ရန်ကုန်တိုင်းဒေသကြီး အစိုးရအဖွဲ့၏ အကြံပြုကမ်းလှမ်းချက် များအရ မော်တော်ယာဉ်တင် သွင်းမှုဆိုင်ရာ ကြီးကြပ်မှုကော် မတီက အဆိုပါအစီအစဉ်ကို လုပ် ဆောင်နိုင်ရန် ကညနနှင့် ညှိနှိုင်းမှုပြီးစီးပြီဖြစ်၍ အပ်နှံမှုကို နိုဝင် ဘာပထမပတ်တွင် စတင်မည် ဖြစ်သည်။
စတင်အပ်နှံခွင့်ပြုပါက မော်ဒယ်အလိုက် ခွဲခြား၍ စီနီယာအ လိုက် လက်ခံမည်ဖြစ်ပြီး ပထမ ဆုံးအသုတ်တွင် ဘီအမ်နှင့် ဒိုင် နာကားအများစု ပါဝင်နိုင်ကြောင်းသိရသည်။
ရန်ကုန်မြို့တွင် ခရီးသည် တင် ယာဉ်စီးရေ ၇,၀၀၀ ကျော်ရှိ သည့်အနက် ၁၉၉၅ မော်ဒယ် အောက် ယာဉ်စီးရေမှာ ၁,၄၀၀ ကျော်ရှိသည်ဟု သိရသည်။
‘‘ဦးစားပေးအနေနဲ့ အသုတ် လိုက်ခွဲပြီး ရှေ့လမှာ စမယ်။ မထသဆီကနေ စာရင်းအတိအ ကျ ရထားပါပြီ’’ဟု နေပြည်တော် ကညနမှ ဒုတိယညွှန်ကြားရေးမှူး က ပြောသည်။
လက်ရှိ ရန်ကုန်မြို့တွင် ပြေးဆွဲနေသော ဘတ်စ်ကားများ၏ သက်တမ်းကြာမြင့်နေခြင်းကြောင့်အဆိုပါ အစီအစဉ်ကို လုပ်ဆောင် ရခြင်းဖြစ်သည်ဟု ဆိုသည်။
သက်တမ်းလွန် ဘတ်စ်ကား များကို လူစီးယာဉ်စလစ်ထုတ် ပေးလိုက်သောကြောင့် လက်ရှိ ပြည်တွင်းဈေးကွက်တွင် ဈေးနှုန်း မြင့်တက်ပြီး ရှားပါးနေသည့် စလစ်ဈေး အနည်းငယ်ကျဆင်း နိုင်ကြောင်း မော်တော်ယာဉ် အရောင်းအဝယ် ပြုလုပ်သူများက သုံးသပ်ပြောကြားသည်။
‘‘ဈေးက အများကြီးတော့ မကျနိုင်ဘူး။ အလွန်ဆုံးကျလည်း လေးငါးသိန်းပဲ’’ဟု စလစ်ဈေးကျ ဆင်းမည့်အခြေအနေကို သီရိမင်္ဂ လာယာဉ်ရောင်းဝယ်ရေးစခန်းမှ ကားဝယ်ရောင်း ဦးမင်းမင်းက ပြောသည်။
Credit To >>> 7 Day Daily
0 comments:
Post a Comment