ဒီချုပ်အစိုးရအဖွဲ့တာဝန်ရှိသူများနှင့် ပါတီဝင်များ အောက်ခြေလွတ်၊ ဘဝင်မြင့်က လူထုဒဏ်ခတ်ခြင်းခံရမည်ဟု ပါတီခေါင်းဆောင်များသတိပေး

အမျိုးသားဒီမိုကရေစီ အဖွဲ့ချုပ်ပါတီက ရွေးချယ်ထား သော အစိုးရအဖွဲ့ တာဝန်ရှိပုဂ္ဂိုလ် များနှင့် ပါတီဝင်များသည် ပြည်သူ များ စိတ်ပျက်စေမည့်လုပ်ရပ်များ မပြုလုပ်ရန်နှင့် အောက်ခြေလွတ်၊ ဘဝင်မြင့်နေပါက ပြည်သူလူထု ၏ဒဏ်ခတ်ခြင်းခံရမည်ဟု ပါတီ ခေါင်းဆောင်များက သတိပေး ပြောကြားသည်။

အမျိုးသားဒီမိုကရေစီအဖွဲ့ ချုပ်ပါတီ၏ရန်ကုန်တိုင်းဒေသ ကြီး ဆဋ္ဌမအကြိမ်မြောက် တိုင်း၊ ခရိုင်၊ မြို့နယ်များစုံညီတွေ့ဆုံပွဲ အခမ်းအနားကို နိုဝင်ဘာ ၁ ရက်က ရန်ကုန်မြို့ရှိ စကိုင်းစတားဟို တယ်၌ ပြုလုပ်စဉ် ပါတီခေါင်း ဆောင်များဖြစ်သည့် နာယကဦး တင်ဦး၊ ဗဟိုအလုပ်အမှုဆောင် အဖွဲ့ အတွင်းရေးမှူးအဖွဲ့ဝင်များ ဖြစ်သည့် ဦးဝင်းမြင့်၊ ဦးဝင်းထိန် တို့က အထက်ပါအတိုင်းပြော ကြားခဲ့ခြင်းဖြစ်သည်။

‘‘ကျွန်တော်တို့ ဒုက္ခသုက္ခဖြစ်တဲ့အချိန်မှာ ကျွန်တော်တို့ကို ကောင်းစွာ ရပ်တည်ပေးခဲ့တာ ဟာ အခြေခံပြည်သူလူထုဖြစ်ပါ တယ်။

တိုင်းရင်းသားအဖွဲ့အ စည်းတွေ ဖြစ်ကြပါတယ်။ အခြေခံအင်အားဖြစ်တဲ့၊ ကျေးလက်မှာရှိကြတဲ့ ပြည်သူလူထုတစ်ရပ်လုံး ရဲ့လုပ်ကိုင်စားသောက်နေထိုင်ရ တဲ့အပေါ်မှာ မိမိတို့ဟာ ဘယ်လောက်ကြိုးစားပြီးတော့ ကူညီထောက်ပံ့စွမ်းဆောင်နိုင်မှုပြုမလဲ ဆိုတာကို အားလုံးပြသဖို့ လိုတယ်’’ဟု ဦးတင်ဦးကပြောသည်။

အမျိုးသားဒီမိုကရေစီအဖွဲ့ ချုပ်ပါတီ၏လာမည့် အဆင့်ဆင့် သော ဆောင်ရွက်ချက်များတွင် ပြည်သူလူထုအော့နှလုံးနာဖွယ်၊ စိတ်ပျက်ဖွယ်အလုပ်များကို အဖွဲ့ဝင်များက တစိုးတစိမျှ မလုပ်မိ စေရန်နှင့် အဖွဲ့ဝင်တစ်ဦးနှင့် တစ်ဦးအကြား အချင်းချင်းအကြံပေး ခြင်း၊ သတိပေးခြင်း၊ ညှိနှိုင်း ဆောင်ရွက်ခြင်းဖြင့် အောင်မြင် ရာ အောင်မြင်ကြောင်း လုပ် ဆောင်ရန် ဦးတင်ဦးက သတိပေး သည်။

