နိုင်ငံတော် သမ္မတ၏ ပြစ်ဒဏ် လွတ်ငြိမ်းခွင့် အမိန့် ထုတ်ပြန်ခြင်းနှင့် စပ်လျဉ်း၍ မြန်မာနိုင်ငံ အမျိုးသား လူ့အခွင့်အရေး ကော်မရှင်၏ သတင်း ထုတ်ပြန်ချက် (၁/ ၂ဝ၁၄)

၁။ နိုင်ငံတော် သမ္မတရုံးက ၂ဝ၁၃ ခုနှစ်၊ ဒီဇင်ဘာလ ၃ဝ ရက် နေ့ရက်စွဲပါ အမိန့်အမှတ် (၅၁/ ၂ဝ၁၃)ဖြင့် နိုင်ငံတော် သမ္မတ၏ ပြစ်ဒဏ် လွတ်ငြိမ်းခွင့် အမိန့်ထုတ်ပြန် ခဲ့ခြင်းကို မြန်မာနိုင်ငံ အမျိုးသား လူ့အခွင့် အရေး ကော်မရှင် အနေဖြင့် လှိုက်လှဲစွာ ကြိုဆိုပါသည်။ 

၂။ အစိုးရ အဖွဲ့အစည်းများ၊ အရပ်ဘက် လူမှု အဖွဲ့အစည်းများနှင့် နိုင်ငံရေး ပါတီများမှ ပုဂ္ဂိုလ်များ စုစုပေါင်း ၁၉ဦးဖြင့် ဖွဲ့စည်းထားသည့် လက်ကျန် နိုင်ငံရေး အကျဉ်းသားများ စိစစ်ရေး ကော်မတီက ၎င်း၏ လုပ်ငန်း ဆောင်ရွက်မှု အစီရင်ခံစာကို ၂ဝ၁၃ခုနှစ်၊ ဒီဇင်ဘာလ ၃၁ရက်နေ့ ရက်စွဲဖြင့် သတင်းထုတ်ပြန်ချက် (၁/၂ဝ၁၃) ထုတ်ပြန် ခဲ့သဖြင့် ကော်မတီ၏ ကြိုးပမ်းမှုကို အသိအမှတ် ပြုပါသည်။ 

၃။ ပြည်ထောင်စု သမ္မတ မြန်မာ နိုင်ငံတော်၊ နိုင်ငံတော် သမ္မတက ၂ဝ၁၃ ခုနှစ် အကုန်တွင် နိုင်ငံရေး အကျဉ်းသား တစ်ယောက်မှ မကျန်ရှိစေဖို့ ကတိပြု ထားသည့် အတိုင်း ဆောင်ရွက်ခဲ့ပြီး ဖြစ်ကြောင်း ၂ဝ၁၄ခုနှစ် ဇန်နဝါရီလ ၂ရက်နေ့တွင် ရေဒီယိုမှ တစ်ဆင့် ပြည်သူများသို့ ပြောကြားသည့်မိန့်ခွန်း၌ ထည့်သွင်း ဖော်ပြခဲ့ပါသည်။ နိုင်ငံတော်သမ္မတ အနေဖြင့် ယင်းကဲ့သို့မိမိ၏ ကတိကဝတ်ကို အကောင် အထည်ဖော် ဆောင်ခဲ့ခြင်းသည် ဒီမိုကရေစီ နိုင်ငံတော် တည်ဆောက်ရေးတွင် နိုင်ငံရေး အကျဉ်းသား ဟူ၍ တစ်ဦး တစ်ယောက်မျှ မရှိသင့်ဟု ဆိုသည့် အယူအဆ နှင့်လည်း ကိုက်ညီမှုရှိပါသည်။ 

