မြန်မာ-ထိုင်းနယ်စပ် မြ၀တီမြို့တွင် ကာစီနိုလောင်းကစားရုံ ဖွင့်လှစ်မှု များပြားလာ

မြန်မာ-ထိုင်း နယ်စပ်မြို့ဖြစ်သော မြ၀တီမြို့တွင် ကာစီနိုလောင်းကစားရုံ ဖွင့်လှစ်မှု များပြားလာကြောင်း သိရသည်။

နယ်​စပ်​ကုန်​သွယ်​​ရေးနှင့်​ ပြည်ပခရီးသွား ၀င်​ထွက်​မှုများ​ပြားသည့် မြ၀တီနယ်​စပ်​မြို့တွင်​ အဆင့်​မြင့်​​ လောင်းကစား (ကာစီနို) ရုံကြီးများ ကြေညာကာ ဖွင့်​လှစ်​လာပြီဖြစ်​​ကြောင်း သိရသည်​။

ကြော်ငြာဆိုင်းဘုတ်တင်ကာ ဖွင့်လှစ်ထားသည့် ​မော်​လမင်း ကာစီနိုလောင်းကစားရုံသည်​ မြ၀တီမြို့ အမှတ်​(၅) ရပ်​ကွက်​ ပတ္တမြားဓာတ်​ဆီဆိုင်​လမ်း သောင်​ရင်းဖြတ်​​ကျော်​ ကူးတို့ဆိပ်​ ၁၄ ဂိတ်​ (မြန်​မာဘက်အခြမ်း) တွင်​တည်​ရှိပြီး လူမြင်​ကွင်းတွင်​ ​ပထမဆုံး​ ကြော်​ငြာသည့် ​လောင်းကစားရုံဖြစ်​​ကြောင်း သိရသည်​။

 မြတီမြို့တွင် ကာစီနို လောင်းကစားရုံများ ဖွင့်လှစ်ကြောင်း ကြော်ငြာဆိုင်းဘုတ်ဖြင့် အကျယ်တ၀င့် လုပ်ဆောင်လာခြင်းနှင့် ပတ်သက်၍ ကရင်ပြည်​နယ် အစိုးရအဖွဲ့အား တင်ပြသွားရန်ရှိကြောင်း ကရင်ပြည်နယ် လွှတ်တော်ကိုယ်စားလှယ် ဦးသန့်ဇင်အောင်က ပြောကြားသည်။

ပြည်နယ်​လွှတ်​​တော်​ ကိုယ်​စားလှယ်​ ဦးသန့်​​ဇင်​​အောင်​က “ယခင်​ကလည်း ဒီလောင်းကစားရုံကိစ္စကို တင်ပြဖူးပါတယ်​။ အခုလို အကျယ်​တ၀င့်​ ဖြစ်​လာ​တော့ ပြည်​နယ်အစိုးရကို ဆက်​လက်​တင်​ပြသွားပါမယ်​။ တင်ပြသွားဖို့ ရှိပါတယ်​” ဟု  ​ပြောကြားသည်။

မြ၀တီမြို့မှ ​ဒေသခံတစ်​ဦးက “အရင်တုန်းက လောင်းကစားတွေကို ပုန်းလျှိုးကွယ်လျှိုးလုပ်တယ်။ အခု ပေါ်တင် (ဗြောင်) လုပ်လာတယ်။ ဘယ်သူ ဘာပြောကြမလဲ။ ပြောင်းလဲတယ်ဆိုတာ အဲဒါကိုပြောတာလား” ဟု ပြောကြားသည်​။

မြ၀တီမြို့၌ လက်ရှိတွင် ထိုင်းနိုင်​ငံမှ လျှပ်​စစ်​မီးအား ၀ယ်​ယူသုံးစွဲသည့်​ မီးယူနစ်​ မျှတမှုမရှိ၍ မကြာခဏ မီးပြတ်တောက်​ခြင်း၊ ထရန်​စ​ဖော်​မာ​ ပေါက်​ကွဲပြီး မီးပျက်​​နေခြင်း​ကြောင့်​ ၎င်းက “လောင်းကစားရုံ​တွေက မြ၀တီမြို့ လျှပ်စစ်မီးလို မဟုတ်ဘူး။ ၂၄ နာရီ ဖွင့်တယ်တဲ့။ ကြိုက်တဲ့အချိန် သွားကစားလို့ရတယ်” ဟု ပြောကြားသည်​။

မြ၀တီမြို့တွင်​ ကာစီနိုလောင်းကစားရုံ ငါးရုံရှိကာ၊ ယခုအခါ မြို့လယ်​ဖြစ်​​သော ​ငွေစင်္ကြာ မိုတယ်​အနီး လူ​နေရပ်ကွက်​များအထိ လာ​ရောက်​ ဖွင့်​လှစ်​သည်​ကို တွေ့ရသည်။

“အရင်​က​တော့ ဂိတ်​​တွေမှာပဲ ကာစီနိုရုံရှိတယ်​။ ထိုင်းကဧည့်​သည်​​တွေ လာကစားကြတယ်​လို့ပဲ ကြားဖူးတယ်​။ အခု မြို့ထဲမှာ လာဖွင့်​​တော့ ဆိုင်​ကယ်​တက္ကစီသမား၊ ဆိုက္ကားသမား၊ ကုန်​သည်​တွေလည်း လာကစားကြတာ။ ရသမျှ၊ ပါသမျှကုန်​​တော့ ဘ၀​တွေလည်း ပျက်​​ပေါ့” ဟု ​ငွေစင်္ကြာမိုတယ်​အနီး ဆိုင်​ကယ်​တက္ကစီ မောင်းနေသူ တစ်​ဦးက​ ပြောကြားသည်​။

Credit To >>> Eleven Media Group