ရာစုနှစ်၏ အကောင်းဆုံးလက်ဝှေ့ပွဲဟု သတ်မှတ်ခံထားရသည့် အမေရိကန် လက်ဝှေ့သမား ဖလွိုက်မေ၀ယ်သာနှင့် ဖိလစ်ပိုင် လက်ဝှေ့သမား ပက်ကီယောင်းတို့၏ ပွဲစဉ်ကို အမေရိကန်နိုင်ငံ လတ်စ်ဗီးဂတ်စ်မြို့ရှိ MGM Grand Garden Arena ၌ (မြန်မာစံတော်ချိန်) မေ ၃ ရက် နံနက်ပိုင်းက ကျင်းပခဲ့ရာ မေ၀ယ်သာက အမှတ်ဖြင့် အနိုင်ရရှိခဲ့ကြောင်း သိရသည်။
မေ၀ယ်သာက ၎င်းထိုးသတ်နေကျ ပုံစံအတိုင်း ခံစစ်ကို လုံအောင်ပိတ်ကာ တန်ပြန်တိုက်စစ်ဖြင့် တုံ့ပြန်ခဲ့ပြီး ပက်ကီယောင်းက ပွဲချီအများစု၌ တိုက်စစ်အသားပေး ထိုးသတ်နိုင်ခဲ့သည်။ သုံးချီမြောက်အထိ ပက်ကီယောင်း၏ လက်သီးချက်များကို မေ၀ယ်သာ တိမ်းရှောင်နိုင်ခဲ့သော်လည်း စတုတ္ထအချီ၌ ပြင်းထန်သည့် လက်သီးချက်လေးကြိမ် ထိမှန်ခဲ့သည်။ ပက်ကီယောင်းသည် မေ၀ယ်သာအား ကြိုးဝိုင်းထောင့်၌ပိတ်၍ အလဲထိုးနိုင်ရန် ကြိုးပမ်းခဲ့သော်လည်း မေ၀ယ်သာက လျင်လျင်မြန်မြန်ဖြင့် တိမ်းရှောင်နိုင်ခဲ့သောကြောင့် ထိုးချက်များမှာ ထိရောက်မှု နည်းပါးခဲ့သည်။ ပွဲပြီးခါနီး ၁၁ ချီနှင့် နောက်ဆုံးအချီတွင် မေ၀ယ်သာက တိုက်စစ်မြှင့်တင်ခဲ့ပြီး ပက်ကီယောင်း အနည်းငယ် အထိနာခဲ့သည်။ ၁၂ ချီပြည့်သည်အထိ တစ်ဦးနှင့်တစ်ဦး အလဲထိုးနိုင်ခြင်း မရှိသဖြင့် ဒိုင်များ၏ အဆုံးအဖြတ် ခံယူခဲ့ရာ ဒိုင်သုံးဦးစလုံးက (၁၁၈-၁၁၀)၊ (၁၁၈-၁၁၀)၊ (၁၁၆-၁၁၂)မှတ်ဖြင့် မေ၀ယ်သာကို အနိုင်ပေးခဲ့ခြင်းဖြစ်သည်။ CompuBox မှ ထုတ်ပြန်ခဲ့သည့် အချက်အလက်များအရ မေ၀ယ်သာမှာ ပွဲချိန်တစ်လျှောက်လုံးနီးပါး ခံစစ်ဖြင့်သာ ကစားနိုင်ခဲ့သော်လည်း လက်သီးချက်မှာ ပက်ကီယောင်းထက် ပိုများခဲ့ပြီး ၄၃၅-၄၂၉ ချက်စီ ရှိခဲ့ကြောင်း သိရသည်။
မေ၀ယ်သာသည် ယခုပွဲ အနိုင်ရရှိခဲ့သောကြောင့် WBA (စူပါ)နှင့် WBC ၀ယ်လ်တာဝိတ် ချန်ပီယံခါးပတ်များကို ကာကွယ်နိုင်ခဲ့သလို ပက်ကီယောင်း၏ WBO ခါးပတ်ကိုလည်း ရယူနိုင်ခဲ့သည်။ ထို့ပြင် မေ၀ယ်သာသည် ကစားသမားဘ၀တစ်လျှောက် ၄၈ ပွဲစလုံး အနိုင်ရရှိပြီး ရှုံးပွဲမရှိစံချိန် ထိန်းသိမ်းနိုင်ခဲ့သော်လည်း ပက်ကီယောင်းမှာမူ ခြောက်ပွဲမြောက် ရှုံးပွဲကြုံတွေ့ခဲ့ခြင်းဖြစ်သည်။
Credit to>>> Eleven Media Group
Monday, May 4, 2015
ပက်ကီယောင်းကို အမှတ်ဖြင့် အနိုင်ယူပြီး မေ၀ယ်သာ ၄၈ ပွဲဆက် ရှုံးပွဲမရှိစံချိန် ထိန်းသိမ်း WBA (စူပါ)နှင့် WBC ခါးပတ်များ ကာကွယ်နိုင်ခဲ့ပြီး WBO ခါးပတ်ကိုပါ ရယူနိုင်ခဲ့
Subscribe to:
Post Comments (Atom)
Myanmar Kyat Exchange Rate
0 comments:
Post a Comment