အမျိုးသားအဆင့် ကလေးသူငယ်ဆိုင်ရာတွေ့ဆုံပွဲတွင် သက်ငယ်မုဒိမ်းမှုများ ထည့်သွင်းတင်ပြမည်

နေပြည်တော်တွင် ပြုလုပ်မည့် အမျိုးသားအဆင့် ကလေး သူငယ်ဆိုင်ရာ တွေ့ဆုံပွဲ၌ သက်ငယ်မုဒိမ်းမှုများအကြောင်းကို လွှတ်တော်ကိုယ်စားလှယ်များထံ တင်ပြမည်ဖြစ်ပြီး ယင်းပွဲမှဆွေးနွေးချက်များကို ကုလသမဂ္ဂသို့ အစီရင်ခံစာ တင်သွင်းမည် ဖြစ်ကြောင်း သတင်းရရှိသည်။

ယင်းတွေ့ဆုံပွဲကို သုံးရက် ကြာ ကျင်းပမည်ဖြစ်ပြီး နိုဝင် ၁၈၊ ၁၉ ရက်တို့တွင် တိုင်းနှင့် ပြည် နယ်အသီးသီးရှိ အသက် ၁၈ နှစ် နှင့်အောက် ကလေးသူငယ်ကိုယ် စားလှယ် ၁၃၀ ခန့်က ၎င်းတို့ ဒေသတွင် ကြုံတွေ့နေရသည့်အ ခက်အခဲများကို ခေါင်းစဉ်များ အလိုက် ဆွေးနွေး၍ နိုဝင်ဘာ ၂၀ တွင် ပြည်သူ့လွှတ်တော်နှင့် အမျိုးသား လွှတ်တော်ကိုယ်စားလှယ်များသို့ တင်ပြဆွေးနွေးမည်ဖြစ်သည်။

မြန်မာနိုင်ငံသည် နိုင်ငံတ ကာဆိုင်ရာ ကလေးသူငယ် စာ ချုပ်ကို လက်မှတ်ရေးထိုးထားပြီး ၂၀၁၇ ၌ ကလေးသူငယ်များ အခြေအနေနှင့် ပတ်သက်၍ နိုင်ငံတော်အဆင့် အစီရင်ခံစာကို တင်သွင်းရမည်ဖြစ်သည်။ ထိုအစီရင်ခံစာကို အစိုးရကတင်သွင်း သကဲ့သို့ အစိုးရမဟုတ်သည့်အရပ်ဘက် လူမှုအဖွဲ့အစည်းများကလည်း စင်ပြိုင်အစီရင်ခံစာအနေဖြင့် တင်သွင်းလေ့ရှိကြောင်း Eq-uality Myanmar ဒါရိုက်တာ ဦးအောင်မျိုးမင်းကပြောသည်။

‘‘မြန်မာပြည်က ကလေးတွေ က မြန်မာပြည်အစိုးရကို ဘာတွေ ဖြစ်စေချင်လဲဆိုတာ ကုလသမဂ္ဂ ကို တင်ပြပြီးတော့ နိုင်ငံတကာရဲ့ ၀ိုင်းဝန်းပံ့ပိုးမှုနဲ့အတူ သူတို့ရဲ့အ ခွင့်အရေးကိုအကောင်အထည် ဖော်ဖို့အတွက်လုပ်ဆောင်သွား ဖို့ ရှိပါတယ်’’ဟု ဦးအောင်မျိုးမင်း က ပြောကြားသည်။

ကယားပြည်နယ်ရှိ ကလေး

များအတွက် ကိုယ်စားပြုဆွေးနွေး မည့် မသိမ့်ဟန်နီထွန်းက ၎င်းတို့ ဒေသတွင် စစ်ရှောင်နေရာမှ မူလ နေရပ်သို့ပြန်ချင်သော်လည်း ဗုံး များရှိနေ၍ ပြန်မရကြောင်း၊ နွေ ရောက်လျှင် အနည်မပါသည့်ရေ လိုချင်ကြောင်း၊ မုဒိမ်းမှုဖြစ်သည့် အခါတွင် ရပ်ရွာနည်းလမ်းများ ဖြင့် ဖြေရှင်း၍ အဓမ္မပြုကျင့်ခံရ သည့် မိန်းကလေးကြောင့် ရွာနစ်နာသည်ဆိုကာ ဖယ်ကြဉ်ထား ခြင်းများရှိကြောင်းစသည့် ကလေးငယ်များကြုံ တွေ့ရသည့် အခက်အခဲများနှင့် လိုအပ်ချက်များကို တင်ပြတောင်းဆိုမည်ဟုပြောသည်။ မြန်မာနိုင်ငံရှိ ကလေးအခွင့်အရေးအတွက် လုပ်ဆောင်ပေးခဲ့သည့်အဖွဲ့အစည်းနည်းလွန်းနေပြီး လူမှုကွန်ရက်များတွင် သက်ငယ်မုဒိမ်းမှုများ နားမဆံ့နိုင်အောင်ကြားရသည့်အခါမှ လုပ်ဆောင်လေ့ရှိကြောင်း လူ့အခွင့်အရေးလှုပ်ရှားသူ ဦးအောင်မျိုးမင်းကပြောသည်။

ထို့ကြောင့် ကလေးများ၏ အခက်အခဲများကို နားထောင်ပေး ၍ ကလေးများအတွက် လုံခြုံမည့် ဥပဒေပြဋ္ဌာန်းရန် အဆိုပါဆွေး နွေးပွဲသို့ဖိတ်ကြားခြင်းခံရသည့် လွှတ်တော်ကိုယ်စားလှယ်ဦးရေ၇၀ ကျော်က အရေးတယူတက်ရောက်ပေးစေလိုကြောင်း ၎င်းက တိုက်တွန်းပြောကြားသည်။

မြန်မာနိုင်ငံသည် အပြည် ပြည်ဆိုင်ရာ ကလေးသူငယ်အ ခွင့်အရေးဆိုင်ရာစာချုပ်(CRC) ကို ၁၉၉၁ ခုနှစ်တွင် လက်မှတ်ရေးထိုးပြီးနိုင်ငံတွင်း ကလေးအခွင့်အရေးကို မြှင့်တင်မည်ဟု အစီရင်ခံစာများတွင် ကတိပြုထားသည်။

သို့သော်လက်ရှိအထိ ကလေးငယ်များအား လုပ်သား အဖြစ် စေခိုင်းခြင်း၊ လူကုန်ကူးခံရခြင်း၊ လိင်ပိုင်းဆိုင်ရာစော်ကားခံရခြင်းပြဿနာများ ဖြစ်ပွားမှုများပြားနေသည်ဟု လူ့အခွင့်အရေးလေ့လာ စောင့်ကြည့်သူများကအစီရင်ခံစာထုတ်ပြန်ခဲ့သည်။

Credit To >>> 7 Day Daily