အရေးပါသည့် နိုင်ငံရေးအခန်းကဏ္ဍ မြန်မာစစ်တပ်ရှိနေဦးမည်

မြန်မာနိုင်ငံ၏ နိုင်ငံရေး အရှုပ်အထွေးများက နိုင်ငံခြားစီးပွားရေးလုပ်ငန်းပညာရှင်များနှင့် သံတမန်များကို ဆက်လက်စိုးရိမ် ပူပန်နေစေသည်။ လက်ရှိတွင် အားလုံးက ရပ်တန့်နေသည်။ ဖွဲ့စည်းပုံ ပြောင်းလဲရေးကင်ပိန်း လှုပ်ရှားမှုနှင့် မကြာမီပြုလုပ်မည့် ၂၀၁၅ ရွေးကောက်ပွဲတုိ့အတွက် ပြင်ဆင်မှုများ တိုးမြှင့်လာသည်နှင့် အမျှ အစိုးရနှင့် ဗျူရိုကရေစီလုပ်ငန်း များ ချည့်နဲ့လာသည်။ ကန့်လန့်ကာနောက်ကွယ်တွင်မူ  နိုင်ငံ၏ စစ်ဗျူဟာမှူးက အစီအစဉ်များ ချမှတ်နေ၏။ နိုင်ငံရေးဖြစ်စဉ် တွင်   အရေးပါသည့် အခန်းကဏ္ဍတွင် ပါဝင်လှုပ်ရှားမည့်ပုံတွေ့ရ သည်။

လာမည့် ၁၈ လကာလ  မဲဆန္ဒပေးချိန်အထိ နိုင်ငံအတွင်းကာလရှည်ကြာစွာ နိုင်ငံရေး လှုပ်ရှားမှုများ ဖြစ်ပေါ်နေမည်ဖြစ်ရာ သမ္မတဦးသိန်းစိန်အတွက် ဒုတိယသမ္မတသက်တမ်းအတွင်း ၀င်ရောက်အရွေးခံရန် ဖိအားများ လည်း တိုးလာသည်။ ကိုယ်ပိုင် ပြဋ္ဌာန်းခွင့်အတွက် ပြီးခဲ့သည့် နှစ် ပေါင်း ၆၀ အတွင်း တော်လှန်  တိုက်ခိုက်နေသည့် တိုင်းရင်းသား လက်နက်ကိုင်အဖွဲ့တစ်ဖွဲ့ဖြစ် သော KNU ကရင်အမျိုးသား အစည်းအရုံးကပင်လျှင် သမ္မတ အနေဖြင့် ရွေးကောက်ပွဲဝင်ရန် ပြီးခဲ့သည့် သီတင်းပတ်က ၀င်ရောက် အားပေးပြောဆိုခဲ့သည်။

သို့သော်ဦးသိန်းစိန်က ပြန် လည်အရွေးခံရန် ရွေးကောက်ပွဲ ၀င်မည့်အကြောင်း တရားဝင် မကြေညာမချင်း နိုင်ငံရေးမရေရာ မှုများက ဆက်ရှိနေဦးမည်ဖြစ် သည်။ အကယ်၍ သမ္မတဦးသိန်း စိန်က ရွေးကောက်ပွဲမ၀င်ရန် ဆုံး ဖြတ်မည်ဆိုလျှင် သူ့နေရာကို ရ ရေးအတွက် ပြည်ခိုင်ဖြိုးပါတီအ တွင်း  အားပြိုင်မှုများက အစိုးရ၏လက်ရှိပြုပြင်ပြောင်းလဲရေးလုပ် ငန်းစဉ်များကို ပြင်မရအောင် ပျက် စီးနိုင်စေပြီး အစိုးရပါတီအတွင်းအကွဲအပြဲများပင်  ဖြစ်စေနိုင် သည်။

ပြီးခဲ့သည့် လအနည်းငယ် အတွင်း ဦးသိန်းစိန်နောက်သက် တမ်းအတွက် ပြင်ဆင်နေသည့် လှုပ်ရှားမှုများတိုးမြှင့်လာခြင်းက တိုက်ဆိုင်မှုမဟုတ်ပါ။ ဦးသိန်းစိန် တစ်ယောက်  မလွဲမသွေပြန်အ ရွေးခံရရန် လုပ်ဆောင်နိုင်မည့် သူက စစ်တပ်ဖြစ်သည်။ လူကြိုက်များသူ ဒေါ်အောင်ဆန်းစုကြည် ဦးဆောင်ပြီး ပြန်လည်ဦးမော့ လာနေသော အတိုက်အခံပါတီ ကြီးဖြစ်သည့် အမျိုးသားဒီမိုကရေ စီအဖွဲ့ချုပ်ကို ကြံ့ခိုင်ဖွံ့ဖြိုးရေး ပါတီက ယှဉ်ပြိုင်ရမည်ဖြစ်သည်။

