တစ်နိုင်ငံလုံး အပစ်ရပ်ဆွေးနွေးပွဲ စတင်

MPC တွင် ယနေနံနက်ပိုင်းက UPWC နှင့် NCCT တို့ စတင်ပြုလုပ်သည့် တစ်နိုင်ငံလုံးဆိုင်ရာ အပစ်ရပ် စာချုပ် ဆွေးနွေးပွဲ (ဓာတ်ပုံ- ကျော်ဇင်သန်း)
တစ်နိုင်ငံလုံး အပစ်အခတ်ရပ်စဲရေးအတွက် ပြည်ထောင်စုငြိမ်းချမ်းရေး ဖော်ဆောင်ရေးလုပ်ငန်းကော်မတီ (UPWC)နှင့် NCCT တို့ ယနေ့ ရန်ကုန်မြို့ရှိ MPC ရုံးတွင် စတင်ဆွေးနွေးနေပြီဖြစ်သည်။

နှစ်ရက်ကြာ ပြုလုပ်မည်ဖြစ်သော ယင်းဆွေးနွေးပွဲသို့ UPWC ဒုဥက္ကဋ္ဌ ဦးအောင်မင်း၊ ဦးသိန်းဇော်၊ တပ်မတော်မှ ဒုတိယဗိုလ်ချုပ်ကြီးသက်နိုင်ဝင်း၊ ဒုတိယဗိုလ်ချုပ်ကြီးရဲအောင်နှင့် အစိုးရအဖွဲ့ အဆင့်မြင့်အရာရှိများ တက်ရောက်ပြီး တစ်နိုင်ငံလုံး အပစ်အခတ်ရပ်စဲရေး ညှိနှိုင်းရေးအဖွဲ့ (NCCT)မှ အဖွဲ့ခေါင်းဆောင် နိုင်ဟံသာ၊ ဖဒိုစောကွယ်ထူးဝင်း၊ ဗိုလ်ချုပ်ဂွန်မော်အပါအဝင် တိုင်းရင်းသားကိုယ်စားလှယ်များ တက်ရောက်ခဲ့ကြသည်။ ယခုဆွေးနွေးပွဲတွင် အပစ်ရပ်စာချုပ် ဒုတိယမူကြမ်းမှ ညှိနှိုင်းရန် ကျန်ရှိသည့်အချက် ၃၁ ချက်ကို ဆွေးနွေးကြမည်ဖြစ်သည်။

7 Day Daily