ဒုတိယကမ္ဘာစစ်အတွင်း ဂျပန်တပ်သားများအတွက် အပန်းဖြေစေသော မိန်းမများလိုအပ်ခဲ့ကြောင်း ဟာရှီမိုတိုက ဆို

Wednesday, May 15, 2013

ဂျပန်မှ အရေးပါသောနိုင်ငံရေးသမားတစ်ဦးက ဒုတိယကမ္ဘာစစ်အတွင်း ဂျပန်တပ်သားများအတွက် မိန်းမများအား အတင်းအကျပ် ပြည့်တန် ဆာအဖြစ် သွတ်သွင်းခဲ့မှုသည် လိုအပ်ချက်တစ်ခုဖြစ်ကြောင်း ပြောကြားသည်။

အိုဆာကာမြို့တော်ဝန် တိုရူ ဟာရှီမိုတိုက ၎င်းအပန်းဖြေမိန်းမများသည် ဂျပန်စစ်သားများအတွက် အပန်းပြေစေရန် အခွင့်အရေးပေးခဲ့ ကြောင်း တနင်္လာနေ့က ပြောကြားသည်။ အင်္ဂါနေ့တွင်မူ အခြားဝန်ကြီးများက ၎င်း၏အဆိုကို ထောက်ခံပြောဆိုခြင်းမပြုရန် ကြိုးစားခဲ့ကြ သည်။

ဒုတိယကမ္ဘာစစ်အတွင်း ဂျပန်တို့သိမ်းပိုက်ထားသောပိုင်နက်များတွင် အမျိုးသမီး နှစ်သိန်းခန့်ကို တပ်သားများအတွက် ရမ္မက်ကျွန်အဖြစ် အတင်းအကြပ်လုပ်ခိုင်းခဲ့ကြောင်း ခန့်မှန်းချက်များရှိသည်။

၎င်းအမျိုးသမီးများထဲမှ အများစုသည် တရုတ်နှင့် တောင်ကိုးရီးယားတို့မှ ဖြစ်ပြီး ဖိလစ်ပိုင်၊အင်ဒိုနီးရှားနှင့် ထိုင်ဝမ်မှ မိန်းမများလည်း ပါဝင်သည်။ ဂျပန်တို့၏ စစ်ပွဲအတွင်းပြုလုပ်ခဲ့သော အမှုကိစ္စများသည် အိမ်နီးချင်းနိုင်ငံများနှင့် တင်းမာမှုကို မကြာခဏဖြစ်စေသည့် အကြောင်း ရင်းဖြစ်ပြီး တောင်ကိုးရီးယားက မစ္စတာ ဟာရှီမိုတို စကားများကို လွန်စွာစိတ်ပျက်ကြောင်း ဖော်ထုတ်ပြောကြားသည်။

“လူ့အခွင့်အရေးပြင်းထန်စွာ ချိုးဖောက်ပြီး စစ်အတွင်း ဂျပန်တွေပြုကျင့်ခဲ့တဲ့ မုဒိန်းမှုတွေကို အပန်းဖြေမိန်းမများအဖြစ် ဖော်ပြခြင်းကို တစ်ကမ္ဘာလုံးက သိရှိပါတယ်” ဟု တောင်ကိုးရီးယားနိုင်ငံခြားရေးဝန်ကြီးပြောရေးဆိုခွင့် ရှိသူက အေအက်ဖ်ပီကို ပြောကြားသည်။

မစ္စတာ ဟာရှီမိုတိုသည် ဂျပန်လူမျိုးအမျိုးသားရေးပြင်ဆင်ရေးပါတီ၏ ပူးတွဲတည်ထောင်သူဖြစ်ပြီး ၎င်းပါတီသည် လွှတ်တော်တွင် နေရာ အနည်းငယ်သာရရှိပြီး အစိုးရပိုင်းတွင် မပါဝင်ပေ။၎င်းသည်ဂျပန်သမ်ိုင်းတွင် အငယ်ဆုံးမြို့တော်ဝန်ဖြစ်ပြီး လွန်ခဲ့သည်နှစ်က ဂျပန်နိုင်ငံသည် အာဏာရှင်ဆန်မှုလိုအပ်ကြောင်း ပြောကြားခဲ့ သည်။

ယခုပြောဆိုသောစကားတွင်လည်း ဂျပန်မီဒီယာတွင်ဖော်ပြချက်အရ “ကျည်ဆန်တွေမိုးလိုရွာ၊ လေလိုတိုက်နေချိန်မှာ စစ်သားတွေဟာ သူတို့ ရဲ့အသက်ကို စွန့်ပြီး အပြေးအလွှားဖြစ်နေရတယ်၊ အဲလိုချိန်မှာ သူတို့ကို အပန်းပြေစေဖို့ဆိုရင် အပန်းဖြေအမျိုးသမီးအစီအစဉ်ဟာ လိုအပ်ပါ တယ်၊ ဒါကိုလူတိုင်း နားလည်နိုင်ပါတယ်”ဟု ပြောကြားခဲ့ကြောင်း သိရသည်။

