တိုင်းရင်းသားများ အဓိကတောင်းဆိုနေသော ၂၀၀၈ ဖွဲ့စည်းပုံ အခြေခံဥပဒေပါ
ပြည်နယ်နှင့် တိုင်းဒေသကြီးများ၏ အာဏာခွဲဝေမှုကို ပြင်ဆင်မည် ဖြစ်ကြောင်း
ပြည်ထောင်စုလွှတ်တော် နာယက သူရဦးရွှေမန်းက ရှမ်းပြည်နယ်
တောင်ကြီးမြို့နယ်တွင် ပြုလုပ်သည့် လူမှုအဖွဲ့ အစည်းများ ၊
နိုင်ငံရေး ပါတီများနှင့် တွေ့ဆုံပွဲတွင် ပြောကြားသွားသည်ဟု ရှမ်းပြည်နယ်
လဲချားမြို့နယ်မှ လွှတ်တော် ကိုယ် စားလှယ် ဦးစိုင်းမောင်ထင်က ပြောကြားသည်။
စက်တင်ဘာလ၂ ရက်နေ့က ရှမ်းပြည်နယ် တောင်ကြီးမြို့ မြို့တော်ခန်းမတွင်
ပြုလုပ်သည့် ပြည်ထောင်စု လွှတ်တော် နာယကနှင့် ရှမ်းပြည်နယ် အခြေစိုက်
လူမှုအဖွဲ့အစည်းများနှင့် နိုင်ငံရေး ပါတီများ တွေ့ ဆုံပွဲတွင်
ရှမ်းတိုင်းရင်းသားများ ဒီမိုကရက်တစ်ပါတီမှ ဥက္ကဋ္ဌ ဦးစိုင်းအိုက်ပေါင်းက
လာမည့် ဘဏ္ဍာရေးနှစ်တွင် တိုင်းဒေသကြီးနှင့် ပြည်နယ်အစိုးရများသို့
ဘတ်ဂျက်ခွဲဝေချထားမှု၊ အာဏာခွဲဝေမှု ကိစ္စနှင့် သဘာဝအရင်းအမြစ် ခွဲဝေမှု
ကိစ္စရပ်များနှင့် ပတ်သက်ပြီး မေးမြန်းရာ ၎င်းကအထက်ပါ အတိုင်း
ပြန်လည်ဖြေကြားခဲ့ခြင်း ဖြစ်သည်။
ပြည်နယ်နှင့် တိုင်းဒေသကြီးများ လုပ်ပိုင်ခွင့် ပိုမိုရရှိစေရန် အခြေခံဥပဒေ
ပြင်ဆင်ရာတွင် ၂၀၀၈ ဖွဲ့စည်းပုံ အခြေခံဥပဒေပါ ပြည်နယ်နှင့် တိုင်းဒေသကြီး
ဥပဒေပြုရေးဆိုင်ရာ အခန်း၊ စာမျက်နှာ ၁၈၈ ဇယား (၂) ကို ပြင်ဆင်သွားမည်
ဖြစ်ကြောင်း သူရဦးရွှေမန်းက ပြောကြားသွားသည်ဟု ဦးစိုင်းမောင်ထင်က
ထပ်မံ ရှင်းပြသည်။
အခြေခံဥပဒေ ပြင်ဆင်ရာတွင် ဖက်ဒရယ်စနစ် ကျင့်သုံးနေသည့်
အမေရိကန်ပြည်ထောင်စုကို စံနမှုနာ ထားပြီး ပြည်နယ်နှင့် တိုင်းဒေသကြီးများ၏
အာဏာခွဲဝေမှုဆိုင်ရာ ကိစ္စရပ်များကို ပြင်ဆင် သွားမည်ဟု သူရဦးရွှေမန်းက
ပြောကြားခဲ့ကြောင်း ဦးစိုင်းမောင်ထင်က ဆိုသည်။
ဖွဲ့စည်းပုံ အခြေခံဥပဒေပါ ပြည်နယ်နှင့် တိုင်းဒေသကြီးများကို လွှဲအပ်ထားသော
လုပ်ပိုင်ခွင့်ဇယား (၂) အရ လုပ်ပိုင်ခွင့် အလွန်နည်းပါးနေပြီး ပြည်နယ်နှင့်
တိုင်းဒေသကြီးအစိုးရနှင့် လွှတ်တော်များအတွက် အကျိုးသက်ရောက်သော
အာဏာခွဲဝေမှု မဟုတ်ကြောင်း လွှတ်တော်ကိုယ်စားလှယ် အချို့က ဝေဖန် သုံးသပ်သည်။
ပြည်ထောင်စု ငြိမ်းချမ်းရေးဖော်ဆောင်ရေး လုပ်ငန်းကော်မတီ ဒုတိယဥက္ကဋ္ဌ
နိုင်ငံတော်သမ္မတရုံးဝန်ကြီး ဦးအောင်မင်းကလည်း ထာဝရငြိမ်းချမ်းရေး
ရရှိရန်အတွက် ဖွဲ့စည်းပုံ အခြေခံဥပဒေပါ ပြည်နယ်များ၏ ရပိုင်ခွင့်ကို
ပြင်ဆင်ပေးရမည် ဖြစ်ကြောင်း တိုင်းရင်းသား လက်နက်ကိုင် များနှင့် တွေ့ဆုံ စဉ်
ပြောကြားထားသည်။
The Voice Weekly
Myanmar Kyat Exchange Rate
0 comments:
Post a Comment