ငြိမ်းချမ်းရေးနိုဘယ်ဆုရှင် ကိုဖီအာနန် ဦးဆောင်တဲ့ ရခိုင်ပြည်နယ်ဆိုင်ရာ အကြံပေး ကော်မရှင်ဖွဲ့စည်း

နိုင်ငံတော် အတိုင်ပင်ခံရုံးဝန်ကြီးဌာနက ယနေ့ရက်စွဲဖြင့် သတင်းထုတ်ပြန်ချက်တစ်ရပ်ကို ထုတ်ပြန် လိုက်သည်။ အဆိုပါ သတင်းထုတ်ပြန်ချက် အပြည့်အစုံမှာ အောက်ပါအတိုင်းဖြစ်ပါသည် ။
ရခိုင်ပြည်နယ်ဆိုင်ရာ အကြံပေးကော်မရှင်ဖွဲ့စည်းခြင်း
၁။ပြည်ထောင်စုသမ္မတမြန်မာနိုင်ငံတော်အစိုးရအနေဖြင့် ရခိုင်ပြည်နယ်၏သိမ်မွေ့နက်နဲသည့် အရေးကိစ္စများကို ဖြေရှင်းနိုင်မည့် ရေရှည်နည်းလမ်းကောင်းများကို ရှာဖွေသွားမည်ဖြစ်ပါသည်။ သို့ဖြစ်ပါ၍ အဆိုပါ ရေရှည်အကြံပေးကော်မရှင်တစ်ရပ်ကို ဖွဲ့စည်း သွားမည်ဖြစ်ပါသည်။ အဆိုပါကိစ္စနှင့်စပ်လျဉ်း၍ နိုင်ငံတော်အတိုင်ပင်ခံရုံးဝန်ကြီးဌာနနှင့် ကိုဖီအာန်ဖောင်ဒေးရှင်းတို့ အကြား နားလည်မှုစာချွန်လွှာ တစ်ခုကို လက်မှတ်ရေးထိုးမည်ဖြစ်ပါသည်။

၂။မြန်မာနိုင်ငံအစိုးရ၏ ဦးဆောင်မှုဖြင့် အဆိုပါ သိမ်မွေ့နက်နဲသည့် အရေးကိစ္စများကိုဖြေရှင်းရန် ဤအကြံပေး ကော်မရှင်ကို ဖွဲ့စည်းခြင်းဖြစ်ပါသည်။ အကြံပေးကော်မရှင်တွင် ဘက်လိုက်မှု ကင်းသည့်၊ လူအများ လေးစားသည့်၊ အတွေ့အကုံရင့်ကျက်သည့်၊ ထင်ပေါ်ကျော်ကြားသည့် မြန်မာနိုင်ငံ သားပုဂ္ဂိုလ် (၆)ဦး၊ နိုင်ငံတကာမှ ပုဂ္ဂိုလ် (၃)ဦး တို့ဖြင့် စုစုပေါင်အဖွဲ့ဝင် (၉)ဦး ပါဝင်မည်ဖြစ်ပါသည်။ အဆိုပါ ကော်မရှင်၏ ဥက္ကဋ္ဌအဖြစ် ကိုဖီအာနန်ဖောင်ဒေးရှင်းတည်ထောင်သူနှင့် ဥက္ကဋ္ဌဖြစ်သည့် ကုလသမဂ္ဂ အတွင်းရေးမှူးချုပ်ဟောင်း နိုဘယ်လ်ဆုရှင် မစ္စတာကိုဖီအာနန် မှ ဆောင်ရွက်မည်ဖြစ်ပါသည်။

 အကြံပေးကော်မရှင်၏အဖွဲ့ဝင်များ အဖြစ် အောက်ပါပုဂ္ဂိုလ်များပါဝင်မည်ဖြစ်ပါသည် -

(က)ဦးဝင်းမြ
ဥက္ကဋ္ဌ၊ မြန်မာနိုင်ငံ အမျိုးသားလူ့အခွင့်အရေးကော်မရှင်၊

(ခ)ဒေါက်တာသာလှရွှေ
နာယက၊ မြန်မာနိုင်ငံ ကြက်ခြေနီအသင်း၊

(ဂ)မစ္စတာဂါဆန်ဆလမ်
ယဉ်ကျေးမှုဝန်ကြီး (၂ဝဝဝ-၂ဝဝ၃)၊ လက်ဘနွန်နိုင်ငံ၊ ကုလသမဂ္ဂအတွင်းရေးမှူးချုပ်၏ အထူးအအကြံပေးပုဂ္ဂိုလ်(၂ဝဝ၃-၂ဝဝ၆)

(ဃ)မစ္စ လက်တီတီရာ ဗန်ဒန် အာဆမ်
ကုလသမဂ္ဂအိတ်ခ်ျအိုင်ဗွီနှင့် အေအိုင်ဒီအက်စ် ဆိုင်ရာအစီအစဉ် (UNAIDS)၏ အထူးအကြံပေးပုဂ္ဂိုလ် (၂ဝဝ၅-၂ဝဝ၆) ဗြိတိန်နိုင်ငံဆိုင်ရာ နယ်သာလန်သံအမတ်ကြီး (၂ဝ၁၂-၂ဝ၁၅)

