ချင်းတွင်းမြစ်တွင် ပျော် ၀င်နေသော အနက်ရောင်ရေစီး ကြောင်းကို ဓာတ်ခွဲစမ်းသပ်ရာ လူနှင့် ရေနေသတ္တ၀ါများကို အန္တရာယ်ရှိနိုင်သည့် ဓာတ်သုံးမျိုးတွေ့ရှိရကြောင်း သဘာဝပတ်ဝန်းကျင် ထိန်းသိမ်းရေးလုပ်ငန်း များကို ဆောင်ရွက်ပေးနေသည့် စိမ်းလန်းအမိမြေ ဓာတ်ခွဲခန်းက သတင်းထုတ်ပြန်သည်။
အရိုးပျော့ရောဂါ ဖြစ်စေပြီး လူတို့၏ ကျောက်ကပ်ပါ ထိခိုက် နိုင်သည့် ကယ်ဒမီယမ်ဓာတ်၊ ၀မ်း ရောဂါဖြစ်စေနိုင်သော ဗက်တီး ရီးယားများ ပေါက်ဖွားနိုင်သည့် ဆိုင်းကြွအနယ်စသည့် ဓာတ်နှစ် မျိုးသည် လိုအပ်သည်ထက်များ နေခြင်းဖြစ်သည်။
ရေနေသတ္တ၀ါများ ရှင်သန် မှုကို ထိခိုက်နိုင်သည့် ရေတွင်ပျော် ၀င်သော ဇီဝဆိုင်ရာ အောက်ဆီ ဂျင်မှာလည်း လိုအပ်ချက်ထက် နည်းနေသည်ဟု ဆိုသည်။
‘‘အဲဒီတုန်းက ငါးတွေသေ တယ်။ အခုလည်း ငါးတွေမရှိ တော့ဘူး။ ဒေသခံတွေကတော့ သေတဲ့ငါးတွေကိုစားဖို့ အဲဒီတုန်း က ယူလာသေးတယ်။ ဒါပေမဲ့ မ စားဖြစ်ကြဘူး’’ဟု စစ်ကိုင်းတိုင်း ဒေသကြီး လွှတ်တော်အမတ် ဦးစိုင်းမောင်တေးကပြောသည်။
စိမ်းလန်းအမိမြေက ခန္တီးမြို့ မှ ချင်းတွင်းမြစ်ရေကိုယူ၍ ရေ တွင်ပျော်ဝင်နေသော ဓာတ်ပေါင်း ၂၇ မျိုးကို စမ်းသပ်စစ်ဆေးခဲ့ရာ ဓာတ်သုံးမျိုးမှာ ပုံမှန်မဟုတ်ကြောင်း တွေ့ရှိရသည်။
ချင်းတွင်းမြစ်ရေ အနက် ရောင်အဖြစ် ပြောင်းလဲစီးဆင်းခြင်းနှင့်ပတ်သက်၍ သြဂုတ် ၂၂ ရက်က ယူဆောင်ခဲ့သော မြစ်ရေကို နှစ်လအကြာ စမ်းသပ်စစ်ဆေးခဲ့ရာ အန္တရာယ်ဖြစ်စေသည့် ဓာတ်သုံးမျိုး ပျော်ဝင်နေသည်ကို တွေ့ရှိရခြင်းဖြစ်သည်။
စစ်ကိုင်းတိုင်းဒေသကြီးအ စိုးရ၏ စစ်ဆေးချက်အရ အဆိုပါ အနက်ရောင်မြစ်ရေတွင် ပါဝင် သည့်ဓာတ်များသည် လူသောက် သုံးရန်မသင့်သည့် ခဲဓာတ်နှင့် သံဓာတ် ပါဝင်မှုများနေသည်ဟု သြဂုတ် ၃၀ ရက်က သတင်းထုတ် ပြန်ထားသည်။
ချင်းတွင်းမြစ်ရေတွင် အရှည် ပေ ၁,၀၀၀၊ အနံပေ ၆၀၀ ခန့်ရှိ သည့် အနက်ရောင်ရေများသည် အခြားမြစ်ရေများနှင့် ရောနှောခြင်းမရှိဘဲ နန့်စလင်ချောင်းမှ ချင်းတွင်းမြစ်ထဲ ဖြတ်သန်းစီးဆင်းခဲ့ရာ ယင်းမြစ်ရေကို စစ်ကိုင်းတိုင်းအစိုးရအဖွဲ့က မန္တလေးမြို့ဓာတ် ခွဲခန်းသို့ ပေးပို့စစ်ဆေးခဲ့ခြင်းဖြစ်သည်။
Credit To >>> 7 Day Daily
Myanmar Kyat Exchange Rate
0 comments:
Post a Comment