မန်ယူနှင့် နောက်ထပ် ဆုဖလား များစွာ လိုချင် မိသေးကြောင်း ဗန်ပါစီ ဖွင့်ဟ

မန်ချက်စတာ ယူနိုက်တက် အသင်းနှင့် အတူ နောက်ထပ် အောင်မြင်မှု များစွာ ရယူ ပိုင်ဆိုင် လိုသေးကြောင်း ရော်ဘင် ဗန်ပါစီက ဖွင့်ဟ ပြောကြားလိုက်သည်။ ပရီးမီးယား လိဂ်တွင် စုစုပေါင်း (၉)နှစ်ကြာ ဖြတ်သန်းခဲ့ပြီးနောက် ယခုအခါ ပထမဆုံး ပရီးမီးယားလိဂ် ချန်ပီယံ ဆုအား ရရှိခဲ့ပြီဖြစ်သည့် နယ်သာလန် လက်ရွေးစင်သည် အသင်း၏ ချန်ပီယံဆု အဆုံးအဖြတ် ပွဲစဉ်တွင် အက်စ်တန်ဗီလာကို Hat-Trick သွင်းယူခဲ့သည်။ ယခုအခါ ပရီးမီးယားလိဂ်၏ ဂိုးသွင်းဘုရင် စာရင်းတွင်လည်း ပြန်လည် ဦးဆောင်နေပြီ ဖြစ်သည့် အာဆင်နယ် အသင်း ခေါင်းဆောင်ဟောင်းက အဖွင့်ရာသီ လှပခဲ့သည့် မန်ယူ ကစားသမား ဘဝတွင် နောက်ထပ် အောင်မြင်မှုများလည်း ရယူလိုသေးကြောင်း ဝန်ခံသွားသည်။
အသက်(၂၉)နှစ်ရှိ ကစားသမားက "ခုချိန်က စပြီးတော့ ကျွန်တော်တို့ရဲ့ ရပ်တည်မှုသစ်ကို အမြဲတမ်း ပြသသွားဖို့ ကြိုးစားပါမယ်။ မန်ယူဟာ ရာသီတိုင်းမှာ ချန်ပီယံဖြစ်ဖို့ မျှော်လင့် ထားတာပါ။ ကျွန်တော်တို့ နောက်ထပ် နိုင်ပွဲတွေ၊ နောက်ထပ် အောင်ပွဲတွေ ရယူချင်ပါတယ်။ ကျွန်တော့် မန်ယူ ကစားသမား ဘဝ ပထမဆုံး နေ့ကတည်းက ဒီအကြောင်း ပြောခဲ့တယ်။ လက်တွေ့လည်း ကျွန်တော်တို့ အကောင်းဆုံး လုပ်နိုင်ခဲ့ပါတယ်" ဟု ပြောကြားခဲ့သည်။ ဗန်ပါစီက မန်ယူနှင့် အတူ ပရီးမီးယားလိဂ် ချန်ပီယံ ဖြစ်လာခြင်းက အောင်မြင်မှုကို ပိုမိုဆာလောင် လာစေကြောင်းလည်း ဆိုသည်။

ခုချိန်က စပြီးတော့ ကျွန်တော်တို့ရဲ့ ရပ်တည်မှုသစ်ကို အမြဲတမ်း ပြသသွားဖို့ ကြိုးစားပါမယ်။ မန်ယူဟာ ရာသီတိုင်းမှာချန်ပီယံဖြစ်ဖို့ မျှော်လင့်ထားတာပါ။ကျွန်တော်တို့ နောက်ထပ် နိုင်ပွဲတွေ၊ နောက်ထပ် အောင်ပွဲတွေ ရယူ ချင်ပါတယ်။ ကျွန်တော့် မန်ယူကစားသမားဘဝ ပထမဆုံး နေ့ကတည်းက ဒီအကြောင်း ပြောခဲ့တယ်။ လက်တွေ့လည်း ကျွန်တော်တို့ အကောင်းဆုံး လုပ်နိုင်ခဲ့ပါတယ်။
"ကျွန်တော့်ကို ပိုပြီး ဆာလောင် တပ်မက်တတ်လာဖို့ သင်ပေး လိုက်သလိုပါပဲ။ ကျွန်တော် ပရီးမီးယားလိဂ်ကို နောက်ထပ်လည်း ချန်ပီယံ ဖြစ်စေချင်သေးတယ်။ ပြီးတော့ တခြား ဆုဖလားတွေလည်း ပါသေးတယ်။ FAဖလား၊ ချန်ပီယံ လိဂ်နဲ့ လိဂ်ဖလားက အစပေါ့။ ကျွန်တော် အားလုံး အားလုံး လိုချင်ပါတယ်။ လက်ရှိ အခြေအနေဟာ ကောင်းမွန်တဲ့ စတင်မှု ခြေလှမ်းပါ။ ဒါပေမဲ့ ကျွန်တော်က ခုထက်ပိုလိုချင်တယ်။ ဒီအရသာက သိပ်ကို ချစ်စရာ ကောင်းပါတယ်" ဟုလည်း ဗန်ပါစီက မှတ်ချက်ပြုသွားသည်။