ဒီချုပ်က မည်မျှပင် အခြေ အနေကောင်းနေစေကာမူ လွှတ် တော်အတွင်း စစ်တပ်က ခန့်ထားသည့် ၂၅ ရာခိုင်နှုန်းသော တပ်မ

တော်သားကိုယ်စားလှယ်များက အာဏာချိန်ခွင်လျှာကို ဆုပ်ကိုင်ထားပြီး လာမည့် သမ္မတရွေးပွဲ တွင် ၎င်းတို့က ဦးသိန်းစိန်ဘက် ကို အလေးသာကြမည့်သူများဖြစ်သည်။ ရွေးကောက်ပွဲပြီးလျှင် ပြည်သူ့လွှတ်တော်၊ အမျိုးသားလွှတ်တော်နှင့် စစ်တပ်အမတ်များအား လုံးက ဒုတိယသမ္မတများကို သီးခြားရွေးချယ်ကြမည်ဖြစ် သည်။ ၎င်းနောက်တွင် လွှတ် တော်နှစ်ရပ်ပေါင်းထားသည့် ပြည်ထောင်စုလွှတ်တော်က အဆိုပါကိုယ်စားလှယ်သုံးဦးထဲမှ သမ္မတကို ရွေးချယ်မည်ဖြစ်သည်။

ကြံ့ခိုင်ဖွံ့ဖြိုးရေးပါတီအ တွင်းတွင် ဒုတိယဥက္ကဋ္ဌ ဦးဌေးဦး က ဦးဆောင်ပြီး ၀န်ကြီးအများအ ပြားနှင့် ပြုပြင်ပြောင်းလဲရေးလို လားသူများက သမ္မတကို နောက် တစ်ကြိမ်ဝင်ရောက်အရွေးခံရန် စည်းရုံးနေခဲ့သည်မှာ လအတန် ကြာခဲ့ပြီ။

‘‘တခြားဟာတွေထက် တည်ငြိမ်ဖို့နဲ့ဆက်ပြီး လုပ်သွားနိုင်ဖို့ လိုတယ်’’ဟု ဦးဌေးဦးက ပြော သည်။ ‘‘ဒါကို ရနိုင်ဖို့ အကောင်း ဆုံးနည်းကတော့ သမ္မတက နိုင်ငံ ကို ဆက်ပြီး ဦးဆောင်နေဖို့ပဲ’’

ဦးသိန်းစိန်၏ နိုင်ငံရေးအကြံ ပေးများက ဦးသိန်းစိန်၏ ဆုံးဖြတ် ချက်ကို တိုးတိုးတိတ်တိတ်အ တည်ပြုကြသည်။ ‘‘သူ့မှာ ရွေးစ ရာလမ်းမရှိဘူးလေ’’ဟု တစ်ဦး ကဆိုသည်။ ‘‘ဒီလိုမှမဟုတ်ရင် ကြံ့ခိုင်ဖွံ့ဖြိုးရေးပါတီက သူ့နေ ရာကို  ရဖို့အတွက်  အကွဲကွဲအပြဲ ပြဲတွေဖြစ်ကြမယ်။ အဆိုးဆုံးက တော့   (ကြံ့ခိုင်ဖွံ့ဖြိုးရေးပါတီ ဥက္ကဋ္ဌ) ဦးရွှေမန်းက မလွဲမသွေ သူ့နေရာဆက်ခံလာမယ့် အခြေအနေပဲ’’ဟုဆိုသည်။

အမတ်အချို့နှင့် ဦးသိန်းစိန် ထောက်ခံသူများက ဦးရွှေမန်း၏ နိုင်ငံရေးလောဘကို ကြောက်ကြ သည်။ မြန်မာ့နိုင်ငံရေးနှင့် စီးပွား ရေးရုန်းကန်နေမှုများကြားမှ ပုဂ္ဂိုလ်ရေးပြဿနာများနှင့် သဘောထားကွဲလွဲမှုများက အရေးကြီးသော်လည်း ၀ါဒရေးရာနှင့် ပတ်သက်ပြီး ကွဲပြားခြားနား မှုများကလည်း အတော်ကြီးမား သည်။ အထူးသဖြင့် စီးပွားရေး ကိစ္စရပ်များနှင့် ပတ်သက်၍ ဖြစ် သည်။

