ရုရှားသမ္မတ အမေရိကန်ပြည်သူများကို မေတ္တာရပ်ခံ

ရုရှားသမ္မတ ဗလာဒီမာပူတင်က ၎င်းအနေဖြင့် ဆီးရီးယားအရေးအခင်းနှင့်ပတ်သက်၍ အမေရိကန်ပြည်သူ များကို တိုက်ရိုက်မေတ္တာရပ်ခံလိုက်ကြောင်း ကြာသပတေးနေ့ ဘီဘီစီသတင်းတွင် ဖော်ပြသည်။

နယူးယောက်တိုင်း(မ်)သတင်းစာတွင် ပါရှိသော ဆောင်းပါး၌ ဆီးရီးယားနိုင်ငံကို အမေရိကန်က စစ်မက် ပြုခဲ့သော် အကြမ်းဖက်ဝါဒ လှိုင်းလုံးသစ်တစ်ခု ပေါ်ပေါက် လာနိုင်ကြောင်း ပူတင်က သတိပေး ထားသည်။

သန်းပေါင်းများစွာသောလူများက အမေရိကန်ပြည် ထောင်စုသည် စံပြဒီမိုကရေစီနိုင်ငံတစ်နိုင်ငံအဖြစ် မရှုမြင် ဘဲ ကြမ်းတမ်းသောတပ်ဖွဲ့များအပေါ် မှီခိုနေရသော နိုင်ငံ အဖြစ်သာ ရှုမြင်ကြသည်ဟု ၎င်းက ထပ်မံပြောကြားသည်။
ယင်းဆောင်းပါးတွင် မကြာသေးမီ ဖြစ်ရပ်များက ၎င်းကို အမေရိကန်ပြည်သူများနှင့် ၎င်း တို့၏ နိုင်ငံရေး ခေါင်းဆောင်များအား တိုက်ရိုက်စကားဆိုရန် အကြောင်း ဖန်လာခဲ့သည်ဟု ၎င်းက ဆိုသည်။

ဩဇာအရှိန်အဝါကြီးမားသောနိုင်ငံများက ကုလ သမဂ္ဂအဖွဲ့ကြီးကို ဥပေက္ခာပြု၍ လုံခြုံရေးကောင်စီ၏ အခွင့်အာဏာမရှိပါဘဲလျက် ဆီးရီးယားကို စစ်ရေးအရ အရေးယူခဲ့လျှင် ကုလသမဂ္ဂသည် တူညီသော ကြမ္မာဆိုး၏ ရှေ့ပြေးနိမိတ်အဖြစ် ခံစားရပေမည်ဟုလည်း ရုရှားသမ္မတ က သတိပေးသည်။

ပုပ်ရဟန်းမင်းကြီးအပါအဝင် ဘာသာရေးခေါင်း ဆောင်များ၊ နိုင်ငံရေးခေါင်းဆောင်များနှင့် များစွာသောနိုင်ငံများက ပြင်းထန်စွာအတိုက်အခံပြုနေသည့်ကြားမှ အမေ ရိကန်ပြည်ထောင်စုက ဆီးရီးယားကိုတိုက်ခဲ့လျှင် အကျိုး ဆက်အားဖြင့် အပြစ်မဲ့အရပ်သားများ ပိုမိုသေဆုံးကြ ရမည်။ တင်းမာမှုကြီးထွားလာမည်။ စစ်ပွဲသည် ဆီးရီးယား နယ်စပ်ကိုကျော်လွန်၍ ပျံ့နှံ့လာမည်ဟုလည်း ကြိုတင် ဟောကိန်းထုတ်သည်။

၎င်းအပြင် အကြမ်းဖက်တိုက်ခိုက်မှုများ တိုးပွားလာ မည်ဖြစ်ပြီး အကြမ်းဖက်ဝါဒ လှိုင်းသစ် တစ်ခုလည်း ပေါ် ထွန်းလာနိုင်သည်ဟုဆိုသည်။ တစ်ဖန် မြောက်အာဖရိကနှင့် အရှေ့အလယ်ပိုင်းဒေသ တို့ကို ပိုမိုမတည်မငြိမ်ဖြစ်စေမည်။ အစ္စရေး-ပါလက်စတိုင်းပြဿနာနှင့် အီရန်နျူကလီးယား ပြဿနာ တို့ကို ဖြေရှင်းရန် ကြိုးပမ်းနေခြင်းကို အားနည်း သွားစေမည်။ ထို့ပြင် နိုင်ငံတကာဥပဒေစနစ်တစ်ခုလုံးကို လွှင့်ပစ်လိုက်သကဲ့သို့ဖြစ်မည်ဟု ပြောသည်။
ပူတင်က ၎င်းအနေဖြင့် ဆီးရီးယားအစိုးရကို ကာကွယ်နေခြင်းမဟုတ်ဘဲ နိုင်ငံတကာဥပဒေကို ထိန်းသိမ်း နေခြင်းသာဖြစ်သည်ဟု ပြောကြားသည်။
ဘီဘီစီ။