၎။ မိမိတုိ့ မြန်မာနိုင်ငံ အမျိုးသား လူ့အခွင့်အရေး ကော်မရှင် အနေဖြင့်လည်း မြန်မာနိုင်ငံရှိ အကျဉ်းထောင် အသီးသီး၌ ကျခံ နေရသူများကို ပြစ်ဒဏ် အသီးသီးမှ လွတ်ငြိမ်း ချမ်းသာခွင့် ပေးပြီး အကျဉ်းထောင်မှ လွှတ်ပေးရေးကို အလေးထား စဉ်းစား ပေးပါရန် နိုင်ငံတော် သမ္မတထံသို့ မေတ္တာရပ်ခံ တင်ပြသည့် အိတ်ဖွင့်စာ နှစ်ကြိမ် ပေးပို့ခဲ့ပြီး အဆိုပါ အိတ်ဖွင့်စာ အသီးသီးကို ၂ဝ၁၁ခုနှစ် ၊ အောက်တိုဘာလ ၁ဝရက်နေ့နှင့် နိုဝင်ဘာလ ၁၂ရက်နေ့ တို့တွင် ထုတ်ပြန် ခဲ့ပါသည်။ ကော်မရှင်က ယင်းကဲ့သို့ မေတ္တာရပ်ခံ တင်ပြခဲ့ပြီးနောက် နိုင်ငံတော် သမ္မတက လွတ်ငြိမ်းချမ်းသာခွင့် အမိန့်ဖြင့် အကျဉ်းထောင် အသီးသီးတွင် ကျခံနေ ရသော အကျဉ်းသားများကို ပြစ်ဒဏ် အသီးသီးမှ လျှော့ပေါ့ကျ ခံစေခြင်းနှင့် အကျဉ်းထောင် အသီးသီးမှ လွှတ်ပေးခြင်း တို့ကို ဆောင်ရွက် ခဲ့ပါသည်။ ယင်းသို့ ဆောင်ရွက်ခြင်းကို ကော်မရှင်က ကြိုဆို ပါကြောင်းနှင့် အကျဉ်းထောင် အသီးသီးမှ လွှတ်ပေးခြင်း ခံရသူများ အနေဖြင့်လည်း နိုင်ငံတော် သမ္မတ၏ မေတ္တာ စေတနာကို အလေးထားပြီး အမျိုးသား စည်းလုံးညီညွတ်ရေးနှင့် ဒီမိုကရေစီ နိုင်ငံတော် တည်ဆောက်ရေးအတွက် ဥပဒေဘောင် အတွင်းမှ တစ်တပ်တစ်အား ပါဝင် ဆောင်ရွက်ကြပါရန် အလေးအနက် တိုက်တွန်းကြောင်း တို့ကို ၂ဝ၁၂ ခုနှစ်၊ ဇန်နဝါရီလ ၁၄ရက်နေ့တွင် မြန်မာနိုင်ငံ အမျိုးသား လူ့အခွင့် အရေး ကော်မရှင်က ထုတ်ပြန် ခဲ့ပါ သည်။ 

၅။ ယခု နိုင်ငံတော် သမ္မတက နိုင်ငံတော် တည်ငြိမ်ရေးနှင့် ထာဝရ ငြိမ်းချမ်းမှု ဖော်ဆောင်ရေးအတွက် လည်းကောင်း၊ အမျိုးသား ပြန်လည် စည်းလုံး ညီညွတ်ရေး အတွက် လည်းကောင်း၊ နိုင်ငံရေး လုပ်ငန်းစဉ်များတွင် အားလုံး ပါဝင်နိုင်စေရေးအတွက် လည်းကောင်း၊ လူသားချင်း စာနာ ထောက်ထားမှုကို အလေးပေးသော အားဖြင့် လည်းကောင်း ပြစ်ဒဏ် လွတ်ငြိမ်း ခွင့် ပေးခဲ့ခြင်းဖြစ်ရာ အကျဉ်းထောင် အသီးသီးမှ လွှတ်ပေးခံ ရသူများ အနေဖြင့် နိုင်ငံတော် သမ္မတ ၏ မေတ္တာ စေတနာကို အလေးထားပြီး ၎င်း၏ ရည်ရွယ်ချက်များ နှင့်အညီ ပါဝင် ဆောင်ရွက် ကြပါရန် မြန်မာနိုင်ငံ အမျိုးသား လူ့အခွင့်အရေး ကော်မရှင် အနေဖြင့် အလေးအနက် တိုက်တွန်း အပ်ပါ သည်။ 

၆။ နိုင်ငံတော် အစိုးရသည် ဒီမိုကရေစီ နိုင်ငံတော် တည်ဆောက်ရေးကို ကြိုးပမ်း ဆောင်ရွက် နေ သည်ဖြစ်ရာ တည်ဆဲ ဥပဒေများနှင့် ပြဋ္ဌာန်း ချက်များ အနက် ဒီမိုကရေစီ နိုင်ငံတော် တည်ဆောက်ရေး အတွက် အဟန့် အတား ဖြစ်စေမည့် ဥပဒေများနှင့် ပြဋ္ဌာန်းချက် များကို နိုင်ငံတော် တည်ငြိမ်ရေးနှင့် အများပြည်သူ အေးချမ်း သာယာရေးကို မထိပါးစေဘဲ လိုအပ်သကဲ့သို့ ပြင်ဆင်ခြင်း၊ ပယ်ဖျက်ခြင်း ၊ ဖြည့်စွက်ခြင်း၊ အသစ်ရေး ဆွဲခြင်းတို့ကို အလေးထား စဉ်းစားသင့် ပါကြောင်း မြန်မာနိုင်ငံ အမျိုးသား လူ့အခွင့်အရေး ကော်မရှင် အနေဖြင့် အကြံပြု အပ်ပါသည်။

By မြ၀တီ