ရခိုင်ပြည်နယ်၌ နောက်ထပ်ပဋိပက္ခများ ထပ်ဖြစ်လာပါက ကုလအဖွဲ့အစည်းများ၊ နိုင်ငံတကာ အဖွဲ့အစည်းများနှင့် နိုင်ငံတကာ သတင်းဌာနများတွင် တာဝန်ရှိသည်ဟု ရခိုင်ဒီမိုကရေစီအဖွဲ့ချုပ် သတိပေး

ရခိုင်ပြည်နယ်ရှိ လူ့အဖွဲ့အစည်းနှစ်ခုကြားတွင် ပဋိပက္ခများ ဖြစ်ပွားလာပါက ကုလသမဂ္ဂ အပါအဝင် နိုင်ငံတကာ အဖွဲ့အစည်းများ၊ နိုင်ငံတကာ သတင်းဌာနများနှင့် သက်ဆိုင်ရာ သံရုံး များတွင် တာဝန်ရှိမည်ဖြစ်ကြောင်း ရခိုင်ဒီမိုကရေစီအဖွဲ့ချုပ် (ALD)က သတိပေးမှု ထုတ်ပြန်ခဲ့သည်။

ALD အနေဖြင့် ဇန်နဝါရီ ၂၉ ရက်က ရန်ကုန်မြို့၊ မရမ်းကုန်းမြို့နယ်ရှိ Cafe 47 စားသောက်ဆိုင်တွင် မောင်တောမြို့နယ်၊ ဒုချီးရားတန်းကျေးရွာ၌ ဖြစ်ပွားခဲ့သည့် ပြဿနာနှင့်ပတ်သက်၍ သတင်းစာရှင်းလင်းပွဲ့ ပြုလုပ်ခဲ့ပြီး ကြေညာချက် ထုတ်ပြန်ခဲ့ရာ၌ ယင်းကဲ့သို့ ထည့်သွင်းဖော်ပြခဲ့ခြင်းဖြစ်သည်။

မောင်တောမြို့ ဒုချီးရားတန်းကျေးရွာတွင် ဇန်နဝါရီ ၉ ရက်နှင့် ၁၃ ရက်များတွင် ဖြစ်ပွားခဲ့သည့် တိုက်ခိုက်မှုများကြောင့် ဘင်္ဂါလီ ၄ဝ ကျော် သေဆုံးခဲ့သည်ဆိုသော မမှန်မကန် လုပ်ကြံထားသည့် သတင်းများကို မှန်ကန်မှုရှိမရှိ စုံစမ်းစစ်ဆေးခြင်း လုံးဝမရှိဘဲ ကုလသမဂ္ဂ လူ့အခွင့်အရေးဆိုင်ရာ မဟာမင်းကြီးရုံး အပါအဝင် နိုင်ငံတကာ အဖွဲ့အစည်းများ၊ အမေရိကန်သံရုံးနှင့် ဗြိတိသျှသံရုံးတို့၏ ပူးတွဲကြေညာချက်နှင့် နိုင်ငံတကာ သတင်းဌာနများမှ ထုတ်ပြန်ချက်များမှာ မှားယွင်းကြောင်း ALD တာဝန်ရှိသူများက ရှင်းလင်းခဲ့သည်။

ယင်းသတင်းမှားများကြောင့် ဘင်္ဂါလီလူမျိုးများဘက်က ရန်ပြုတိုက်ခိုက်ရန် ပြင်ဆင်နေမှုများ ရှိနေကြောင်း၊ မောင်တောဒေသ၌ ရခိုင်လူမျိုးများမှာ လူနည်းစုသာရှိသည့်အတွက် ဘေးကင်းရာသို့ ရွှေ့ပြောင်းနေကြကြောင်း၊ ၎င်းတို့အနေဖြင့် နောက်ထပ်ပဋိပက္ခများ ထပ်ဖြစ်လာနိုင်သည်ဟု သတိပေးထားပြီးဖြစ်ကာ ယင်းကဲ့သို့ ထပ်ဖြစ်လာပါက သတင်းမှားထုတ်ပြန်သည့် သူများတွင် တာဝန်ရှိကြောင်း ALD က ရှင်းလင်းခဲ့သည်။

ရခိုင်လူမျိုးများ အနေဖြင့် ယခင်ကတည်းက ဘင်္ဂါလီလူမျိုးများနှင့် ငြိမ်းချမ်းစွာ အတူယှဉ်တွဲ နေထိုင်ခဲ့ကြောင်း၊ ယခုမှသာ ရိုဟင်ဂျာလူမျိုးဆိုကာ နယ်မြေတောင်းလာသည့်အတွက် ပြဿနာတက်နေခြင်းဖြစ်ကြောင်း၊ ဘင်္ဂါလီလူမျိုးများ အနေဖြင့် ၎င်းတို့မှာ ဘင်္ဂါလီလူမျိုးဟု ခံယူခြင်း၊ တရားဥပဒေဘောင် အတွင်းတွင် နေထိုင်ခြင်း၊ နိုင်ငံသားဖြစ်ထိုက်သူများက နိုင်ငံသားကဲ့သို့နေပြီး

