အလားတူ တစ်ဘက်မှာလည်း မိမိတို့လုပ်ငန်းရဲ့ တိုးချဲ့လုပ်ဆောင်မယ့်အစီအစဉ်တွေထဲမှာ အထည်အလိပ်၊ ၀ိုင်နဲ့ သစ်သီးလိုမျိုး ထုတ်ကုန်ပစ္စည်းတွေအပေါ် အလေးထားသွားမှာဖြစ်သလို အမေရိကန်အနောက်အလယ်ပိုင်းနဲ့ အရှေ့တောင်အာရှအကြား ကုန်သွယ်မှုပိုင်းကို အထူးအလေးထားသွားဖို့ရှိတယ်လို့ Alibaba တည်ထောင်သူ Jack Ma က ထုတ်ဖော်ပြောသွားပါတယ်။
" ကျွန်တော်တို့ လုပ်ငန်းသေးတွေဘက်မှာ အလေးထားလုပ်သွားဖို့ရှိပါတယ်၊ အသေးစားအလုပ်အကိုင် ၁ သန်း ဖန်တီးပေးနိုင်ဖို့ လုပ်သွားပါမယ်၊ အမေရိက အနောက်အလယ်ပိုင်းမှာပါ၊ ကျွန်တော်တို့ရဲ့ ပလက်ဖောင်းပေါ်မှာလည်း ထုတ်ကုန်တွေ ရောင်းချမယ့်လုပ်ငန်းသေးတွေအနေနဲ့ တရုတ်နဲ့ အာရှဒေသကို အဓိကထားရောင်းချနိုင်အောင်လုပ်ပေးသွားမှာပါ" လို့ Jack Ma က ပြောသွားပါတယ်။
Alibaba ရဲ့ ပြောရေးဆိုခွင့်ရှိသူရဲ့ အဆိုအရတော့ တရုတ်အွန်လိုင်းလက်လီလုပ်ငန်းကုမ္ပဏီအနေနဲ့ လာမယ့်ငါးနှစ်အတွင်း အလုပ်အကိုင် ၁ သန်းကျော် ဖန်တီးသွားမှာဖြစ်တယ်လို့လည်းသိရပါတယ်။"Alibaba အနေနဲ့ အလုပ်အကိုင် ၁ သန်း ဖန်တီးပေးသွားမှာပါ၊အမေရိကန်လုပ်ငန်းသေးတွေနဲ့ တောင်သူတွေအနေနဲ့ အမေရိကန်ထုတ်ကုန်တွေကို ဒီပလက်ဖောင်းပေါ်ကနေတဆင့် တရုတ်နဲ့ အာရှဒေသတွေဆီ ရောင်းချသွားနိုင်ပါလိမ့်မယ်" လို့ တရုတ်ကုမ္ပဏီက ထုတ်ပြန်သွားခဲ့ပါတယ်။
# SFJ Strategy First Journal
0 comments:
Post a Comment