‘‘လုပ်မှားကိုင်မှားလေးတွေ မဖြစ်အောင်တော့ အထူးသတိ ထားကြပါ။ အထူးသတိပြုကြပါ။ ဒါ အင်မတန်မှ အရေးကြီးပါ တယ်။ ကျွန်တော်တို့အချင်းချင်း က တစ်ယောက်နဲ့တစ်ယောက် လုပ်မှားကိုင်မှား ပြောမှားဆိုးမှား ရှိလို့၊ လုပ်တာကိုင်တာမှားလို့ ကျွန်တော်တို့ အချင်းချင်းမှာ ပြဿနာမရှိပေမယ့် ပြဿနာရှိ တဲ့သူအတွက်ကတော့ ပြဿနာ ဖြစ်သွားနိုင်ပါတယ်။ ဒီလောက် ဆိုရင် သဘောပေါက်မယ်ထင်ပါ တယ်’’ဟု ဗဟိုအလုပ်အမှုဆောင် အဖွဲ့ အတွင်းရေးမှူးအဖွဲ့ဝင် ဦး ဝင်းမြင့်က ပြောသည်။

ဒီချုပ်အဖွဲ့ဝင်များအလုပ် လုပ်ရာတွင် ဥပဒေပြုရေး၊ အုပ် ချုပ်ရေး၊ တရားစီရင်ရေး စသည့် အာဏာများကို အထူးသတိထား ရန်နှင့် တစ်ဖွဲ့နှင့်တစ်ဖွဲ့အကြား၊ တစ်ဦးနှင့်တစ်ဦးအကြား ဝင် ရောက်စွက်ဖက်ခြင်းမပြုရန် ပြည် သူ့လွှတ်တော်ဥက္ကဋ္ဌလည်း ဖြစ်သူ ဦးဝင်းမြင့်က ပြောသည်။

ဆက်လက်၍ ဗဟိုအလုပ်အ မှုဆောင်အဖွဲ့ အတွင်းရေးမှူးအ ဖွဲ့ဝင် ဦးဝင်းထိန်က အစိုးရအဖွဲ့ ၏အုပ်ချုပ်ရေးအဖွဲ့များ၊ လွှတ် တော်ဥပဒေပြု ကဏ္ဍများတွင် အသားကျနေပြီဖြစ်သော်လည်း မျှော်လင့်ချက်ကြီးစွာ ဆန္ဒမဲပေး လိုက်သည့် ပြည်သူလူထု၏စီးပွား ရေးအခြေအနေကို တိုးတက်ရန် လုပ်ဆောင်နိုင်ခြင်း မရှိသေး ကြောင်း ဝန်ခံပြောကြားသည်။

‘‘အမျိုးသားဒီမိုကရေစီအဖွဲ့ ချုပ်ဝင်တွေ၊ အထူးသဖြင့် တာဝန် ရှိတဲ့ ပုဂ္ဂိုလ်တွေက ကြိုးစားပြီး တော့ ဆောင်ရွက်ခြင်းအားဖြင့် အဲဒီ ဒီမိုကရေစီအညှောင့်လေး ဟာ အပင်ဖြစ်လာမယ်။ ဒီငါးနှစ် နဲ့ အောင်မြင်မယ်လို့တော့ မယုံ ကြည်သေးဘူး။ ပြည်သူလူထုအ ကျိုးကို ဖန်တီးခြင်းအားဖြင့် ပြည် သူလူထုက ဆက်လက်ထောက်ခံ ရင် ၂၀၂၀ ရွေးကောက်ပွဲမှာ ဆက်ပြီး တာဝန်ယူရမှာ။ အဲဒီလိုမှမ ဟုတ်ဘဲ ဒေါ်အောင်ဆန်းစုကြည် သတိပေးသလို အောက်ခြေလွတ် နေမယ်၊ ဘဝင်မြင့်နေမယ်ဆိုရင် တော့ ပြည်သူလူထုဒဏ်ခတ်တာ ခံရမယ်ဆိုတာကို ကျွန်တော်ကြုံ တုန်းမှာ သတိပေးပါရစေ’’ဟု ဦး ဝင်းထိန်က ပြောသည်။

အမျိုးသားဒီမိုကရေစီအဖွဲ့ ချုပ်ပါတီအစိုးရအဖွဲ့တက်လာပြီး ခုနစ်လအကြာတွင် ပြောင်းလဲမှု အချို့ ရှိခဲ့ကြောင်းနှင့် အချို့ ပြောင်းလဲမှုများသည် မြင်သာထင်သာရှိသော်လည်း အချို့ပြောင်းလဲမှုများမှာ မြင်သာထင်သာရှိ သည့် ပြောင်းလဲမှုများ မဟုတ် ကြောင်း ပြည်သူ့လွှတ်တော်ဥက္ကဋ္ဌ ဦးဝင်းမြင့်က ပြောသည်။

Credit To >>> 7 Day Daily