ရှမ်းအဖွဲ့များအကြား စစ်ရေးတင်းမာနေသဖြင့် ရွာသားများ ထွက်ပြေးနေကြရ

ရှမ်းပြည်မြောက်ပုိုင်း နမ့်ခမ်းမြို့နယ်အတွင်း တအာင်းအမျိုးသား လွတ်မြောက်ရေးတပ်မတော် (TNLA) နှင့် ရှမ်းပြည် ပြန်လည်ထူထောင်ရေးတပ်မတော် (RCSS/SSA) တုို့ တုိုက်ပွဲ ဖြစ်ပွားခဲ့ပြီးနောက် စစ်ရေးတင်းမာနေဆဲဖြစ်၍ ဒေသခံ ရွာသား ၂၀၀ ကျော် ထွက်ပြေးတိမ်းရှောင်မှုများ ရှိနေသည်ဟု သိရသည်။

ပြီးခဲ့သည့် နုိုဝင်ဘာလ ၂၇ ရက်မှစတင်ပြီး နမ့်ခမ်းမြို့နယ် ဟုိုပန်ကျေးရွာအနီး တုိုက်ပွဲဖြစ်ပွားခဲ့သဖြင့် နုိုဝင်ဘာလ ၂၈ ရက်မှ ယနေ့ထိ ဟိုပန်ကျေးရွာသား ၂၆၀ ခန့်က မုိုင်းဝီကျေးရွာသုို့ ထွက်ပြေးတိမ်းရှောင်လာခဲ့ခြင်း ဖြစ်သည်။

"စာရင်းရထားတာက ၂၆၀ ။ သူတုို့က ဟုိုပန်ဘက်ကနေ ထွက်ပြေးလာတာ။ ဒီမှာသူတုို့ အသိမိတ်ဆွေအိမ်မှာဘဲ ခုိုနားထားတယ်။ အခုလောလောဆယ် ရွာထဲက လူငယ်အဖွဲ့ရဲ့ ရံပုံငွေတွေနဲ့ဘဲ သူတို့ကုို ကူညီထားတယ်။ အစား အသောက်ခက်ခဲတယ်။ တချို့ဆုို ဆန်တွေ၊ ဘာတွေတောင် မပါခဲ့ဘူး။" ဟု မုိုင်းဝီး ဒေသခံ စုိုင်းခမ်းလှိုင်က မဇ္စျိမကုို ပြောသည်။

အဆုိုပါ စစ်ပြေးဒုက္ခသည်များက မုိုင်းဝီးကျေးရွာရှိ ၄င်းတုို့၏ မိတ်ဆွေများနေအိမ်များတွင် ခုိုလှုံနေပြီး အစားအသောက်များ လုိုအပ်နေသည်ဟု သိရသည်။

ဟုိုပန်ကျေးရွာသည် မုိုင်းဝီးကျေးရွာမှ ၃ မုိုင်ခန့် ကွာဝေးပြီး လက်ရှိ တုိုက်ပွဲ ဖြစ်ပွားခြင်း မရှိသော်လည်း နှစ်ဖက် စစ်ရေး တင်းမာနေဆဲ ဖြစ်၍ မိမိနေအိမ်သို့ မပြန်ရဲသေးကြောင်း သူက ပြောသည်။

နုိုဝင်ဘာလ ၂၇ ရက်မှစတင်၍ နမ့်ခမ်းမြို့နယ် RCSS/SSA က TNLA ၏ နယ်မြေ ကျူးကျော် ဝင်ရောက်လာသဖြင့် နုိုဝင်ဘလ ၃၀ ရက်ထိ တုိုက်ပွဲ ဖြစ်ပွားခဲ့သည်ဟု TNLA ဘက်မှ ဒီဇင်ဘာလ ၁ ရက်က သတင်းထုတ်ပြန်ထားသည်။

တစ်နုိုင်ငံလုံး အပစ်အခတ် ရပ်စဲရေးဆွေးနွေးရန်အတွက် ထုိုင်းမြန်မာနယ်စပ် လွိုယ်တုိုင်းလျန်သို့ လာရောက်သည့် အမှတ် ၇၀၁ (ရွှေလီမြစ်ဝမ်းဒေသ) စစ်ကြောင်းကုို TNLA က ခြုံခုိုတုိုက်ခိုက်ခဲ့သဖြင့် ၃ ဦး ကျဆုံးပြီး ၂ ဦး ဒဏ်ရှိခဲ့သည်ဟု RCSS/SSA က ထုတ်ဖော်ပြောဆုိုမှုများ ရှိသည်။

အလားတူ ရှမ်းပြည်နယ် မိုင်းရှူး၊ မုိုင်းနောင်မြို့နယ်တွင်လည်း ရှမ်းပြည်တုိုးတက်ရေးပါတီ (SSPP/SSA) နှင့် အစုိုးရစစ်တပ်တို့ ဖြစ်ပွားနေသော တုိုက်ပွဲကြောင်း စစ်ပြေးဒုက္ခသည် ၁,၀၀,၀၀ ခန့်ထွက်ပြေး တိမ်းရှောင်နေရဆဲ ပင်ဖြစ်သည်။

RCSS/SSA သည် အစုိုးရနှင့် တစ်နုိုင်ငံလုံး အပစ်အခတ် ရပ်စဲရေးစာချုပ်မူကြမ်း (NCA) ကုို လက်မှတ်ရေးထုိုးထားသော အဖွဲ့ ဖြစ်ပြီး TNLA သည် တုိုင်းရင်းသားလက်နက်ကုိုင်အဖွဲ့အစည်းများ အားလုံးပါဝင်ခြင်းမရှိသဖြင့် NCA ကုို လက်မှတ် မရေးထုိုးသေးသော အဖွဲ့ဖြစ်သည်။

Credi t To >>>> Mizzima News