မြေကို လက်ဝါကြီးအုပ်ရယူထားခြင်းကြောင့် မြေဈေးနှုန်းများ အဆင်မတန်မြင့်တက်ပြီး ရင်းနှီးမြှုပ်နှံသူများ အခက်အခဲ
မြေလက်ဝါးကြီးအုပ်ရယူထားမှုတွေကို ပြည်ထောင်စု၊ တိုင်းဒေသကြီးနဲ့ ပြည်နယ်အစိုးရအဖွဲ့တွေက သတ်မှတ်နှုန်းထားနဲ့ လျော်ကြေးပေးသိမ်းဆည်းပြီး မြေကို ထိထိရောက်ရောက် စီမံခန့်ခွဲဖို့ လိုတယ်လို့ ယမန်နေ့ကကျင်းပတဲ့ ပြည်ထောင်စုလွှတ်တော်အစည်းအဝေးမှာတင်ပြခဲ့တာဖြစ်ပါတယ်။
အမျိုးသားမြေအသုံးချမူဝါဒအပေါ် ပြည်ထောင်စုလွှတ်တော်ဥပဒေရေးရာနှင့်အထူးကိစ္စရပ်များ လေ့လာဆန်းစစ်
သုံးသပ်ရေးကော်မရှင်က လေ့လာတွေ့ရှိချက်နှင့် သုံးသပ်အကြံပြုချက် အစီရင်ခံစာကို လွှတ်တော်သို့ တင်ပြခဲ့ခြင်းဖြစ်ပါတယ်။
အစီရင်ခံစာမှာ မြေအားလုံးရဲ့ မူရင်းပိုင်ရှင်ဖြစ်တဲ့နိုင်ငံသားများအကျိုးစီးပွားအတွက် လိုအပ်ပါကမြေသိမ်းဆည်းပြီး စီမံခန့်ခွဲခွင့်ကို မူဝါဒမှာ ထည့်သွင်းဖို့ လိုအပ်တယ်လို့လည်း အကြုံပြုခဲ့ပါတယ်။အမျိုးသားမြေအသုံးချမူဝါဒမှာ လက်တွေ့ကျသောလုပ်ငန်းစဉ်တွေရေးဆွဲချမှတ်မှသာ မူဝါဒကို အခြေခံပြီး နိုင်ငံသားများရဲ့အကျိုးစီးပွားအတွက် အမျိုးသားမြေဥပဒေကို
ရေးဆွဲပြဌာန်းနိုင်မယ်လို့ ဆိုပါတယ်။
မြေအသုံးချမှုနှင့် မြေယာဆိုင်ရာစီမံခန့်ခွဲမှုများကို စနစ်တကျဆောင်ရွက်နိုင်ရန်အတွက် အမျိုးသားမြေအသုံးချမှုမူဝါဒ ရေးဆွဲထုတ်ပြန်ခဲ့ခြင်းဖြစ်ပြီး တိုင်းရင်းသားလူမျိုးစုများ၊ ဒေသခံတောင်သူများရဲ့မြေယာပိုင်ဆိုင်မှု ခိုင်မာစေရန်အတွက်ရည်ရွယ်ရေးဆွဲထားတာလည်းဖြစ်ပါတယ်။
Credit To >>> SFJ Strategy First Journal
Myanmar Kyat Exchange Rate
0 comments:
Post a Comment