ဒေါ်လာဈေးနှင့်အတူ ပြည်တွင်းရွှေဈေးပါ မြင့်တက်

ပြည်တွင်းအခေါက်ရွှေ ဈေးသည် စံချိန်လွန်ဈေးဖြစ်သည့် တစ်ကျပ်သားလျှင် ကျပ် ၉၀၀,၀၀၀ ခန့်ဖြစ်လာကြောင်း ပြည်တွင်းရွှေ ဈေးကွက်မှ သတင်းရရှိသည်။

ရွှေဈေးတက်ရခြင်းမှာ နိုင်ငံ ခြားငွေလဲနှုန်းမြင့်တက်လာခြင်း၊ သီတင်းကျွတ်ကာလအကြို ရွှေ အဝယ်လိုက်လာခြင်းတို့ကြောင့် ဖြစ်ကြောင်း ပြည်တွင်း ရွှေလုပ်ငန်းရှင်များထံမှ သိရသည်။

‘‘အခု ဒေါ်လာဈေးက ကျပ်၁,၂၆၀ ကျော်ကို တက်လာတော့ အခုလို ဈေးတက်လာတာပါ။ အခုလို တက်လာတော့ ရွှေဆိုင်တွေမှာ ဝယ်လိုအားထက် ပြန်သွင်းတာ တွေ များလာတယ်’’ ဟု အောင် သမာဓိရွှေဆိုင်အထွေထွေမန်နေ ဂျာ ဦးမော်က ပြောသည်။

စက်တင်ဘာ ၂၆ ရက်တွင် မန္တလေးမြို့၌ အခေါက်ရွှေ ဈေး သည် ကျပ် ၈၉၄,၀၀၀ အထိ ဈေး ပေါက်ခဲ့ပြီး ရန်ကုန်မြို့တွင် အ ခေါက်ရွှေဈေးတစ်ကျပ်သားလျှင် ကျပ် ၈၉၄,၂၀၀ ကျော်ပေါက်ဈေး ရှိခဲ့သည်။

‘‘လူတွေက ဘဏ်ကငွေတွေ ထုတ်ပြီး ရွှေတွေ ဝယ်ပြီးစုလာ တာကြောင့် ရွှေဈေး တက်လာ တယ်။ နောက်ပြီး ဒေါ်လာဈေးက လည်း မြင့်တက်လာတော့ ဈေး တက်လာတယ်’’ဟု ရန်ကုန်တိုင်း ရွှေလုပ်ငန်းရှင်များအသင်းအ တွင်းရေးမှူး ဦးဝင်းမြင့်က ပြော ကြားသည်။

ပြီးခဲ့သည့်နှစ်က တစ်ဒေါ် လာလျှင် ကျပ် ၁,၃၀၀ ဖြစ်ခဲ့ပြီး ရွှေဈေးကျပ် ၈၀၀,၀၀၀ ခန့် ရှိခဲ့သည်။ ယခုနှစ် ဇူလိုင်တွင် ၈၅၀,၀၀၀ ကျပ်ကျော် ဈေးပေါက်ခဲ့ပြီး သြဂုတ် ၂၄ ရက်၌ ကျပ် ၈၈၀,၀၀၀ ခန့် ဈေးပေါက်ခဲ့သည်။

Credit To >>> 7 Day Daily