လက်ပံတောင်းတောင်ကြေးနီစီမံကိန်း သပိတ်စခန်း ဖြိုခွဲခံရမှု ဆန္ဒပြတာနဲ့ ပတ်သက်ပြီး ပြီးခဲ့တဲ့နှစ် ဒီဇင်ဘာလမှာ ရန်ကုန်မြို့ တရုတ်သံရုံးရှေ့ကို လမ်းလျှောက်ချီတက်ဆန္ဒပြတဲ့ အထဲက ဦးဆောင်သူ စုစုပေါင်း ၆ ဦးကို စမ်းချောင်းမြို့နယ် တရားရုံးက ဒီနေ့ ထောင်ဒဏ်တစ်လစီ ပြစ်ဒဏ်ချမှတ်လိုက်ပါတယ်။
ပြီးခဲ့တဲ့ရက်ပိုင်းက ကြည့်မြင်တိုင်နဲ့ လသာမြို့နယ်တွေကလည်း အဲဒီ ဦးဆောင်သူ ၆ ဦးကို အလားတူ ထောင်ဒဏ်တစ်လစီ ချမှတ်ခဲ့ပါတယ်။ ပြစ်ဒဏ်ချမှတ်ခံရသူ ၆ ဦးဟာ တကသ ကျောင်းသားသမဂ္ဂနဲ့ လူငယ်အဖွဲ့အစည်းတွေက ဖြစ်ပါတယ်။
ဒီနေ့ စမ်းချောင်းမြို့နယ် တရားရုံးက ချမှတ်တဲ့ ပြစ်ဒဏ်နဲ့ ပြီးခဲ့တဲ့ရက်ကချခဲ့တဲ့ ပြစ်ဒဏ်တွေကို တစ်ပေါင်းတည်း ကျခံရမှာဖြစ်တယ်လို့ တရားရုံးမှာသွားရောက်နားထောင်ခဲ့တဲ့ ကျောင်းသားသမဂ္ဂများ အဖွဲ့ချုပ်ဖြစ်မြောက်ရေးကော်မတီက ကိုမင်းသူအောင်က ပြောပါတယ်။
“လက်ပံတောင်းတောင်ကိစ္စ ဆန္ဒပြတဲ့အမှု ပုဒ်မ ၁၈ နဲ့ ကြည့်မြင်တိုင်၊ အလုံနဲ့ စမ်းချောင်းရယ် သုံးရုံးစလုံးစွဲတာ၊ အလုပ်ကြမ်းနဲ့ ထောင်ဒဏ် ၁ လချတယ်ဗျ”
ကျောင်းသားသမဂ္ဂ တကသခေါင်းဆောင်တစ်ဦးဖြစ်သူ ကိုဒီငြိမ်းလင်း၊ မျိုးဆက်သစ်လူငယ်များအဖွဲ့က ကိုမိုးသွေးအပြင် အရပ်ဖက်လူမှုအဖွဲ့အစည်းတွေက ကိုစိုးမိုးထွန်း၊ ကိုမြင့်ကျော် ၊ မသန္တာနဲ့ ကိုအောင်မျိုးဦးတို့ ၆ ဦးတို့ကို တရုတ်သံရုံးကို လမ်းလျှောက်ဆန္ဒပြစဉ် ဖြတ်သွားတဲ့ မြို့နယ် ၃ မြို့နယ်က တရားမ၀င် စီတန်းလှည့်လည်ခြင်းဆိုင်ရာ ဥပဒေပုဒ်မ ၁၈ နဲ့ တရားစွဲဆိုခဲ့တာ ဖြစ်ပါတယ်။
RFA
Myanmar Kyat Exchange Rate
0 comments:
Post a Comment