၎င်းက အမျိုးသမီးများသည် ၎င်းတို့၏ကိုယ်ပိုင်ဆန္ဒကိုငြင်းဆန်၍ လုပ်ခဲ့ရသည်ကို သိရှိကြောင်း ဂျပန်အနေနှင့် ၎င်းလုပ်ရပ်များအတွက် တာဝန်ရှိသော်လည်း ထိုသို့လုပ်ဆောင်သည်မှာ ဂျပန်တစ်နိုင်ငံတည်း မဟုတ်ကြောင်း ပြောကြားသည်။၎င်းအနေနှင့် ၁၉၉၅ခုနှစ်က ဂျပန်ဝန်ကြီးချုပ် တိုမီးချီ မူရာယာမာက အာရှတိုက်တွင် စစ်ပွဲများအတွင်း လုပ်ကိုင်ခဲ့သော လုပ်ရပ်များ အတွက် တောင်းပန်ခဲ့ခြင်းကို ထောက်ခံကြောင်း ပြောကြားခဲ့သည်။

အင်္ဂါနေ့တွင် ဂျပန်ကက်ဘိနက်ဝန်ကြီး ယိုရှီဟီဒီ ဆူဂါက မစ္စတာဟာရှီမိုတို၏ မှတ်ချက်များအပေါ် ဝေဖန်စကားဆိုသော်လည်း ၎င်းအပန်းဖြေ အမျိုးသမီးများအပေါ် အစိုးရ၏ လက်ရှိသဘောထားကို ပြန်လည်ပြောဆိုသည်။

၎င်းက အစိုရသည် ဖော်ပြသည်ထက်ပို၍ ခံစားခဲ့ရသူများအတွက် နာကျင်မှုများကို အစိုးရအနေနှင့်လည်း ခံစားရကြောင်း ပြောကြားခဲ့သည်။၁၉၉၃ ခုနှစ်တွင် ဂျပန်အစိုးရက အပန်းဖြေအမျိုးသမီးများအပေါ် တိုင်းတာ၍မရသော နာကျင်ရမှု၊ ခံစားရမှုအပေါ်တောင်းပန်ကြောင်း ထုတ်ပြန်ခဲ့သည်။ ၁၉၉၅ တွင်လည်း စစ်မက်ကာလ အတွင်း စတင်ရန်စတိုက်ခိုက်မှု အတွက် တောင်းပန်ခဲ့သည်။

ပညာရေးဝန်ကြီး ဟာကူဘန် ရှီမိုမူရာကလည်း မစ္စတာ ဟာရှီမိုတို၏ မှတ်ချက်စကားများနှင့်ပတ်သက်၍ ပြောကြားခဲ့သည်။

“ စစ်သမိုင်းအကြောင်း ပြန်လည်ဖော်ပြရာမှ ထွက်ပေါ်လာတဲ့ မှတ်ချက်များကို နားလည်မှုလွဲမှားခဲ့ကြတယ်၊ အဲလိုဖြစ်နေတုန်း မစ္စတာ ဟာရှီမိုတိုရဲ့ မှတ်ချက်ကတော့ မကောင်းတဲ့ကာလမှာ ပေါ်လာတာပါ” ဟု ၎င်းက ပြောကြားသည်။

လွန်ခဲ့သည့် လကလည်း ဂျပန်ဝန်ကြီးချုပ်သည် စတင်ရန်စတိုက်ခိုက်မှု ဆိုသောစကားသည် အမှန်ဖြစ်ကြောင်းပြောကြားရန် ခက်ခဲသော ကြောင့် ၁၉၉၅ခုနှစ် တောင်းပန်မှုကို မစောင့်ထ်ိန်းတော့ကြောင်း ပြောဆိုခဲ့ရာ တရုတ်နှင့် တောင်ကိုးရီး ယားနိုင်ငံ တို့ကို ဒေါသထွက်စေခဲ့ သည်။ဝန်ကြီးချုပ်အနေနှင့် ဒေသတွင်းဒေါသများကို လျှော့ချရေးအတွက် ၎င်း၏ ပြောဆိုချက်ကို လျောခဲ့ရသည်။

ဂျပန်၏ အိမ်နီးချင်းနိုင်ငံအနေနှင့်လည်း မကြာမီက ကက်ဘိနက်အဖွဲ့ဝင်များနှင့် လွှတ်တော်အမတ် ၁၇၀ ခန့်က စစ်ရာဇဝတ်ကောင်များ အပါ အဝင် စစ်ပွဲအတွင်း သေဆုံးခဲ့ရသောဂျပန်များကို ဂုဏ်ပြုတည်ထောင်ခဲ့သည့် ယာဆူကူနီ စစ်အထိမ်းအမှတ်အဆောက်အဦးကို သွားရောက် ဂါရဝပြုခဲ့သောကြောင့် ကန့်ကွက်ခဲ့ကြသည်။

မြန်မာ့ခေတ်