အစိုးရသစ် လက်ထက်တွင် ပြုလုပ်ခဲ့သည့် လူ့အခွင့်အရေး လူ့ဂုဏ်သိက္ခာ ရုပ်ရှင်ပွဲတော်၌ သမိုင်းဖြစ်ရပ်မှန်ကို အခြေခံထားသော Twilight Over Burma ရုပ်ရှင်ပြသခွင့် ပိတ်ပင်ခံရမှုအပေါ် နယ်ပယ်အသီးသီးမှ ထင်ရှားသူများ ဝေဖန်

အစိုးရသစ် လက်ထက်တွင် ပြုလုပ်ခဲ့သည့် လူ့အခွင့်အရေး လူ့ဂုဏ်သိက္ခာ ရုပ်ရှင်ပွဲတော်တွင် သမိုင်းဖြစ်ရပ်မှန်ကို အခြေခံထားသော “Twilight Over Burma” ရုပ်ရှင် ပြသခွင့် ပိတ်ပင်ခံရမှုအပေါ် နယ်ပယ်အသီးသီးမှ ထင်ရှားသူများက လူ့အခွင့်အရေး ချိုးဖောက်ခံရမှု တစ်ခုအဖြစ် ဝေဖန်ခဲ့ကြသည်။

လူ့အခွင့်အရေး လူ့ဂုဏ်သိက္ခာ နိုင်ငံတကာ ရုပ်ရှင်ပွဲတော်၏ အဖွင့်ရုပ်ရှင်ဇာတ်ကားအဖြစ် အပါအ၀င် ရုပ်ရှင်ပွဲတော် ကာလအတွင်း ပြသရန် စီစဉ်ထားသော “Twilight Over Burma” ရုပ်ရှင်ဇာတ်ကားကို ပြန်ကြားရေး ၀န်ကြီးဌာန လက်အောက်မှ ရုပ်ရှင်ဆင်ဆာ စိစစ်အကဲဖြတ်ရေးအဖွဲ့က တိုင်းရင်းသား စည်းလုံးညီညွတ်မှုကို ထိခိုက်နိုင်သည့် ပြကွက်များ၊ တပ်မတော်၏ ပုံရိပ်ကို ထိခိုက်စေသည့် ပြကွက်များ ပါဝင်နေသည်ဟု အကြောင်းပြချက်ဖြင့် ပိတ်ပင်ခဲ့ခြင်းဖြစ်သည်။

“အခုဖြစ်ရပ်က အစိုးရသစ်လက်ထက်မှာ တော်တော်လေးကို ရုပ်ဆိုးအကျည်းတန်တဲ့ ဖြစ်ရပ်ပါ။ ပြန်ကြားရေးဝန်ကြီး အသစ်ကလည်း ရုပ်ရှင်အကြောင်းကိုပဲ နားမလည်တာလား ရက် ၁၀၀ လည်းပြည့်တော့မယ်။ အခု ဆင်ဆာအဖွဲ့က အရင်အစိုးရလက်ထက် ပုံစံအတိုင်း ဖြစ်နေတယ်ဆိုတော့ တော်တော်ခက်ပါတယ်။ ဒီဖြစ်ရပ်က ကျွန်တော်တို့ ရုပ်ရှင်သမားတွေအတွက် လွတ်လပ်စွာ ဖန်တီးခွင့်တွေ ပျောက်ဆုံးနေဆဲပဲဆိုတာကို မီးမောင်းထိုးပြလိုက်တာပါပဲ။ အရင် ဦးသိန်းစိန်အစိုးရ လက်ထက်မှာ ကျွန်တော်ရိုက်ကူးဖို့တင်တဲ့ “သမ္မတကြီးထံပေးစာ” ဇာတ်ကားက ရိုက်ကူးခွင့် မရခဲ့ပါဘူး။ အခု အစိုးရသစ်လက်ထက် အဲဒီဇာတ်ကား ရိုက်ကူးခွင့်တင်ရာမှာလည်း ဘာမှအကြောင်းမပြန်သေးပါဘူး။ ဒီဇာတ်ကားမှာ အဂတိတရား တိုက်ဖျက်မှုဆိုတာကို မီးမောင်းထိုးပြထားပါတယ်။ တရားစီရင်ရေး စနစ်ရဲ့လွဲချော်မှုကို ပြသမယ့် ဇာတ်ဝင်ခန်းတွေပါပါတယ်။ ဒီလိုလွဲချော်မှုတွေကို အနုပညာနဲ့ ပုံဖော်မှပဲ တချို့လွဲနေတဲ့သူတွေက ရှက်တတ်လာမှာပါ။ ဒါမျိုးတွေက NLD အစိုးရသစ်လက်ထက်မှာ ပြောင်းလဲသင့်နေပါပြီ။ အရင်အစိုးရ လက်ထက်တုန်းကလည်း ယဉ်ကျေးမှု ထိခိုက်နိုင်တာတွေတောင် ခွင့်ပြုတာတွေရှိတယ်။ အစိုးရ၊ ၀န်ကြီး၊ တပ်မတော် စတာတွေကိုတော့ ထိလို့မရဘူး။ အခု ဒီအစိုးရ လက်ထက်မှာရော ဘယ်လောက်အထိ ထိန်းချုပ်မှာလဲဆိုတာ စောင့်ကြည့်ရတော့မှာပါ။ ဒီအတွက် ပြန်ကြားရေးဝန်ကြီးသစ် အနေနဲ့လည်း ရုပ်ရှင်ဖန်တီးသူတွေနဲ့ တိုက်ရိုက်တွေ့ဆုံ ရှင်းပြသင့်တယ်” ဟု ဒါရိုက်တာ အကယ်ဒမီဝိုင်းက ပြောကြားသည်။