(င)ဦးအေးလွင်
တည်ထောင်သူတစ်ဦးနှင့်အမြုတေအဖွဲ့ဝင်၊ ငြိမ်းချမ်းမေတ္တာအဖွဲ့(မြန်မာနိုင်ငံ)

(စ)ဒေါက်တာမြသီတာ
ဥက္ကဋ္ဌ၊ သားဖွားမီးယပ်ပညာအဖွဲ့၊ မြန်မာနိုင်ငံဆရာဝန်များအသင်း၊ အဖွဲ့ဝင်၊မြန်မာနိုင်ငံဆရာဝန်များအသင်း၊

(ဆ)ဦးခင်မောင်လေး
အဖွဲ့ဝင်၊ မြန်မာနိုင်ငံ အမျိုးသားလူ့အခွင့်အရေးကော်မရှင်၊

(ဇ)ဒေါ်စောခင်တင့်
ဥက္ကဋ္ဌ၊ ရခိုင်စာပေနှင့်ယဉ်ကျေးမှုအသင်း (ရန်ကုန်) ဒုတိယဥက္ကဋ္ဌ၊ ရခိုင်အမျိုးသမီးများ အသင်း၊

၃။ကော်မရှင်အနေဖြင့် လက်ရှိဖြစ်ပေါ်နေသည့် ပြဿနာများအား ဖြေရှင်းနိုင်မည့် အကောင်းဆုံး နည်းလမ်းများကို ရှာဖွေရန်အတွက် ပါဝင်သက်ဆိုင် သူများနှင့်လည်းကောင်း၊ နိုင်ငံတကာ ကျွမ်းကျင်သူများနှင့် လည်းကောင်း၊ နိုင်ငတကာမှ အရေးပါသည့် ပုဂ္ဂိုလ်များနှင့် လည်းကောင်း တွေ့ဆုံဆွေးနွေးပြီး ၎င်းတို့၏ အမြင်သဘောထား များကိုရယူလျက် လေ့လာသုံသပ်မှုများပြုလုပ်မည်ဖြစ်ပါသည်။ ကော်မရှင်အနေဖြင့် ရခိုင်ဒေသရှိပြည်သူများ၏ လုံခြုံရေးနှင့် အခြေခံ အခွင့်အရေးများအား အာမခံချက်ပေးနိုင်ရေးကိစ္စ၊ လူသားချင်း စာနာထောက်ထားမှုဆိုင်ရာနှင့် ဖွံ့ဖြိုးတိုးတက်မှုဆိုင်ရာကိစ္စများနှင့် အခြေံလူမှုဝန်ဆောင်မှုများ ရရှိရေးကိစ္စများအား စဉ်းစား ဆောင်ရွက်မည်ဖြစ်ပါ သည်။ ကော်မရှင်အနေဖြင့် ရခိုင်ပြည်နယ်တွင်း ပဋိပက္ခ ကြိုတင်ကာကွယ်ရေး၊ လူသားချင်း စာနာထောက်ထားမှုအကူ အညီများပံ့ပိုးရေး၊ အခွင့်အရေး များနှင့်ပန်လည်ရင်ကြားစေ့သင့်မြတ်ရေး၊ အခြေခံအဖွဲ့အစည်း အဆောက် အအုံများ တည်ထောင်ပေးရေး၊ ဖွံ့ဖြိုး တိုးတက်မှုမြှင့်င်ရေး စသည့်ကဏ္ဍများအတွက်လေ့လာ သုံးသပ်မှု ပြုလုပ်၍ အကြံပြုတင်ပြမှုများပြုလုပ်မည်ဖြစ်ပါသည်။ထို့အပြင် ကော်မရှင်အနေဖြင့် ပြည်ပနိုင်ငံများတွင် ဒုက္ခသည်အဖြစ်ခံယူသူများ၏ ပင်ရင်းနိုင်ငံနှင့် နောက်ခံအကြောင်းအရာ အပါအဝင်နိုင်ငံတကာ ဆက်နွှယ်မှုတို့ကိုလည်း သုံးသပ်သွားမည်ဖြစ်ပါသည်။

၎။ကော်မရှင်အနေဖြင့် သက်ဆိုင်သူများနှင့် ကျယ်ပြန့်စွာ ဆွေးနွေးညှိနှိုင်းမှုများပြုလုပ်ပြီးနောက် ရှာဖွေတွေ့ရှိချက်များနှင့် လေ့လာသုံးသပ် အကြံပြုချက်များပါဝင်သည့် အစီရင်ခံစာကို နိုင်ငံတော်၏ အတိုင်ပင်ခံ ပုဂ္ဂိုလ်မှ တစ်ဆင့် မြန်မာနိုင်ငအစိုးရထံတင်ပြမည်ဖြစ်ပြီး ပြည်သူ လူထု သိရှိနိုင်ရေးအတွက်လည်း အစီရင်ခံစာကို ထုတ်ဝေဖြန့်ချိမည်ဖြစ်ပါသည်။ အစီရင် ခံစာကို ကော်မရှင်တည်ထောင်ပြီး ၁၂ လ ကာလထက်နောက် မကျစေဘဲ တင်ပြရမည် ဖြစ်ပါသည်။

နိုင်ငံတော်အတိုင်ပင်ခံရုံးဝန်ကြီးဌာန
နေပြည်တော် 
ရက်စွဲ။ ၂ဝ၁၆ ခုနှစ်၊ သြဂုတ်လ ၂၄ ရက်