နယ်စပ်စည်းခြား သောင်ရင်းမြစ်ကမ်းစပ်တွင် ထိုင်းနိုင်ငံဘက်မှ ကမ်းထိန်းနံရံ တည်ဆောက်နေမှုကြောင့် မြစ်ကြောင်းပြောင်းလဲကာ နှစ်နိုင်ငံနယ်နမိတ် အငြင်းပွားဖွယ်ထိ ဖြစ်လာနိုင်၍ မြန်မာအာဏာပိုင်များက မတ်၂၄ ရက်က တရားဝင် တားမြစ်ခဲ့သော်လည်း ထိုင်းနိုင်ငံဘက်မှ ဆက်လက်လုပ်ဆောင်နေကြောင်း သိရသည်။
ထိုင်းနိုင်ငံဘက်မှ မြစ်ရေစပ်ထိချ၍ ကမ်းထိန်းနံရံ တည်ဆောက်နေမှုအား မြန်မာနိုင်ငံ မြ၀တီဘက်မှ တပ်၊ ရဲ၊ BGF၊ အုပ်ချုပ်ရေးမှ တာဝန်ရှိသူများအပါအ၀င် အဖွဲ့စုံမှ မတ် ၂၄ ရက် ညနေက တားမြစ်ခဲ့ပြီး တရားဝင် စာဖြင့် ကန့်ကွက်ကြောင်း သိရသည်။
မြ၀တီမြို့ အမှတ်(၅)ရပ်ကွက် (၁၀) ဂိတ် တစ်ဖက်ကမ်း သောင်ရင်းမြစ်ချောင်းအတွင်း ရေစပ်တွင် ထိုင်းနိုင်ငံဘက်မှ မြေတူးစက်များဖြင့် မတ်၂၂ ရက်က စတင်လုပ်ဆောင်ခဲ့ရာ မြန်မာဘက်မှ မတ် ၂၄ ရက်တွင် တားမြစ်သော်လည်း နောက်ရက်များတွင် ဆက်လက်လုပ်ဆောင်နေကြောင်း မြစ်ကမ်းစပ် အနီးနေသူများက ဆိုသည်။
“ဒီနေ့ ဧပြီ ၁ရက် ညနေပိုင်းထိ ပြုလုပ်နေတာပါ။ အဖွဲ့စုံလာတားတဲ့နေ့က တစ်ရက်ပဲ နားပါတယ်။ နောက်နေ့ ဆက်လုပ်တာပါပဲ။ အကျိုးသက်ရောက်မှုလား၊ တာဝန်ရှိတဲ့သူတွေအနေနဲ့ သူတို့ဘက်ကို မတားဘူး (သို့ မဟုတ်) ကိုယ့်ဘက်မှာလည်း ကမ်းထိန်းနံရံ မလုပ်နိုင်ဘူးဆိုရင် လာမယ့်မိုးရာသီမှာ အခု မြင်နေရတဲ့ ကုက္ကိုပင်ကြီးတွေတောင် ပြိုကျသွားနိုင်ပါတယ်” ဟု ဆယ်ဂိတ် (မြန်မာဘက်ကမ်း) တွင် နေထိုင်သူတစ်ဦးက ဧပြီ ၁ ရက်တွင် ပြောကြားသည်။
ထိုင်းနိုင်ငံတာ့ခရိုင်မှ လုပ်ပိုင်ခွင့်ရရှိသော ကုမ္ပဏီမှ ဘတ်ဂျက်ကာလ မကုန်မီ အလျင်အမြန် တည်ဆောက်နေခြင်းဖြစ်ပြီး နယ်ခြားကော်မတီ အစည်းအဝေးတွင် ၎င်းတို့၏ လုပ်ငန်းစဉ်အား မြန်မာတာဝန်ရှိသူများကို ချပြခဲ့ပြီး နှစ်နိုင်ငံသဘောတူညီမှု ရရှိခြင်းမရှိခဲ့ကြောင်း မြို့နယ်ရဲတပ်ဖွဲ့မှူးက ပြောကြားသည်။
Credit To >>> Eleven Media Group
0 comments:
Post a Comment