ဦးရွှေမန်းက ပြည်တွင်းစီး ပွားရေးသမားများကို အဓိက ထောက်ခံပံ့ပိုးသူဖြစ်သည်။ လက် ရှိတွင် ယင်းဒေသခံစီးပွားရေးလုပ် ငန်းရှင်များက ပြည်ပမှ ရင်းနှီးမြှုပ်နှံသူများနှင့် ယှဉ်လာလျှင် သူတို့ကို ပို၍ အကာအကွယ်ပေးရန်  တောင်းဆိုနေကြသည်။ သဘော ထားတင်းမာသူ ဦးသန်းရွှေ၏ လူများနှင့် ယခုလွှတ်တော်အမတ်ဖြစ်နေသည့် ယခင်ဝန်ကြီးဟောင်းများကလည်း ၎င်းတို့၏ ကိုယ်ပိုင်စီးပွားရေးအကျိုးအမြတ် အတွက် သူ့ကိုကျားကန်ပေးထား သည်။ ဦးအောင်သောင်းက ၎င်း တို့ထဲမှ အဓိကပါဝင်နေသူတစ်ဦး ဖြစ်၏။

USDP အတွင်းတွင် ခေါင်း  ဆောင် နှစ်ဦးကြား အာဏာပြိုင်မှု များက ဆက်လက်ဖြစ်ပေါ်နေ သည်။ ဦးသိန်းစိန်နှင့် ဦးရွှေမန်း တို့ကြားတွင် ဖြစ်သည်။ ဦးသိန်း စိန်က အေးအေးဆေးဆေးနှင့် ချဉ်းကပ်သည့် အလေ့ရှိပြီး ပြန် လည်ရွေးကောက်ခံမည်ဆိုလျှင် ပါတီတွင်း ထောက်ခံမှုရရန် အနည်းငယ်မျှသာ လုပ်ရန်လို သည်။ ထို့အပြင်ရွေးကောက်ပွဲ မတိုင်မီ လာမည့် ၁၈ လအတွင်း သိသာထင်ရှားသည့် စီးပွားရေး ရလဒ်အဖြေများကို အစိုးရက ဆောင်ကြဉ်းရမည်ဖြစ်သည်။

ဦးရွှေမန်းကတော့ ပါတီ အတွင်း လက်ရှိအနေအထားကို ပြောင်းပြီး ပါတီတွင်း အတိုက်အ ခံဖြစ်လာရန် လှုံ့ဆော်နည်းမှလွဲ ပြီး ရွေးစရာမရှိပါ။ အကယ်၍ သမ္မတကို ဖယ်ရှားလိုလျှင်ဖြစ် သည်။ ကြံ့ခိုင်ဖွံ့ဖြိုးရေးပါတီအ တွင်း သူ့ကို ထောက်ခံအားပေး မည့် အုပ်စုဖွဲ့နိုင်ရန် စည်းရုံးသိမ်း သွင်းချိတ်ဆက်ဆောင်ရွက်နေပြီ ဖြစ်သည်။ ကြံ့ခိုင်ဖွံ့ဖြိုးရေးပါတီ တွင်းမှ လက်ရှိရာထူးရာခံရှိပြီးသူ  အများစုနှင့် မဟာမိတ်ဖွဲ့ပြီး အခြေခိုင်အောင် စတင်တည်ထောင်နေ ပြီဖြစ်သည်။

ဦးရွှေမန်းက ပါတီတွင်း ထောက်ခံအားပေးမည့် အမာခံ များနှင့် စတင်တည်ဆောက်နေ ချိန်တွင် မဟာမိတ်များနှင့် ပူး ပေါင်းအဖွဲ့ ဖွဲ့စည်းနိုင်ရေးကို လည်း ရည်ရွယ်ထားသည်။ သူ၏ ကစားကွက်တွင် အတိုက်အခံ ပါတီခေါင်းဆောင် ဒေါ်အောင် ဆန်းစုကြည်က အရေးကြီးသည့် အခန်းကဏ္ဍတွင် ပါဝင်နေသည်။ ဒေါ်အောင်ဆန်းစုကြည်နှင့် NLD ပါတီဝင် ကိုယ်စားလှယ် ၄၃ ဦးတို့ လွှတ်တော်သို့ ၀င်လာသည့် ၂၀၁၂ နှစ်လယ်လောက်က တည်းက ၎င်းက ဒေါ်အောင်ဆန်း စုကြည်နှင့် အဆင်ပြေအောင် ပေါင်းခဲ့သည်။