ရုပ်ရှင်ဆင်ဆာ စိစစ်အကဲဖြတ်ရေးအဖွဲ့ကို ပြန်ကြားရေး ၀န်ကြီးဌာနအောက်တွင် ဖွဲ့စည်းထားပြီး ရုပ်ရှင်အနုပညာရှင်များနှင့် ဌာနဆိုင်ရာ အသီးသီးမှ တာဝန်ရှိသူများ ပါဝင်စေ၍ ဖွဲ့စည်းထားခြင်းဖြစ်သည်။ ရုပ်ရှင်ဆင်ဆာ စိစစ်အကဲဖြတ်မှုများကို ဦးသိန်းစိန် အစိုးရလက်ထက်တွင် ဖြေလျှော့မှုများ ပြုလုပ်သည်ဟု ထုတ်ပြန်ခဲ့သော်လည်း သရဲတစ္ဆေ ဇာတ်ကားများ ရိုက်ကူးခွင့်ပြုခြင်း၊ ယဉ်ကျေးမှုစံနှုန်းနှင့် အတန်ငယ် လွဲချော်နေသည့် ဇာတ်ကားများ ထွက်ပေါ်လာခြင်းများသာ များပြားခဲ့ပြီး ပြည်သူများကြားမှ အခက်အခဲများ၊ ဆင်းရဲဒုက္ခများ၊ တရားမမျှတမှုများ၊ အာဏာရှိသူမှ အာဏာမဲ့သူများအပေါ် ဖိနှိပ်မှုပြကွက်များကိုမူ ဆင်ဆာတင်းကျပ်စွာ ဖြတ်တောက်ပိတ်ပင်မှုများ ရှိနေဆဲပင်ဖြစ်ကြောင်း ရုပ်ရှင်အသိုင်းအ၀ိုင်းအတွင်းမှ စုံစမ်းသိရသည်။ ဦးသိန်းစိန် အစိုးရလက်ထက်တွင် ရပ်ကွက်အုပ်ချုပ်ရေးမှူး တစ်ဦး၏ လွဲမှားသည့် အမူအကျင့်များ၊ အစိုးရထိပ်ပိုင်း အရာရှိအချို့၏ ပြောစမှတ်တွင်ခဲ့သည့် စကားလုံးများကို သရော်ကာ ထည့်သွင်းရိုက်ကူးထားသည့် “တောင်းတာတွေတော်တော် တိုးတက်တယ်” ဗီဒီယိုဇာတ်ကားမှာ ဆင်ဆာဖြတ်တောက်မှု ၁၉ ချက်ထိသည်အထိ ပိတ်ပင်ခံရမှုများ ရှိခဲ့ကြောင်းလည်း သိရသည်။ ယခု NLD အစိုးရသစ်လက်ထက် ပြန်ကြားရေးဝန်ကြီးဌာန ၀န်ကြီးအသစ် ဦးဖေမြင့်လက်ထက်တွင် ပြုလုပ်သည့် လူ့အခွင့်အရေး လူ့ဂုဏ်သိက္ခာ ရုပ်ရှင်ပွဲတော်တွင် သီပေါစော်ဘွား စ၀်ကြာဆိုင်၏ ဖြစ်ရပ်မှန်ကို ပုံဖော်ထားသော “Twilight Over Burma” ရုပ်ရှင်ဇာတ်ကားကို ပြသခွင့် ပိတ်ပင်ခံရခြင်းဖြစ်သည်။

