကြောင်း ကော့သောင်းခရိုင် ဆေးရုံကြီးမှ သတင်းရရှိသည်။

ကော့သောင်း အကျဉ်း ထောင်တွင် အကျဉ်းသား ၇၀၀ ခန့် ရှိနေပြီး ထောင်တွင်းဆူပူမှု ဖြစ်စဉ်တွင် ပါဝင်ခဲ့ သည့် အကျဉ်းသားအချို့မှာ စက်တင်ဘာ ၁၄ ရက် နံနက်မှ စတင်ကာ ၎င်းတို့အား သတင်းမီဒီယာများနှင့် တွေ့ဆုံခွင့်ပေးရေးနှင့် အကျဉ်းသားသေဆုံးသည်အထိ ပြစ်မှုကျူးလွန်ခဲ့သည့် ဖြစ်စဉ်တွင် အဓိကတာဝန်ရှိသူ ထောင်ပိုင်ကို ထိရောက်စွာ အရေးယူပေးရေး ကြွေးကြော်ကာ ထောင်တွင်းဆန္ဒပြမှု ပြုလုပ်နေကြောင်း သတင်းရရှိသည်။

ထောင်တွင်းဆူပူမှုဖြစ်စဉ်ကို အုပ်ချုပ်ရေးတာဝန်ရှိသူများအနေဖြင့် အချိန်မီထိန်းသိမ်းနိုင် ခဲ့ပြီး နောက်ထပ် ဆူပူမှုမဖြစ်ပွား စေရေးအတွက် အကျဉ်းထောင် ၀န်ထမ်း ၂၆ ဦးတိုးမြှင့်၍ စက်တင်ဘာ ၁၆ ရက်မှစတင်ကာ လုံခြုံရေး စောင့်ကြပ်လျက်ရှိကြောင်းသတင်းရရှိသည်။ကော့သောင်း အကျဉ်း ထောင်တွင် အကျဉ်းသား သေ ဆုံးသည်အထိ ဖြစ်ပွားခဲ့သော ဖြစ်စဉ်နှင့် ပတ်သက်၍ ပြင်ပ၌ သတင်းမျိုးစုံ ထွက်ပေါ်နေပြီး နှစ်ကြီးသမား အကျဉ်းသားအချို့ က ဆူပူမှုဖြစ်စေရန် လှုံ့ဆော်ခဲ့သည်ဟု ဒေသတွင်း အုပ်ချုပ်ရေး တာဝန်ရှိသူများက ဝေဖန်သလို ထောင်ပိုင်မှ အကျဉ်းသားအချို့ ကို ဥပဒေပြင်ပ ညှဉ်းပန်းနှိပ် စက်ခြင်းကြောင့် အကျဉ်းသားများဆူပူမှုဖြစ် ပွားခြင်းဖြစ်ကြောင်း သုံးသပ်ဝေဖန်မှုများလည်း ရှိသည်။

ယင်းအခြေအနေများနှင့် ပတ်သက်၍ သတင်းအမှန် ထုတ်ပြန်နိုင်ရေးအတွက် ဒီမိုကရက်တစ်ပါတီ (မြန်မာ)နှင့် ၈၈ မျိုးဆက်ကျောင်းသားများ ပွင့်လင်းလူ့အဖွဲ့အစည်း (ကော့သောင်း) မှ ဦးဆောင်ကာ စက်တင်ဘာ ၁၇ ရက်တွင် ကော့သောင်းမြို့ Garden ဟိုတယ်၌ သတင်းစာရှင်းလင်းပွဲ ပြုလုပ်မည်ဖြစ်ကြောင်း သတင်းရရှိသည်။

7day daily