ပါရီတိုက်ခိုက်မှုကြောင့် ဆီးရီးယား ဒုက္ခသည်များ လက်ခံရေးကို အမေရိကန် ပြည်နယ်များ ငြင်းဆို

ဆီးရီးယား ဒုက္ခသည်များ ခွဲဝေလက်ခံသည့် အစီအစဉ်ကို ဆက်လက် အကောင်အထည်ဖော်ရန် အမေရိကန်ရှိ ပြည်နယ် အများအပြားက ငြင်းဆိုခဲ့ကြောင်း သတင်းရရှိသည်။
ပြင်သစ်နိုင်ငံ၊ ပါရီမြို့တွင် ဖြစ်ပွားခဲ့သည့် အကြမ်းဖက်တိုက်ခိုက်မှုကြီး အပြီးတွင် လုံခြုံရေးစိုးရိမ်မှုများ မြင့်တက်လာပြီးနောက် ဒုက္ခသည်များ လက်ခံရေးကိစ္စကို အမေရိကန် ပြည်နယ်များက လိုလားကြိုဆိုမှု မရှိတော့ချေ။

နိုဝင်ဘာ ၁၃ ရက်က ပါရီတွင် အစ္စလာမ်မစ် နိုင်ငံတော် (အိုင်အက်စ်) စစ်သွေးကြွအဖွဲ့၏ အကြမ်းဖက်သမားများက ကွန်မန်ဒိုဆန်ဆန် စီးနင်းတိုက်ခိုက်ခဲ့ရာတွင် လူပေါင်း ၁၂၉ ဦးထက်မနည်း အသက်ဆုံးရှုံးခဲ့သည်။
အဆိုပါ အကြမ်းဖက်သမားများသည် ဆီးရီးယား ရွှေ့ပြောင်းဒုက္ခသည်များနှင့် ရောနှောပြီး ဝင်ရောက်လာသည်ဟု ယုံကြည်ရသည်။
မစ်ချီဂန်ပြည်နယ် အုပ်ချုပ်ရေးမှူး ရစ်ခ်ဆင်းဒါးက နောက်ထပ် အစီရင်ခံသုံးသပ်ချက်များ မပြုလုပ်မီ ရွှေ့ပြောင်းဒုက္ခသည်များ လက်ခံမှုကို ရပ်ဆိုင်းထားမည်ဟု ပြောကြားခဲ့သည်။ အလားဘားမား၊ တက္ကဆက်စ်နှင့် အခြားသော ပြည်နယ် အချို့ကလည်း အလားတူ ကြေညာချက်များ ထုတ်ပြန်ခဲ့သော်လည်း အမေရိကန်ပြည်ထောင်စု နိုင်ငံခြားရေးဝန်ကြီးဌာန၏ မူဝါဒပိုင်းအရ အဆိုပါ ဆိုင်းငံ့မှုများ တရားဝင် ဟုတ်မဟုတ် မကွဲပြားဘဲ ဖြစ်နေသည်။
ပြည်တွင်းစစ်ကြောင့် ထွက်ပြေးတိမ်းရှောင်လာသည့် ရွှေ့ပြောင်းဒုက္ခသည်များကို ဥရောပနိုင်ငံများနှင့် အမေရိကန်တို့က ခွဲဝေလက်ခံသွားရန် သဘောတူညီထားသည်။ သမ္မတ ဘာရတ်အိုဘားမားက အမေရိကန်ပြည်သူများ အနေဖြင့် လူသားချင်း စာနာသော အကူအညီ ပေးမှုများတွင် ရှေ့ဆောင်လမ်းပြ ပါဝင်ကြရန် တိုက်တွန်းနှိုးဆော်ထားသည်။
“ဒုက္ခကြုံလာသူတွေ ရှေ့မှောက်မှာ တံခါးကို ဆောင့်ပိတ်လိုက်တဲ့ အပြုအမူမျိုးဟာ ကျွန်တော်တို့ တည်ဆောက်ထားတဲ့ တန်ဖိုးဂုဏ်ရည်ကို ပြန်သစ္စာဖောက်လိုက်တာပဲ။ ကျွန်တော်တို့နိုင်ငံဟာ ဘေးကင်းလုံခြုံမှုကို ကြံရာမရ ရှာဖွေနေတဲ့ ဒုက္ခသည်တွေကို ကြိုဆို လက်ခံပေးနိုင်ပါတယ်။ ကျွန်တော်တို့ ဒါကို လုပ်လည်းလုပ်နိုင်တယ်။ လုပ်လည်းလုပ်ရမှာ ဖြစ်ပါတယ်”ဟု အိုဘားမားက ပြောကြားခဲ့သည်။
ပြင်သစ် အကြမ်းဖက်မှုတွင် သေနတ်သမား ၇ ဦးကို လုံခြုံရေးများက သုတ်သင်ခဲ့ပြီး ၎င်းတို့အနက်မှ တစ်ဦးသည် ဒုက္ခသည်အနေဖြင့် ဂရိမှတစ်ဆင့် ဥရောပသို့ ဝင်ရောက်လာခဲ့ကြောင်း ဖော်ထုတ်တွေ့ရှိထားသည်။
ဆီးရီးယား ဒုက္ခသည် သန်းနှင့်ချီပြီး နိုင်ငံအတွင်းမှ ထွက်ပြေးကာ ဥရောပသို့ ခိုဝင်ရန် ကြိုးစားနေကြပြီး အမေရိကန်ပြည်ထောင်စုက လာမည့် ၁၂ လတာအတွင်း ဒုက္ခသည် တစ်သောင်းမျှကို ခွဲဝေလက်ခံပေးသွားမည်ဟု ကတိပြုထားသည်။
ပါရီ တိုက်ခိုက်မှုကြီးအပြီးတွင်မူ အလာဘားမား၊ အရီဇိုးနား၊ အာကန်ဆက်စ်၊ ဖလော်ရီဒါ၊ ဂျော်ဂျီယာ၊ အီလီနွိုက်စ်၊ အင်ဒီယားနား၊ အိုင်ယိုဝါ၊ လူဝီစီးယားနား၊ မက်ဆာချူးဆက်၊ မစ်ချီဂန်၊ မစ္စစ္စပီ၊ နယူးဟမ့်ရှိုင်းယား၊ မြောက်ပိုင်း ကာရိုလိုင်းနား၊ အိုဟိုင်ယို၊ တက္ကဆက်စ်နှင့် ဝါရှင်တန် ပြည်နယ်များက ဆီးရီးယားဒုက္ခသည်များ လက်ခံရေးကို ငြင်းဆန်လာခဲ့ကြသည်။
နိုဝင်ဘာ ၁၆ ရက်တွင် အိုင်အက်စ်အဖွဲ့က ပါရီတိုက်ခိုက်မှု အထမြောက်ခဲ့သည့် အောင်ပွဲခံဗီဒီယိုကို ထုတ်လွှင့်ခဲ့ရာ အမေရိကန်ပြည်ထောင်စုကိုပါ ခြိမ်းခြောက်ထားသည်။ ပါရီတိုက်ခိုက်မှု ဖြစ်ပွားပြီးနောက် အမေရိကန် ပြည်ထောင်စုတွင် အလံများကို တိုင်တစ်ဝက်ချ လွှင့်ထူကာ ဝမ်းနည်းခြင်း အထိမ်းအမှတ်ကို ပြသခဲ့ကြောင်းလည်း သိရှိရသည်။

Credit To >>> 7Day News