ပြည်သူများနှင့် အဖွဲ့အစည်းအသီးသီးမှ ပေးပို့ထားသည့် ဖွဲ့စည်းပုံအခြေခံဥပဒေဆိုင်ရာ အကြံပြု ချက်များပါဝင်သည့် ဖွဲ့စည်းပုံအခြေခံဥပဒေ လေ့လာသုံးသပ်ရေး ပူးပေါင်းကော်မတီ၏ အစီရင်ခံစာကို ယနေ့ (ဇန်န၀ါရီ ၃၁ရက်)တွင် တင်သွင်းမည်ဖြစ်သည်။ ပြည်ထောင်စု လွှတ်တော် ဖွဲ့စည်းပုံအခြေခံဥပဒေဆိုင်ရာ လေ့လာသုံးသပ်ရေး ပူးပေါင်းကော်မတီသည် ပြည်သူများထံမှ အကြံပြုချက်များကို နိုဝင်ဘာ ၈ ရက်မှ စတင်ကောက်ခံခဲ့ပြီး အကြံပြုချက် များပေး ပို့ရန် နောက်ဆုံးအချိန်ဖြစ်သည့် ဒီဇင်ဘာ ၃၁ ရက်အထိ အကြံပြုချက်စောင်ရေ စုစုပေါင်း ၂၈၂၄၇ စောင် ရရှိခဲ့သည်။
ရရှိခဲ့သည့် ပြည်သူများ၏ ဖွဲ့စည်းပုံအခြေခံဥပဒေပြင်ဆင်ရေးဆိုင်ရာ အကြံပြုချက်များအပြင် ကော်မတီသို့ရောက်ရှိလာသည့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၊ အမျိုးသားဒီမို ကရေစီအဖွဲ့ချုပ်၊ တပ်မတော်၊ ဖွဲ့စည်းပုံအခြေခံဥပဒေဆိုင်ရာခုံရုံး နှင့် NGO များထံမှ အကြံပြု ချက်များ အားလုံးကို ကော်မတီ၏ အစီရင်ခံစာတွင် ထည့်သွင်း ဖော်ပြသွားမည်ဟု သိရသည်။
ပြည်ထောင်စုလွှတ်တော် ဖွဲ့စည်းပုံအခြေခံဥပဒေဆိုင်ရာ လေ့လာသုံးသပ်ရေး ပူးပေါင်းကော် မတီ အဖွဲ့ဝင် အမျိုးသားလွှတ်တော်ကိုယ်စားလှယ် ဦးဆိုင်ပေါင်းနပ်က“ အဖွဲ့က အကြံပေးလာ တဲ့ ဟာတွေ အားလုံးကို တင်လိုက်တယ်။ ဘယ်အချက်တွေ ပြင်ဆင်ပယ်ဖျက် သင့်တယ် ဆိုတာ ပြည်ထောင်စုလွှတ်တော်အပေါ် မူတည်တယ်။ ပြည်ထောင်စုလွှတ်တော်မှာ မဲခွဲ ဆုံးဖြတ်ကြမှာပဲ။ အဲဒီလိုဆုံးဖြတ်မှုကိုလည်း ဒီန၀မအကြိမ် လွှတ်တော်အစည်းအဝေးမှာပဲ ဆောင် ရွက်ကြမှာပါ”ဟု ဇန်န၀ါရီ ၃၀ ရက်တွင် ပြောကြားသည်။
ပြည်သူ့အကျိုးစီးပွားကို ကြည့်ပြီး ဖွဲ့ စည်းပုံအခြေခံဥပဒေအား သုံးသပ်ပြင်ဆင်ရာတွင် သတိကြီးစွာဖြင့် ဆောင်ရွက်ရန်လိုသလို ကောင်းရန်အတွက် ပြောင်းလဲသင့်သည်များကို ရဲ့ဝံ့ စွာဆောင်ရွက်ရန် အရေးကြီးကြောင်း အာဏာရ ပြည်ခိုင်ဖြိုးပါတီဥက္ကဋ္ဌ သူရဦးရွှေမန်းက ပါတီ ၀င်များအား ပြောကြားထားသည်။
