ဒေါ်လာအဟောင်းအနွမ်းတွေကို လက်ခံပေးဖို့ ပုဂ္ဂလိကဘဏ်တွေကို ဗဟိုဘဏ်က ညွှန်ကြားထား

  ဒေါ်လာအဟောင်းအနွမ်းတွေနဲ့ ဘဏ်မှာ ငွေလဲပါက အခက်အခဲတွေ
ဖြစ်ပေါ်နေတယ်လို့ လုပ်ငန်းရှင်တွေက ဗဟိုဘဏ်၊ တာဝန်ရှိသူတွေနဲ့
တွေ့ဆုံချိန်မှာ မေးမြန်းခဲ့ရာမှာ ဒေါ်လာအဟောင်းအနွမ်းတွေကို
လက်ခံပေးဖို့ ဘဏ်တွေကို ပြောထားပြီ ဖြစ်တယ်လို့ ဗဟိုဘဏ်ဘက်က
ပြန်လည်ဖြေကြားခဲ့ပါတယ်။

နိုင်ငံတွင်းမှာ ရောင်းချဝယ်ယူနေတဲ့ ကုန်ပစ္စည်းတွေနဲ့
ဝန်ဆောင်မှုတွေအတွက် ကျသင့်တဲ့ ငွေကို နိုင်ငံခြားငွေနဲ့ေ
ပးချေသုံးစွဲနေတာကြောင့် ဒေါ်လာသုံးစွဲမှု မြင့်တက်မှုတွေ
ဖြစ်ပေါ်ခြင်း၊ ဒေါ်လာ လိုအပ်ချက်မြင့်တက်လာခြင်း၊
ပြည်တွင်းသုံးကျပ်ငွေလျော့ကျလာကာ နိုင်ငံခြားငွေလဲနှုန်း
မတည်မငြိမ်ဖြစ်လာတာတွေ ပေါ်ပေါက်လာခဲ့တယ်။

ယင်းအခက်အခဲတွေကို ဖြေရှင်းတဲ့အနေနဲ့ စီးပွားရေးလုပ်ငန်းတွေကို
နိုင်ငံခြားငွေလက်ခံကိုင်ဆောင်ခွင့် လိုင်စင်ရုတ်သိမ်းလိုက်ပြီး ဖြစ်ပါတယ်။


နိုင်ငံခြားငွေကိုင်ဆောင်ခွင့်လိုင်စင်ကို ရုတ်သိမ်းပြီးနောက်မှာ
လုပ်ငန်းရှင်တွေအနေနဲ့ ဘဏ်တွေကို ဒေါ်လာငွေသွင်းရာမှာ
ဘဏ်တွေဘက်က အဟောင်းအနွမ်းတွေကို လက်မခံတဲ့
အခြေအနေမျိုးတွေ ဖြစ်ပေါ်လျက်ရှိတာ ဖြစ်ပါတယ်။

ဗဟိုဘဏ်က နိုင်ငံခြားငွေလက်ခံကိုင်ဆောင်ခွင့်လိုင်စင်ရုတ်သိမ်းတာနဲ့
ပက်သက်ပြီး လုပ်ငန်းရှင်တွေနဲ့ တွေ့ဆုံ ဖြေရှင်းလျက်ရှိရာ
လုပ်ငန်းရှင်တွေဘက်က ဒေါ်လာအဟောင်းအနွမ်းတွေကို
ဘဏ်သို့ သွင်းတဲ့အချိန်မှာ အခက်အခဲတွေ ဖြစ်ပေါ်နေတယ်လို့
ပြောဆိုခဲ့ကြပါတယ်။

“ ဒါက ဘဏ်တစ်ခုစီနဲ့ ဆိုင်ပါတယ်။ ဗဟိုဘဏ်က လက်မခံခိုင်းတာမရှိပါဘူး။
ဘဏ်တွေကို လက်ခံပေးဖို့ကိုလည်း ဗဟိုဘဏ်က ပြောထားပြီ ဖြစ်ပါတယ်”
လို့ ဗဟိုဘဏ်တာဝန်ရှိသူတွေက ပြောကြားခဲ့ပါတယ်။

Credit To >>> SFJ News