“Twilight Over Burma” ဇာတ်ကားပြသခွင့် ပိတ်ပင်ခံရမှုနှင့် ပတ်သက်၍ လူ့အခွင့်အရေး လူ့ဂုဏ်သိက္ခာ ရုပ်ရှင်ပွဲတော်အား စီစဉ်သူ ဒါရိုက်တာ မင်းထင်ကိုကိုကြီးကလည်း “အစိုးရသစ်ဆိုပေမယ့် လူဟောင်းတွေ ရှိနေပေမယ့် လူဟောင်းတွေရဲ့ အဆုံးအဖြတ်ကို ခံယူနေရတာကို ထင်ထင်ရှားရှားပြပါတယ်။ လူ့ဂုဏ်သိက္ခာ ရုပ်ရှင်သိပ္ပံရဲ့ ဒီရုပ်ရှင်ပွဲတော်ကို ကျင်းပတဲ့ ရည်ရွယ်ချက်က ဂုဏ်သိက္ခာရှိသော အဖွဲ့အစည်းပေါ့။ ဒါပေမဲ့ ကြုံရတာအရ mission မအောင်မြင်သေးဘူးဆိုတာ အဓိပ္ပာယ်ထွက်ပါတယ်။ ဒါက လူ့အဖွဲ့အစည်း တစ်ခုလုံးရဲ့ ဂုဏ်သိက္ခာကို ကျဆင်းစေတဲ့ ဖြစ်ရပ်လို့ထင်တယ်။ စစ်မှန်တဲ့ အမျိုးသား ရင်ကြားစေ့ရေးကို သွားချင်တယ်ဆိုရင် အတိတ်မှာ ဖြစ်ခဲ့တာတွေကို အားလုံးဖုံးကွယ်ထားလို့ မရဘူး။ အတိတ်မှာ မှားခဲ့တာတွေကို ပြန်လည်ပြောဆိုပြီး နောင်မမှားအောင် ကတိက၀တ် ပြုကြရလိမ့်မယ်။ ဘယ်လိုအစီအမံတွေနဲ့ ရှေ့ကိုဆက်ကြမယ်ဆိုတာ စဉ်းစားကြရမယ်။ ဒီဇာတ်ကားကို ပြသရတဲ့ ရည်ရွယ်ချက်ကလည်း ၁၉၆၂ ခုနှစ်ကစလို့ လူ့အခွင့်အရေး ချိုးဖောက်မှုတွေ မြန်မာပြည်သူတွေ ခံခဲ့ရတယ်။ ဒီဇာတ်ကားကလည်း အဲဒီတုန်းက ဖြစ်ခဲ့တာကို ပြန်လည်ရိုက်ကူးထားတဲ့ကား။ ဒါမျိုးနောင်မဖြစ်ဖို့ ဘယ်လိုထိန်းသိမ်းကြမယ်ဆိုတာ စဉ်းစားကြဖို့ ရည်ရွယ်ပြီး ပြသဖို့ စီစဉ်ခဲ့တာပါ” ဟုဆိုသည်။

