တရုတ်၏ ကိုယ်ပျောက် တိုက်လေယာဉ်ကို လူအများရှေ့မှောက် ပထမဆုံးအကြိမ် ထုတ်ပြရန် စီစဉ်

တရုတ်စစ်တပ်သည် ၎င်းတို့၏ ပထမဆုံး ပြည်တွင်းဖြစ် ကိုယ်ပျောက် တိုက်လေယာဉ် J-20ကို နိုင်ငံတကာ မြင်ကွင်းတွင် ပထမဆုံးအကြိမ် ထုတ်ပြရန် စီစဉ်နေကြောင်း သိရသည်။

ယခုသီတင်းပတ်အတွင်း ကျင်းပမည့် တရုတ် နိုင်ငံတကာ လေကြောင်းနှင့် အာကာသ နည်းပညာ ပြပွဲတွင် အများရှေ့မှောက်၌ J-20 တစ်စီးကို ပထမဆုံးအကြိမ် ခင်းကျင်း ပွဲထုတ်လာမည်ဟု ယုံကြည်ရသည်။

တရုတ် ပြည်သူ့လွတ်မြောက်ရေးတပ်၏ လေတပ်ဖွဲ့က ဦးဆောင်သည့် ပြပွဲတွင် တရုတ်နှင့် ရုရှား ကာကွယ်ရေး နည်းပညာ ကုမ္ပဏီကြီးများက ပါဝင်ပြသကြမည် ဖြစ်သည်။ အဆိုပါ  ပြပွဲသည် နိုဝင်ဘာ ၁ ရက်မှ ၆ ရက်ထိ ကြာမြင့်မည်ဖြစ်ပြီး တရုတ်တောင်ပိုင်း ဇူဟိုင်မြို့တွင် ကျင်းပသွားမည်ဟု သိရသည်။

တရုတ်သည် ရေဒါဖြင့် ထောက်လှမ်းမှုများကို အကောင်းဆုံး ရှောင်ကွင်းနိုင်သည်ဟု ကြွေးကြော်ထားပြီး ခရီးဝေး ပျံသန်းနိုင်သည့် J-20 ကိုယ်ပျောက် တိုက်လေယာဉ်ကို လျှို့ဝှက်စွာ ထိန်းသိမ်းထားသော်လည်း ယခုပြပွဲတွင် အများရှေ့မှောက် ပထမဆုံးအကြိမ် သရုပ်ပြသွားရန် စီစဉ်ထားခြင်း ဖြစ်သည်။

J-20ကို ချန်ဒူး လေယာဉ်စက်မှုလုပ်ငန်းအုပ်စုက လေတပ်၏ ငွေကြေးထောက်ပံ့မှုဖြင့် တည်ဆောက်ခဲ့ပြီး အမေရိကန်လုပ် နာမည်ကျော် F-22နှင့် F-35 ကိုယ်ပျောက် လေယာဉ်များကို တိုက်ရိုက် ယှဉ်ပြိုင်နိုင်ရန် ရည်ရွယ်ထားခြင်း ဖြစ်သည်။

တရုတ်လေတပ်သည် J-20အပြင် ယခင်က လူသိရှင်ကြား ထုတ်မပြဖူးသည့် စစ်လက်နက် အချို့ကိုပါ အဆိုပါ ပြပွဲတွင် ခင်းကျင်းလာဖွယ် ရှိနေသည်။ လေတပ်၏ J-10B ဘက်စုံသုံး ဗုံးကြဲတိုက်လေယာဉ်နှင့် နောက်ဆုံးပေါ် Shaanxi KJ-500 ကင်းထောက်လေယာဉ်ကြီးများအပြင် Xian H-6K မဟာဗျူဟာ ဗုံးကြဲလေယာဉ်ကြီးများကိုပါ တွေ့မြင်လာရဖွယ် ရှိနေသည်။

ထို့အပြင် Changhe Z-10K တိုက်ခိုက်ရေး ရဟတ်ယာဉ်များကိုလည်း နိုင်ငံတကာ ပြပွဲတစ်ခုတွင် ပထမဆုံးအကြိမ် မိတ်ဆက်ပြသလာမည်ဟု သိရှိရသည်။

ယခုနှစ် ပြပွဲတွင် မောင်းသူမဲ့နှင့် အဝေးထိန်း တိုက်ခိုက်ရေး စနစ်များသည် အဓိက အကျဆုံး ခင်းကျင်းပြသမည့် ကဏ္ဍဖြစ်လာနိုင်ပြီး ထောက်လှမ်းရေးနှင့် တိုက်ခိုက်ရေးအတွက် အသုံးချနိုင်သည့် မောင်းသူမဲ့ လေယာဉ် အမျိုးအစား အများအပြားကိုလည်း တွေ့မြင်လာရနိုင်ကြောင်း သတင်းများက ဖော်ပြသွားသည်။

Credit To >>> 7 Day Daily