ရခိုင်ပြည်နယ်မှာ အကောင်အထည်ဖော်တဲ့ စီမံကိန်းတွေကို စောင့်ကြည့်ပြီး ဒေသခံတွေကို ပြန်လည်ရှင်းပြမယ့် "ရခိုင်ပြည်နယ်ကိုယ်စားပြု သယံဇာတ အရင်းအမြစ်တူးဖော်မှု စောင့်ကြ ည့်ရေး အလုပ်အမှုဆောင်ကော်မတီ " ဖွဲ့စည်းဖို့ မြို့နယ် ၁၇ မြို့နယ်က အရပ်ဘက်လူမှုအဖွဲ့ အစည်းတွေ စုပေါင်းပြီး အလုပ်ရုံဆွေးနွေးပွဲကို စစ်တွေမြို့မှာ ဒီနေ့ကျင်းပခဲ့ပါတယ်။
EITI လို့ခေါ်တဲ့ သဘာဝသယံဇာတ အရင်းအမြစ်တွေ တူးဖော်မှုမှာ ပွင့်လင်းမြင်သာမှုရှိရေး ကိစ္စနဲ့ပတ်သက်တဲ့ အရပ်ဘက်လူမှုအဖွဲ့အစည်းတွေရဲ့ နှစ်ရက်ကြာ အလုပ်ရုံဆွေးနွေးပွဲကနေ "ရခိုင်ပြည်နယ် ကိုယ်စားပြု သယံဇာတအရင်းအမြစ်တူးဖော်မှု စောင့်ကြည့်ရေး အလုပ် အမှုဆော င်ကော် မတီ " ဖွဲ့စည်းမှာဖြစ်တယ်လို့ အလုပ်ရုံဆွေးနွေးပွဲ စီစဉ်သူ ကိုခိုင်ကောင်းစံ က ပြောပါတယ်။
“ကျနော်တို့က ရခိုင်ဒေသမှာ စီမံကိန်းလုပ်ငန်းတွေလုပ်ပြီဆိုရင် ဒေသခံတွေရဲ့ ဆိုးကျိုးတွေ ဘာတွေရှိမလဲ၊ ရလာဒ်တွေက ဘာတွေရှိမလဲ၊ အဲလိုမျိုးနစ်နာမှုတွေကို ကျနော်တို့အစိုးရရဲ့ တခါတခါစီမံကိန်းဆိုပြီးဖိတ်ခေါ်တဲ့ လွဲမှားမှုတွေမှာ ဆိုးကျိုးတွေဖြစ်လာလို့ရှိရင် ဘယ်လို ဝိုင်းဝန်း ကာကွယ်ကြမလဲ၊ လုပ်ဆောင်မှုတွေကို ကျနော်တို့ဒေသခံတွေကို ချပြဖို့အတွက် လုပ်ငန်း အဖွဲ့ ဖွဲ့သွားမှာပါ”
သက်ဆိုင်ရာ မြို့နယ်အသီးသီးက တက်ရောက်လာတဲ့ ကိုယ်စားလှယ်တွေဟာ မိမိတို့ဒေသ က သယံဇာတတွေ ထုတ်ယူနေမှုအပေါ်မှာ ဒေသခံတွေရဲ့ အခွင့်အရေးတွေ ဆုံးရှုံး နစ်နာနေမှုတွေ ကို တင်ပြဆွေးနွေးကြပြီး မနက်ဖြန် အလုပ်ရုံဆွေးနွေးပွဲ ပြီးဆုံးတဲ့အချိန်မှာ သဘောထားကြေငြာချက်တစ်စောင် ထုတ်ပြန်သွားဖို့ရှိတယ်လို့လည်း ကိုခိုင်ကောင်းစံက ပြောပါတယ်။
အဲ့ဒီအလုပ်ရုံဆွေးနွေးပွဲကို ပြည်တွင်းမှာဖွဲ့စည်းထားတဲ့ Multi State Holder Group က ဦးဆောင်ကျင်းပတာဖြစ်ပြီး မြို့နယ် ၁၇ မြို့နယ်က ကိုယ်စားလှယ် ၃ ဦးစီ တက်ရောက်ခဲ့ပြီး အခြားအရပ်ဖက်လူမှုအဖွဲ့အစည်း ကိုယ်စားလှယ် စုစုပေါင်း ၈၀ ကျော် တက်ရောက်ဆွေးနွေး တာ ဖြစ်ပါတယ်။
RFA Burmese
0 comments:
Post a Comment