ကချင်ပြည်နယ် ဗန်းမော်ခရိုင် မန်စီမြို့နယ်အတွင်းမှာ အစိုးရတပ်တွေနဲ့
ကချင်လွတ်မြောက်ရေး တပ်မတော် (KIA) တပ်တွေအကြား
အခုရက်ပိုင်းတွေအတွင်းဖြစ်ပွားခဲ့တဲ့ တိုက်ပွဲတွေကြောင့် ဒေသခံ နှစ်ထောင်နီးပါးလောက် ထွက်ပြေးတိမ်းရှောင်နေရတယ်လို့ ကေအိုင်အေ တာဝန်ရှိသူတွေ က ပြော ပါတယ်။
နန့်လင်းပါကျေးရွာမှာရှိတဲ့ စစ်ဘေးဒုက္ခသည်စခန်းကို နိုဝင်ဘာလ ၁၆ ရက်နေ့က
ဒုက္ခသည် ကူညီရေးအဖွဲ့တစ်ဖွဲ့ ရောက်ရှိနေစဉ်မှာ တိုက်ပွဲတွေဖြစ်ပွားခဲ့တာလို့
ကေအိုင်အို ကချင် လွတ်မြောက်ရေး အဖွဲ့ ပြန်ကြားရေးတာဝန်ခံ ဦးလာနန် RFA
ကိုပြောပါတယ်။
“ရွာသားတွေရော၊ ဒုက္ခသည်တွေရော ပိတ်မိတဲ့အချိန်မှာ
ကရုဏာအဖွဲ့ကနေပြီးတော့ ရိက္ခာသွားပို့မယ့် အစီအစဉ်ရှိတယ်၊ ရွာသားတွေက
ခြေဦးတည့်ရာ ပြေးသွားကြတယ်ခင်ဗျ၊ ဒုက္ခသည်စခန်းမှာ ဘယ်သူမှ မနေတော့ဘူး၊
မွန်းလွဲ ၂ နာရီ ၃ နာရီအထိ အဲဒီမှာ တိုက်ပွဲတွေ
ပြင်းပြင်းထန်ထန်ဖြစ်ပွားတယ်”
တိုက်ပွဲတွေဟာ ဒီကနေ့ မနက်ပိုင်းအထိ
ဆက်လက်ဖြစ်ပွားနေတယ်လို့ ရန်ကုန်မြို့ကိုရောက်ရှိနေ တဲ့ ကေအိုင်အေ
ဒုတိယစစ်ဦးစီးချုပ် ဗိုလ်ချုပ်ဂွမ်မော်ကလည်း ပြောပါတယ်။
အခုထွက်ပြေးသွားတဲ့ ဒေသခံတွေဟာ နန့်လင်းပါကျေးရွာနဲ့
အဲဒီကျေးရွာမှာဖွင့်ထားတဲ့ စစ်ပြေးဒုက္ခသည် စခန်းကဖြစ်ပြီး အဲဒီဒုက္ခသည်တွေ
ဘယ်မှာခိုလှုံနေတယ်ဆိုတာ အတိအကျမသိရသေး ဘူးလို့ ဒုက္ခသည်တွေကို ကူညီပေးနေတဲ့
ဗန်းမော်မြို့ ကချင်နှစ်ခြင်း ခရစ်ယာန်အသင်းတော်က ဦးတူးဂျာ က ပြောပါတယ်။
မန်စီမြို့နယ်ထဲမှာ အစိုးရတပ်တွေနဲ့ ကေအိုင်အေတပ်တွေအကြား ပြီးခဲ့တဲ့
အောက်တိုဘာလကတည်းက တိုက်ပွဲတွေ မကြာခဏဆိုသလို ဖြစ်ပွားခဲ့တာကြောင့်
ဗန်းမော်မြို့ပေါ်က ဒုက္ခသည်စခန်းတွေမှာ ဒေသခံ တစ်ထောင်ဝန်းကျင်
ခိုလှုံနေကြရပါတယ်။
RFA Burmese
Myanmar Kyat Exchange Rate
0 comments:
Post a Comment