ရုပ်ရှင်ဇာတ်ကား ပြသခွင့် ပိတ်ပင်ခံရမှုအပေါ် ရှမ်းတိုင်းရင်းသားများ ဒီမိုကရေစီ အဖွဲ့ချုပ်ပါတီမှ အထွေထွေ အတွင်းရေးမှူး ဦးစိုင်းညွန့်လွင်ကလည်း “တကယ်ဆို သရုပ်ပျက်တယ်ဆိုတဲ့ အခန်းတစ်ခန်းလောက်ကို ဖျက်လိုက်ပြီးတော့ ကျော်လိုက်ပြီးတော့ ပြလည်းရတာပါပဲ။ ဒီလိုမျိုး ပိတ်လိုက်တဲ့အခါကျတော့ အခုလက်ရှိအစိုးရ ပုံရိပ်ကျတာပေါ့။ ဒါမဖြစ်သင့်ပါဘူး။ ခုဆိုလူတိုင်းလည်း ကြည့်ပြီးလောက်ပါပြီ။ ခုဆိုနှစ်ခါတောင် ပြန်ကြည့်ကြတာမျိုးတောင် ရှိနေပြီလို့ကြားတယ်။ သူတို့ပြောတာ ဟုတ်သလား ဆိုပြီးတော့ပေါ့။ စိတ်ကူးယဉ် ဇာတ်လမ်းတွေ၊ ထွင်ထားတဲ့ဇာတ်လမ်းတွေဆိုတာ ရှိပါတယ်။ ခုဇာတ်ကားက တကယ့်ဖြစ်ရပ်မှန်ကို ရိုက်ထားတဲ့ဇာတ်ကား။ အဲဒီ့ဟာကို ပြင်လို့မရပါဘူး။ စိတ်ကူးယဉ် ဇာတ်ကားကိုပဲ ပိတ်လို့ရချင်ရမယ်။ ဖြစ်ရပ်မှန် ဇာတ်ကားကိုတော့ ပိတ်လို့မရပါဘူး။ ဒါ အမှန်တရားကို လက်မခံရာ ကျပါတယ်” ဟုသုံးသပ်သည်။

“ဒီရုပ်ရှင်ကားနဲ့ ပတ်သက်လို့ ကျွန်တော်ပြောချင်တာက တကယ့်ဖြစ်ရပ်မှန်တွေ အပေါ်မှာ ပြန်ကုစားမှုက တစ်နည်းမဟုတ်တစ်နည်းနဲ့ လုပ်ဆောင်ရမှာပဲပေါ့။ ဘာဖြစ်လို့လဲဆိုတော့ နိုင်ငံတိုင်းမှာ ပြည်သူတွေ ပြန်ကုစားနိုင်ဖို့အတွက်က ဖြစ်ပျက်ခဲ့တဲ့ အတိတ်တွေရှိတယ်။ ဒီအကြောင်းတွေကို ဖော်ပြပေးသင့်တယ်ပေါ့။ အမျိုးသား ရင်ကြားစေ့ရေးအတွက် ဆိုရင်လည်း ဒီဟာက ပိုပြီးကွဲပြားစေမှာပါ။ ဗမာနဲ့ရှမ်းကြား နားလည်မှုလွဲတယ်ဆို တာမျိုးမရှိဘဲ ဘာကဘယ်လိုဆိုတာ ကွဲကွဲပြားပြား သိလာစေမှာပါ။ နောက်ပြီး ဒါကကျွန်တော်တို့ ရှမ်းတွေရဲ့ အသိအမှတ်ပြုတဲ့ ခေါင်းဆောင် စော်ဘွားကြီး အကြောင်းဆိုတာ ကျွန်တော်တို့အလေးထား၊ လေးစားရတယ်။ ဆိုတော့ လူ့အခွင့်အရေးနဲ့ လူ့ဂုဏ်သိက္ခာ ရုပ်ရှင်ပွဲတော်မှာ ဒါကထုတ်ဖော်ခွင့် ရှိတယ်လို့ပဲ မြင်ပါတယ်။ နောက်တိုင်းရင်းသား တန်းတူရေးနဲ့ ပတ်သက်လို့ အားလုံးက ပြောနေကြတဲ့အချိန်မှာ ဆင်ဆာအဖွဲ့ ဒီလိုပိတ်မှုတွေအပေါ် မေးခွန်းထုတ်မှုတွေ စိုးရိမ်မှုတွေ ရှိနေတယ်ပေါ့” ဟု ရှမ်းလူငယ်ကွန်ရက်မှ ကိုစိုင်းအောင်မြင့်ဦးက ပြောကြားသည်။

