အစ္စရေးနှင့် ဟားမားစ် ပြောက်ကျားတပ်ဖွဲ့များ ရက်ပေါင်း(၅၀)ကြာ တိုက်ခိုက်ခဲ့သော စစ်ပွဲသည် အကန့်အသတ်မရှိ အပစ်အခတ် ရပ်စဲထားရန် သဘောတူညီချက် ရရှိခဲ့ပြီးနောက် ယခုသီတင်းပတ်တွင် ဆုံးခန်းတိုင်ခဲ့သည်။ ဩဂုတ် (၂၆)ရက်တွင် အပစ်အခတ် ရပ်စဲရန် ကြေညာချက် ထွက်ပေါ်လာပြီးနောက် ဂါဇာတွင် ပါလက်စတိုင်းတို့ အောင်ပွဲခံခဲ့သော်လည်း အစ္စရေးဘက်တွင် တိတ်တိတ်ဆိတ်ဆိတ်သာ ရှိနေခဲ့သည်။
အစ္စရေးသည် ဂါဇာအပေါ် ပိတ်ဆို့ထားသည့် အခြေအနေ အချို့ကို ဖြေလျှော့ပေးရန် သဘောတူညီခဲ့ရသော်လည်း နာတန်ယာဟူက အဆိုပါ စစ်ပွဲတွင် အစ္စရေးဘက်က အောင်ပွဲရခဲ့ကြောင်း ဆိုသည်။ ရုပ်မြင်သံကြား ကြေညာချက် တစ်ခုတွင် ဝန်ကြီးချုပ်က မိမိတို့သည် စစ်ပွဲကာလအတွင်း ရန်သူကို ပြင်းပြင်းထန်ထန် ချေမှုန်း တိုက်ခိုက်ခဲ့သလို ဂါဇာဘက်မှ နောက်ထပ် ရန်စသည့် ဒုံးကျည်ပစ်ခတ်မှုမျိုး ရှိလာပါက ပိုမိုကြမ်းတမ်းစွာ တုံ့ပြန်မည်ကိုလည်း ဟားမားစ်တို့အား အခိုင်အမာ နားလည်စေခဲ့ကြောင်း ပြောကြားခဲ့သည်။
၎င်းက “နောက်တစ်ချက်က ကျွန်တော်တို့ဟာ ဟားမားစ်တွေ တောင်းဆိုတဲ့ ဘယ်အရာကိုမှ လိုက်လျော သဘောတူခဲ့တာ မရှိပါဘူး”ဟုလည်း ဆိုသည်။ အစ္စရေးသည် ဂါဇာကို (၈)နှစ်ကြာ ဝန်းရံပိတ်ဆို့ထားသော်လည်း သဘောတူညီမှု အသစ်အရ ထောက်ပံ့ရေးနှင့် ဆောက်လုပ်ရေး ပစ္စည်းများ တင်သွင်းခွင့်အပေါ် ကန့်သတ်ချက်ကို ပယ်ဖျက်ပေးသွားမည် ဖြစ်သည်။ ထို့အပြင် ဂါဇာကမ်းလွန်တွင် ယခင်က ရေမိုင်(၃)မိုင်ထိသာ ငါးဖမ်းခွင့် ပြုခဲ့သော်လည်း ယခုအခါ ရေမိုင်(၆)မိုင်ထိ တိုးမြှင့် ခွင့်ပြုခဲ့ရသည်။
ဩဂုတ် (၂၇)ရက်တွင် ကုလသမဂ္ဂ လက်အောက်ခံ ကမ္ဘာ့ စားနပ်ရိက္ခာ အစီအစဉ် အဖွဲ့အစည်းက ၎င်းတို့၏ ရိက္ခာထောက်ပံ့ရေး ယာဉ်တန်းများသည် (၂၀၀၇)ခုနှစ်နောက်ပိုင်း ပထမဆုံးအကြိမ်အဖြစ် ဂါဇာသို့ ဝင်ရောက်ခဲ့ကြောင်း ကြေညာသည်။ အဆိုပါ ယာဉ်တန်းတွင် လူပေါင်း(၁၅၀၀၀၀)ကို (၅)ရက်စာ ကျွေးမွေး ထောက်ပံ့နိုင်မည့် အစားအသောက်များ တင်ဆောင်သွားကြောင်း သိရသည်။
_Ref: BBC
Myanmar Kyat Exchange Rate
0 comments:
Post a Comment