မြန်မာနိုင်ငံ၏ ပထမဦးဆုံး ရုပ်မြင်သံကြားနှင့် အသံထုတ်လွှင့်ခြင်းဆိုင်ရာ ဥပဒေကြမ်းကို ဩဂုတ် ၂၆ ပြည်ထောင်စုလွှတ်တော်တွင် အတည်ပြုလိုက်ပြီဖြစ်သည်။
ဥပဒေကြမ်းပါအချက်များမှ ဆွေးနွေးအတည်ပြုရန် ဆိုင်းငံ့ထားသော ကျန်ရှိနေသည့် ပုဒ်မတစ်ခုကို ထပ်မံအတည်ပြုလိုက်ခြင်း ဖြစ်သည်။
ယင်းဥပဒေကြမ်းအရ လွတ်တော်နှစ်ရပ်နှင့် အစိုးရမှ ၃ဦးစီပါဝင်သော ၉ဦးပါ ကောင်စီကို ဖွဲ့စည်းမည်ဖြစ်ကာ ရုပ်/သံထုတ်လွှင့်ခြင်းလုပ်ငန်းလိုင်စင် ထုတ်ပေးခြင်း၊ သက်တမ်းတိုးခြင်းနှင့် ရုပ်သိမ်းခြင်းတို့ကို ကောင်စီက ဆုံးဖြတ်မည်ဖြစ်သည်။
ကောင်စီ၏ ဆုံးဖြတ်ချက်ကို မကျေနပ်ပါက ရက်ပေါင်း ၃၀အတွင်း သမ္မတထံ အယူခံဝင်နိုင်သည်ဟု ပြည်ထောင်စုလွှတ်တော်တွင် ယနေ့အတည်ပြုခဲ့သည်။
အတည်ပြုလိုက်သည့် ယင်းဥပဒေကြမ်းကို သမ္မတထံပေးပို့သွားမည်ဟု လွှတ်တော်နာယက သူရဦးရွှေမန်းက ပြောသည်။
ယင်းဥပဒေကြမ်းကို အတည်ပြုပြဌာန်းပြီးပါက ပုဂ္ဂလိက လုပ်ငန်းရှင်များအနေဖြင့် ရုပ်/သံလုပ်ငန်းများကို လိုင်စင်လျှောက်ထားပြီး လုပ်ကိုင်ခွင့်ရရှိတော့မည်ဖြစ်သည်။
Credit To >>> Mizzima News
Wednesday, August 26, 2015
ရုပ်သံလွှင့်ဥပဒေ လွှတ်တော် အတည်ပြုလိုက်ပြီ
Subscribe to:
Post Comments (Atom)
0 comments:
Post a Comment