တိုင်းရင်းသား ဒေသများရှိ မူလတန်းအဆင့် စာသင်ကျောင်းတို့တွင် ပြဋ္ဌာန်း သင်ရိုးညွှန်းတမ်း များကို သက်ဆိုင်ရာ တိုင်းရင်းသား ဘာသာစကားနှင့်သာ သင်ကြားပေးရန် ဇန်နဝါရီလ ၃၁ ရက်နေ့ ရန်ကုန်မြို့ ခဝဲခြံ မျက်မမြင်ကျောင်းတွင် ကျင်းပသော မိခင်ဘာသာစကား သင်ကြားမှု တိုးမြှင့်ရေး ဆွေးနွေးပွဲ တက်ရောက်လာသူ တိုင်းရင်းသား ကိုယ်စားလှယ်များက တောင်းဆို လိုက်သည်။
ကျောင်းသားနှင့် ဆရာအကြား ဘာသာစကား ခြားနားမှုကြောင့် တိုင်းရင်းသား ကလေး ငယ်များ၏ ပညာရေး အခက်အခဲ မရှိစေရန် ယင်းကဲ့သို့ တောင်းဆိုရခြင်း ဖြစ်ကြောင်း ၎င်းတို့ က ဆက်လက်ပြောဆိုသည်။
မိခင် ဘာသာစကားနှင့် သင်ကြားခွင့် ရသူများသည် ဘာသာစကား ကွဲပြားမှုကြောင့် ပညာ ဆက်လက် သင်ကြားရန် ခက်ခဲပြီး အစိုးရ၏ တိုင်းရင်းသားဘာသာ သင်ရိုးညွှန်းတမ်း များ သည် လည်း လက်တွေ့ အံဝင်ခွင်ကျမှု မရှိကြောင်း ကယားတိုင်းရင်းသား ကိုယ်စားလှယ် ဒေါ်မော်ကိုမြာက ပြောကြားသည်။
အလားတူ ဧရာဝတီတိုင်းဒေသကြီး၊ ပုသိမ်မြို့နယ်အတွင်း စကောကရင် လူမျိုး အများစုရှိရာ မူလတန်းကျောင်း ၁၉ ကျောင်းကို သုတေသနပြု ရလဒ်များအရ စကောကရင်လူမျိုး ဆရာသင်သော စာသင်ခန်းသည် ဘာသာစကား မကျွမ်းကျင်သော ဆရာ၊ ဆရာမ သင်သော စာသင်ခန်းထက် တတ်မြောက်မှု ရာခိုင်နှုန်း ပိုမြင့်ကြောင်း သုတေသန ပြုလုပ်ခဲ့သူ ဒေါ်နော်ခုရှီး က ပြောဆိုသည်။
အချို့တိုင်းရင်းသား ဘာသာစကားများသည် မြန်မာဘာသာနှင့် သိသိသာသာ ကွဲပြားေ သာကြောင့် ဆရာ၊ ဆရာမ ဆိုလိုသော အဓိပ္ပာယ်နှင့် သင်ကြားသော သင်ခန်းစာများကို အလွယ်တကူ နားမလည်ကြကြောင်း သုတေသန ပညာရှင် ဦးတင်ဇော်က ဖြည့်စွက် ပြော ကြား သည်။ “မိခင်ဘာသာစကားနဲ့ ဒုတိယ ဘာသာစကား ထူးခြားစွာ ကွဲပြားနေရင် သင်ယူတဲ့ သူတွေအတွက် ပိုခက်ခဲတယ်” ဟု ၎င်းကဆက်လက် ပြောကြားသည်။
ပညာရေးဝန်ကြီးဌာနက ၂၀၁၂-၂၀၁၃ ပညာသင်နှစ်တွင် တိုင်းဒေသကြီးနှင့် ပြည်နယ်များရှိ မူလတန်း ကျောင်းများကို ကျောင်းချိန် ပြင်ပတွင် တိုင်းရင်းသားဘာသာ သင်ကြားခွင့် ပြုထားပြီး သင်ကြားမည့် ဆရာအချို့ကို ခံစားခွင့်များပေးကာ ခန့်ထားသည်။
သို့သော် တိုင်းရင်းသား ဘာသာကို ကျောင်းသုံး ဘာသာစကား သင်ကြားခွင့်၊ စာသင်ကျောင်းတိုင်းအတွက် သင်ကြားရေး ဆရာ၊ ဆရာမများ ခန့်ထားရေး အတွက်မူ ပညာရေးဝန်ကြီးဌာနနှင့် တိုင်းရင်းသား လူမျိုးတို့အကြား ညှိနှိုင်းဆဲသာ ရှိသေးသည်။
The Voice Weekly
Myanmar Kyat Exchange Rate
0 comments:
Post a Comment