သမ္မတ၏ အာဏာကို လျှော့ချရန်နှင့် လွှတ်တော်၏ အခန်းကဏ္ဍကို မြှင့်တင်ရန် လို အပ်ချက်အပေါ်အတူ နီးနီးကပ် ကပ်လုပ်ကိုင်နေပြီး တစ်ဦး သဘောထားကို တစ်ဦးသိနေကြ သည်။ သို့ရာတွင် ဦးရွှေမန်းနှင့်  အနေနီးသဖြင့် ဦးရွှေမန်းနှင့် သဘောထားတူသည်ဟု မှတ်ယူ ခံရမည့် အန္တရာယ်ကိုတော့ ဒေါ် အောင်ဆန်းစုကြည်က ရိပ်စားမိ သည်။

‘‘လွှတ်တော်ပြောခွင့်ရ ပုဂ္ဂိုလ်နဲ့ နီးကပ်တယ်လို့ အထင် မခံရ အောင် သတိထားရမယ်’’ဟု မကြာသေးမီက ပြောဆိုခဲ့သလို သူတို့အကြား တွေ့ဆုံမှုများသည် ယခင်ကထက် အကြိမ်ရေများစွာ လျော့နည်းသွားခဲ့သည်။

ဒေါ်အောင်ဆန်းစုကြည် သမ္မတအဖြစ် အရွေးချယ်ခံခွင့်ရ ရေးအတွက် လိုအပ်သော ဖွဲ့စည်းပုံအခြေခံဥပဒေပါအပိုဒ်ကို ပြင်ဆင်ရေး   ထောက်ခံသွားမည်ဖြစ်ကြောင်း ဦးရွှေမန်းက ပြော ဆိုခဲ့သည်ဟု သတင်းများထွက်ပေါ်လာသလို အဆိုပါနား လည်မှုအရ အကယ်၍ ဖွဲ့စည်းပုံပြင်ဆင်ခြင်းက ၂၀၁၅ မတိုင် မီဖြစ်ပေါ်ခဲ့ခြင်းမရှိလျှင် ဒေါ် အောင်ဆန်းစုကြည်ကလည်း ဦးရွှေမန်းသမ္မတ အရွေးခံရာတွင် ထောက်ခံရန် ဖြစ်သည်။

သမ္မတဖြစ်လိုသည်ဟု မကြာသေးမီက ပြောဆိုခဲ့သည့် ဒေါ် အောင်ဆန်းစုကြည်ကလည်း ခက်ခဲလှသော  ဆုံးဖြတ်ချက်ချရန် လိုနေသည်။ ကြည့်ရသည်မှာ ၂၀၁၅ မတိုင်မီ ဖွဲ့စည်းပုံပြင်မည့် ပုံမတွေ့ရပါ။ အဓိပ္ပာယ်မှာ ဒေါ် အောင်ဆန်းစုကြည်သည် လာမည့် ရွေးကောက်ပွဲတွင် သမ္မတမဖြစ်နိုင်တော့။  ယင်းအဖြစ်က ဒေါ်အောင်ဆန်းစုကြည်အတွက် အခက်အခဲများစွာဖြစ်စေသည်။

‘‘ဒီကိစ္စကို ကျွန်တော်တို့ စဉ်းစားရမှာပေါ့။ ပြီးရင် နောက် သမ္မတဖြစ်နိုင်မယ့်  သူတစ် ယောက်ယောက်ကို ရှာရလိမ့် မယ်။ အခုလောလောဆယ်တော့ ဘယ်သူဖြစ်မလဲဆိုတာ သိရဖို့က မဖြစ်နိုင်သေးပါဘူး’’ဟုNLD ဗဟို အလုပ်အမှုဆောင်အဖွဲ့ဝင် ဦး ဉာဏ်ဝင်းက မကြာသေးမီက ပြောဆိုခဲ့သည်။ ဦးရွှေမန်းကို ထောက်ခံခြင်းက အခြားဖြစ်နိုင်ခြေတစ်ခုဖြစ်လာနိုင်ကြောင်း ကို လည်း သူကပြောသည်။

