၁၂.၁၀.၂၀၁၃၊ အင်္ဂါနေ့
မယ်စကြာဝဠာပွဲ သွားရောက် ယှဉ်ပြိုင်ခဲ့သူ အလှမယ် မိုးစက်ဝိုင်ကို ကြော်ငြာ များမှာ တွေ့လာရဖွယ် ရှိပါတယ်။ လောလောဆယ်တော့ တနင်္ဂနွေနေ့ထုတ် မြန်မာ့အလင်း သတင်းစာ မျက်နှာဖုံးမှာ ပဲနို့ကြော်ငြာနေတဲ့ အလှမယ် မိုးစက်ဝိုင်ကို အထက်ပါပုံအတိုင်း တွေ့ရပါလိမ့်မယ်။
ပဲနို့ဘူးတွေကို ခြင်းအပြည့် ကိုင်ထားတာပါ။ မိုးစက်ဝိုင်နဲ့ ကြော်ငြာခြင်းဟာ ထိရောက်တဲ့ ရွေး ချယ်မှု ဖြစ်မယ်လို့ လုပ်ငန်းရှင်တချို့က ယူဆထားဟန်ရှိ ပါတယ်။
ဒီနှစ်ပိုင်းအတွင်း နိုင်ငံတကာပွဲတွေကို သွားပြိုင်တဲ့ မြန်မာ အလှ မယ်တွေ ဟောတယောက် ဟောတယောက် ပေါ်ပေါက် လာပါတယ်။ ဂျပန်မှာ သွားပြိုင်ခဲ့တဲ့ နန်းခင်ဇေယျာ ဆိုရင် ကြော်ငြာတွေ ရိုက်ကူးနေပါပြီ။ ဗီဒီယိုဇာတ်လမ်းလည်း ရိုက်မယ်လို့ ဆိုပါတယ်။
နှစ်ပေါင်း ၅၀ ကျော်အတွင်း မယ်စကြာဝဠာစင်မြင့်ကို မြန်မာပြည်က ပထမဆုံး ပြန်တက်ရာမှာ ကိုယ်စားပြု ပါဝင်ခဲ့တဲ့ မိုးစက်ဝိုင်ကိုလည်း စီးပွားရေးလုပ်ငန်းရှင်တွေက သူတို့ရဲ့ ကုန်ပစ္စည်း ကြော်ငြာတွေ အတွက် ရွေးချယ်လာကြဖွယ် ရှိတယ်လို့ ယူဆရပါတယ်။
Irrawaddyblog
Myanmar Kyat Exchange Rate
0 comments:
Post a Comment