“ကျွန်တော်တို့က ပြင်ဆင်ဖို့ အကြိတ်အနယ် ဆွေးနွေးတယ်။ သို့သော် ကျွန်တော်တို့က လူ နည်းစုဖြစ်တယ်။ ကျွန်တော်တို့ ပါတီတွေက လွှတ်တော်မှာ အင်အားနည်းတယ်။ ဒီနေ့ အစည်းအဝေးမှာလည်း ဖွဲ့စည်းပုံအခြေခံဥပဒေ ပြင်ဆင်နိုင်ဖို့ ပြင်ဆင်ရေးဘက်ကနေ အကြိတ် အနယ် ဆွေးနွေးခဲ့တယ်။လွှတ်တော်ထဲမှာ ပြည်ခိုင်ဖြိုးပါတီက အင်အားအများ ဆုံးဖြစ်တယ်။ အဲဒီအထဲမှာ ပြင်ချင်တဲ့ သူတွေရှိမယ်။ မပြင်ချင်တဲ့ သူတွေရှိမယ်။ ပြီးတော့ တပ်မတော် သားတွေ ရှိတယ်။မဲခွဲလိုက်ရင် ဘယ်လိုအဖြေထွက်လာမလဲ စောင့်ကြည့်ရမှာပဲ။ ကျွန်တော် ထင်တာတော့ သိပ်မလွယ်ဘူး“ဟု ရခိုင်တိုင်းရင်းသားများတိုးတက်ရေးပါတီမှ အမျိုးသား လွှတ်တော်ကိုယ်စားလှယ် ဒေါက်တာအေးမောင်က ပြောကြားသည်။
ပြည်သူများထံမှ ရရှိခဲ့သည့် အကြံပြုချက်စောင်ရေ ၂၈၂၄၇ အား အခန်းလိုက် အကြံပြုချက် အဖြစ် ပြန်လည်စိစစ်သုံးသပ်ရာတွင် ဖွဲ့စည်းပုံအခြေခံဥပဒေ အခန်း(၁)ပါ နိုင်ငံတော်၏ အခြေခံ မူများကို ပြင်ဆင်ရန် အကြံပြုချက်သည် အများဆုံးဖြစ်ကြောင်း သိရှိရသည်။
ဒုတိယအများဆုံး အကြံပြုချက်ရရှိခဲ့သည့် အခန်းမှာ (၁၂)ဖြစ်ပြီး အကြံပြုချက်စုစုပေါင်း ၁၀၅၂၃၃ ချက်ရှိခဲ့သည်။အခန်း (၁၂)မှာ ဖွဲ့စည်းပုံအခြေခံဥပဒေ ပြင်ဆင်ခြင်းအခန်းဖြစ်ပြီး ဖွဲ့စည်းပုံအခြေခံဥပဒေ ပြင်ဆင်ရန် ပြည်ထောင်စုလွှတ်တော် ကိုယ်စားလှယ် အားလုံး၏ ၇၅ ရာခိုင်နှုန်းကျော်က သဘောတူရန်လိုခြင်း၊ ပြည်လုံးကျွတ် ဆန္ဒခံယူကာ ဆန္ဒမဲပေးပိုင်ခွင့်ရှိသူ အားလုံး၏ ထက်ဝက်ကျော် ဆန္ဒမဲဖြင့်သာ ပြင်ဆင်ရမည် စသည့်အချက်များပါဝင်သည်။
ဒေါ်အောင်ဆန်းစုကြည် သမ္မတဖြစ်ခွင့်နှင့် သက်ဆိုင်သည့် နိုင်ငံတော်သမ္မတ အရည်အချင်းဆိုင်ရာ ပုဒ်မ ၅၉ (စ)ပါဝင်သည့် ဖွဲ့စည်းပုံအခြေခံဥပဒေအခန်း ၃ အား ပြင်ဆင်ရန် အကြံပြုချက် ၃၃၆၉ ချက်ရှိခဲ့သည်။
ပြည်ခိုင်ဖြိုးပါတီ၏ ဖွဲ့စည်းပုံအခြေခံဥပဒေပြင်ဆင်ရေးဆိုင်ရာ အစီရင်ခံစာတွင် ပုဒ်မ ၅၉ (စ)အား ပယ်ဖျက်ခဲ့ခြင်းမရှိသော်လည်း အနည်းငယ်ပြင်ဆင်သင့်ကြောင်းနှင့် အခြားပြင်ဆင် သင့်သည့် အချက် ၇၃ ချက်ရှိ ကြောင်း ပါဝင်ခဲ့သည်။
အမျိုးသားဒီမိုကရေစီအဖွဲ့ချုပ်၏ ဖွဲ့ စည်းပုံအခြေခံဥပဒေပြင်ဆင်ရေးဆိုင်ရာ အစီရင်ခံစာတွင် ဖွဲ့စည်းပုံအခြေခံဥပဒေပါ အချက်ပေါင်း ၁၆၈ ချက်အား ပြင်ဆင်သင့်ကြောင်း သုံးသပ်တင်ပြ ထားသည်။
Eleven Media Group
Myanmar Kyat Exchange Rate
0 comments:
Post a Comment