“Twilight Over Burma” ရုပ်ရှင်ဇာတ်ကားသည် သီပေါစော်ဘွား စ၀်ကြာဆိုင်နှင့် သြစတြီးယားနိုင်ငံမှ မိန်းကလေးတို့ လက်ထပ်ထိမ်းမြားခဲ့ပြီး ပျော်ရွှင်သော မိသားစုဘ၀အဖြစ် နေထိုင်ခဲ့ရာမှ တော်လှန်ရေးကောင်စီ အစိုးရလက်ထက်တွင် ရှမ်းစော်ဘွား စ၀်ကြာဆိုင်အား ဖမ်းဆီးခံရကာ မိသားစု တကွဲတပြားစီ ဖြစ်ရပုံကို သီပေါစော်ဘွား၏ မဟာဒေ၀ီ Inge Sargent ကိုယ်တိုင် ရေးသားထုတ်ဝေထားသည့် Twilight Over Burma:My Life as a Shan Princess ကိုအခြေခံကာ ရိုက်ကူးပုံဖော်ထားခြင်းဖြစ်သည်။ သီပေါစော်ဘွား စ၀်ကြာဆိုင်သည် သီပေါစော်ဘွား စ၀်အိုနှင့် စ၀်စိန်လွှာတို့၏ သားဖြစ်ပြီး အမေရိကန်နိုင်ငံတွင် ပညာသွားရောက် သင်ယူခဲ့ရာတွင် သြစတြီးယားနိုင်ငံသူ အင်ဂျီနှင့်မေတ္တာမျှခဲ့ကာ သီပေါသို့ ပြန်လည်ရောက်ရှိလာခဲ့ခြင်း ဖြစ်သည်။ သီပေါစော်ဘွား စ၀်ကြာဆိုင်သည် မြေရှင်ပဒေသရာဇ်ခေတ်ကို ပြောင်းလဲရန် ကြိုးစားရင်း ဒီမိုကရေစီစနစ် ပြောင်းလဲနိုင်ရန် ကြိုးပမ်းခဲ့သူတစ်ဦးဖြစ်သည်။ စ၀်ကြာဆိုင်၏ ဇနီးဖြစ်သူ အင်ဂျီသည်လည်း စ၀်သုနန္ဒီဘွဲ့အမည်ဖြင့် သီပေါဒေသ ဖွံ့ဖြိုးတိုးတက်ရေးများကို ဆောင်ရွက်ခဲ့သူတစ်ဦးဖြစ်သည်။ ၁၉၆၂ ခုနှစ် မတ်လတွင် သီပေါစော်ဘွား စ၀်ကြာဆိုင် ပျောက်ဆုံးသွားခဲ့ပြီး ဇနီးဖြစ်သူ စ၀်သုနန္ဒီသည်လည်း ခင်ပွန်းဖြစ်သူ၏ သတင်းကို စုံစမ်းမရသည့်အပြင် အန္တရာယ်များ ၀ိုင်းရံလာသဖြင့် သြစတြီးယားသံရုံး၏ အကူအညီဖြင့် မြန်မာနိုင်ငံမှ ထွက်ပြေးကာ ဘ၀ဖြစ်စဉ် ဖြစ်ရပ်မှန်စာအုပ် Twilight Over Burma:My Life as a Shan Princess ကိုရေးသားခဲ့ခြင်းဖြစ်သည်။

ယင်းဇာတ်ကားကို ဒါရိုက်တာ Sabine Derflinger ကရိုက်ကူးထားပြီး သရုပ်ဆောင်များ ဖြစ်ကြသည့် Maria Ehrich၊ auline Knof၊ Simon Schwarz၊ Daweerit Chullasapya တို့က အဓိက ပါဝင်ထားခြင်းဖြစ်သည်။ အဆိုပါဇာတ်ကားတွင် ပါဝင်သရုပ်ဆောင်ရန် မြန်မာသရုပ်ဆောင် အချို့အား Casting ခေါ်ယူခဲ့ဖူးပြီး ပါဝင်ရွေးချယ်ဖြစ်ခြင်း မရှိခဲ့ဘဲ ထိုင်းသရုပ်ဆောင် Daweerit Chullasapya မှ သီပေါစော်ဘွား စ၀်ကြာဆိုင်အဖြစ် ပါဝင်ထားကြောင်း သိရသည်။

Twilight Over Burma ရုပ်ရှင်ဇာတ်ကားမှာ သီပေါစော်ဘွား၏ စိတ်ဝင်စားဖွယ်ရာ ဘ၀ဖြစ်ရပ်များနှင့် ဦးနေ၀င်းအစိုးရလက်ထက် ရက်စက်မှုများကို စိတ်ဝင်စားဖွယ် ပုံဖော်ထားခြင်းဖြစ်သည်။

Credit To >>> Eleven Media Group