ပါကစ္စတန်နှင့် အာဖဂန် နစ္စတန်နိုင်ငံ နယ်စပ်အနီးအနား တွင် စက်တင် ဘာ ၁၅ ရက်က ပါကစ္စတန် စစ်သွေးကြွ အကြမ်းဖက် သမားများ၏ ဗုံးထောင် တိုက်ခိုက်မှုကြောင့် ပါကစ္စတန် စစ်ဘက်ထိပ်တန်း အရာရှိ တစ်ဦး အပြင် အခြား အရာရှိကြီးတစ်ဦးနှင့် ရဲဘော်တစ်ဦးတို့ သေဆုံး ခဲ့ကြောင်း သိရသည်။
ပါကစ္စတန် စစ်ဘက်မှ ဗိုလ်ချုပ်ဆာနာအူလာခန်သည် နယ်စပ်အနီးရှိ စခန်းတစ်ခုအား စစ်ဆေးပြီး ပြန် အလာတွင် ဒဲခရိုင်အထက်ပိုင်း အရောက်တွင် စစ်သွေးကြွများ၏ မိုင်းထောင် တိုက်ခိုက်မှုကြောင့် ၎င်းနှင့် အတူ လိုက်ပါလာသော ဒုတိယဗိုလ်မှူးကြီး တစ်ဦးနှင့် အခြား ရဲဘော်တစ်ဦးတို့ သေဆုံးခဲ့ရခြင်း ဖြစ်သည်။ အဆိုပါ တိုက်ခိုက်မှုသည် ပြီးခဲ့သော သီတင်းပတ်က ပါကစ္စတန်အစိုးရနှင့် ပါကစ္စတန်တာလီဘန် တို့အကြား ငြိမ်းချမ်းရေး ဆွေးနွေးပွဲ ဆက်လက် ပြုလုပ် ပြီးနောက် ဖြစ်ပွားခဲ့ခြင်းဖြစ်သည်။
ထိုဆွေးနွေးပွဲတွင် နှစ်ဖက်တပ်ဖွဲ့များသည် ငြိမ်းချမ်းရေး ဆွေးနွေးပွဲအား ဆက်လက် အကောင်အထည် ဖော်သွားရန် သဘောတူညီခဲ့ကြသည်။ သို့သော်ယခုကဲ့သို့ စစ်သွေး ကြွများ ၏တိုက်ခိုက်မှုကြောင့် စစ်ဘက် ထိပ်တန်း ဗိုလ်ချုပ်တစ်ဦးနှင့် အခြားနှစ်ဦး သေဆုံးခဲ့ရသည့် အတွက် အစိုးရနှင့် အကြမ်းဖက် တပ်ဖွဲ့များအကြား ငြိမ်းချမ်းရေး ရယူနိုင်ရေးသည် ပိုမို ခက်ခဲသွားမည် ဖြစ်သည်။
မြ၀တီ
Myanmar Kyat Exchange Rate
0 comments:
Post a Comment