ဒေါ်အောင်ဆန်းစုကြည်၏ ထောက်ခံမှုကို ရထားသော်လည်း  ၎င်း၏ သမ္မတရာထူးကြိုးပမ်းမှု အတွက် စစ်တပ်က အဓိကအဟန့်အတားဖြစ်နေသည်။ ရွေးကောက်ပွဲနောက်ပိုင်း မည်သည့်နိုင်ငံရေး အဖြေအတွက်မဆို လက်ရှိတပ်မ တော်ကာကွယ်ရေးဦးစီးချုပ်က အရေးပါလှသည်။ လက်ရှိတွင် ဗိုလ်ချုပ်မှူးကြီး မင်းအောင်လှိုင် က နောက်အစိုးရအာဏာရမည့် ၂၀၁၆ မတ်လမတိုင်မီ ရာထူးမှ အနားယူရမည်ဖြစ်သည်။ ၎င်းကို ဆက်ခံသူက လာမည့်လွှတ်တော် တွင် ကိုယ်စားလှယ်များအဖြစ် ၀င်ထိုင်မည့် စစ်သားအမတ်များ ကို ရွေးချယ်မည်ဖြစ်ပြီး ယင်းတို့ က လွှတ်တော်အမတ်စုစုပေါင်း ၏ နေရာလေးပုံတစ်ပုံကိုယူထား သည်။  သူတို့ကလည်း ကိုယ်ပိုင် သမ္မတလောင်းကို ရွေးချယ်လိမ့် မည်။ ထိုအခါတွင် သူတို့က ယခင်စစ်ခေါင်းဆောင်ဖြစ်သည့် မင်းအောင်လှိုင်ကို သမ္မတ လောင်းအဖြစ် တင်သွင်းထောက် ခံကြမည်ကလည်း အသေအချာ ပင်ဖြစ်သည်။

သမ္မတဖြစ်လာမည့် မည်သူ မဆို စစ်တပ်၏ ထောက်ခံမှုကို ရရန်လိုသည်။ ယင်းအချက်က ဦးရွှေမန်း၏ ဖြစ်နိုင်ခြေကို ဖယ် ထုတ်လိုက်သည်။ ဗိုလ်ချုပ်မှူး ကြီး မင်းအောင်လှိုင်က ဦးရွှေမန်း ကို ပြင်းပြင်းထန်ထန်ဆန့်ကျင်သူ ဖြစ်ပြီး သူကိုယ်တိုင်သမ္မတဖြစ်နိုင် ခြေရှိသည့် လမ်းကို လျှောက်မည် သာဖြစ်သည်။ ကာကွယ်ရေးဦးစီး ချုပ်က သူ၏ ပထမဆုံးသစ္စာခံသူ မှာ ယခင်စစ်ခေါင်းဆောင် ဗိုလ် ချုပ်မှူးကြီး ဦးသန်းရွှေဖြစ် ကြောင်း ရှင်းရှင်းလင်းလင်းပြော ဆိုနေသော်လည်း သူက သမ္မတ ဦးသိန်းစိန်ကို ထောက်ခံသည်။ လွှတ်တော်နှင့် သမ္မတအကြား တွင် သူက သမ္မတဘက်က အကြိမ်ကြိမ်ရပ်ခဲ့သည်။ သို့သော် ရာထူးမှ အနားယူပြီးချိန်တွင် နိုင်ငံရေးတွင် သူပါဝင်နိုင်သည့် အခန်းကဏ္ဍကိုတွေ့ထား ကြောင်းအထောက်အထားများ  ပြဆိုနေ သည်။

ဤအဖြစ်ကြောင့် ကြံ့ခိုင် ဖွံ့ဖြိုးရေးပါတီအတွက် ဦးရွှေမန်း - ဒေါ်အောင်ဆန်းစုကြည်မဟာ မိတ်ဖွဲ့ရေးဖြစ်နိုင်ခြေကို နိုင်ငံရေး အဖြေတစ်ခုအဖြစ် တွေ့လာသည်။ ဦးသိန်းစိန်ကို သမ္မတနှင့် ဗိုလ် ချုပ်မှူးကြီး  မင်းအောင်လှိုင်ကို ဒုသမ္မတအဖြစ် စိတ်ကူးယဉ်စရာ များလည်းရှိလာသည်။ စစ်သား၊ နိုင်ငံရေးသမားတို့၏ အားပေး ထောက်ခံမှုများဖြင့် ဦးသိန်းစိန် အာဏာပြန်ရလာရေးက သေချာ သလောက်ဖြစ်နေသည်။

သို့သော်ဇာတ်လမ်း၏ တစ်  ခန်းကတော့ ဦးသိန်းစိန်သမ္မတ အဖြစ် ပြန်ဝင်ချိန်တွင်ကျန်းမာ ရေးကြောင့် ၂ နှစ်(သို့) ၂ နှစ် ကျော်မျှသာ တာဝန်ယူနိုင်မည့် ပုံတွေ့ရသည်။ ယင်းအချိန်ကာ လတွင် ဗိုလ်ချူပ်မှူးကြီးမင်း အောင်လှိုင်က သူ့ကို ဆက်ခံ သည့် သမ္မတဖြစ်လာနိုင်ပေသည်။

7 Day Daily