မြန်မာနိုင်ငံသို့ ခြေစမ်းပွဲများ ကစားရန် ရောက်ရှိနေသည့်
ဂျပန် လက်ရွေးစင် အမျိုးသား ယူ-၁၅ ဘောလုံး အသင်းသည် ခြေစမ်းပွဲနှစ်ပွဲ
ကစားပြီးချိန်တွင် နှစ်ပွဲစလုံး အနိုင်ရရှိထားကြောင်း သိရှိရသည်။ ဂျပန်လက်ရွေးစင် ယူ-၁၅ အသင်းသည် ပြီးခဲ့သည့် ဧပြီ ၂၀ ရက်က
မြန်မာ့လက်ရွေးစင် ယူ-၁၈ (ခ)အသင်းနှင့် သုဝဏ္ဏကွင်း ၌ ခြေစမ်းကစားခဲ့ရာ ၁-၀
ဂိုးဖြင့် အနိုင်ရရှိခဲ့ပြီး၊ ဧပြီ ၂၁ ရက်က အောင်ဆန်းကွင်း၌
မြန်မာ့လက်ရွေးစင် ယူ-၁၆ အသင်းနှင့် ခြေစမ်းကစားခဲ့ရာ ၅-၀ ဂိုးဖြင့်
အနိုင်ရရှိခဲ့သည်။ ထို့ပြင် ဂျပန် ယူ-၁၅ အသင်းသည် လာမည့် ၂၃ ရက်တွင်
အောင်ဆန်းကွင်း ၌ မြန်မာ့လက်ရွေးစင် ယူ-၁၈ (က) အသင်းနှင့်
ထပ်မံခြေစမ်း ကစားမည်ဖြစ်သည်။ ဂျပန်လက်ရွေးစင် ယူ-၁၅ အသင်းသည်
တစ်ဦးချင်းအခြေခံကောင်းမွန်သည့် ကစားသမားများဖြင့် စုဖွဲ့ထားသည့်အပြင်
အဆိုပါအသင်းအား လာမည့် ကမ္ဘာ့အဆင့် ပြိုင်ပွဲများအတွက်
ရည်ရွယ်ဖွဲ့စည်းထားသောအသင်းဖြစ်ကြောင်း သိရသည်။
Myanmar Kyat Exchange Rate
0 comments:
Post a Comment