“လူ ၄ဝ ကျော်သေတယ်ဆိုတာ တကယ်ကို Sensitive (ထိခိုက်လွယ်)ဖြစ်တဲ့ ကိစ္စပဲလေ။ ရခိုင်တွေကလည်း မွေးရပ်မြေကို သိမ်းတော့မယ့်သူတွေဆိုပြီး စိုးရိမ်နေတယ်။ ပြင်ပအဖွဲ့အစည်းတွေက မီးလောင်ရာလေပင့်လုပ်နေရင် နောက်ထပ်လည်း အဲဒီကိစ္စတွေ ဆက်ဖြစ်နေဦးမှာပဲ” ဟု ALD ဗဟိုအလုပ်အမှုဆောင် ဦးဦးလှမြင့်ကဆိုသည်။

အမှန်တကယ် ဖြစ်စဉ်ဖြစ်သည့် ဇန်နဝါရီ ၁၃ ရက် ညပိုင်းက ပုံမှန်ကင်းလှည့်နေစဉ် ဘင်္ဂါလီများ၏ အကြမ်းဖက်တိုက်ခိုက်မှုကြောင့် ယနေ့တိုင် ပျောက်ဆုံးနေဆဲဖြစ်သည့် ရဲတပ်ကြပ်ကြီး အောင်ကျော်သိန်းကိစ္စကိုမူ ကုလသမဂ္ဂ အပါအဝင် မည်သည့်နိုင်ငံတကာ အဖွဲ့အစည်းကသော် လည်းကောင်း၊ မည်သည့်သတင်းဌာနကသော် လည်းကောင်း၊ မည်သည့်နိုင်ငံခြား သံရုံးများကသော် လည်းကောင်း သတင်းထုတ်ပြန်ခြင်း မရှိသည်မှာ ထူးဆန်းသည်ဟု ALD ကြေညာချက်တွင် ပါရှိသည်။

ယင်းကဲ့သို့ မမှန်သတင်းများကို အခြေခံကာ သတင်းထုတ်ပြန်ခြင်းများသည် ရခိုင်ပြည်နယ်အတွင်းရှိ လူ့အဖွဲ့အစည်း နှစ်ခုကြားတွင် ယုံကြည်မှုကို ပိုမိုပျက်ပြားစေခြင်း၊ အမုန်းတရားများကို ကြီးထွားစေခြင်း၊ အာဃာတစိတ်များကို တိုးပွားစေခြင်းတို့ဖြင့် နောက်ထပ်ပဋိပက္ခများကို ဦးတည်စေကြောင်း၊ ထို့ပြင် လူ့အခွင့်အရေးကို အကြောင်းပြကာ မိမိတို့နိုင်ငံ၏ အချုပ်အခြာ အာဏာကို ထိပါးလိုသူများအား အားပေးကူညီစေရာ ရောက်သဖြင့် ယင်းအပေါ်တွင် ပြင်းထန်စွာ ကန့်ကွက်ကြောင်းလည်း ALD က ကြေညာခဲ့သည်။

ရခိုင်လူမျိုးများ အနေဖြင့် ယခင်ကတည်းက ဘင်္ဂါလီလူမျိုးများနှင့် ငြိမ်းချမ်းစွာ အတူယှဉ်တွဲ နေထိုင်ခဲ့ကြောင်း၊ ယခုမှသာ ရိုဟင်ဂျာလူမျိုးဆိုကာ နယ်မြေတောင်းလာသည့်အတွက် ပြဿနာတက်နေခြင်းဖြစ်ကြောင်း၊ ဘင်္ဂါလီလူမျိုးများ အနေဖြင့် ၎င်းတို့မှာ ဘင်္ဂါလီလူမျိုးဟု ခံယူခြင်း၊ တရားဥပဒေဘောင် အတွင်းတွင် နေထိုင်ခြင်း၊ နိုင်ငံသားဖြစ်ထိုက်သူများက နိုင်ငံသားကဲ့သို့နေပြီး နိုင်ငံခြားသားများက နိုင်ငံခြားသားများကဲ့သို့ နေစေလိုကြောင်း ဦးဦးလှမြင့်က ပြောကြားသည်။

လက်ရှိတွင် အပြောင်းအလဲတစ်ခုကို ဖြတ်သန်းနေရသည့် မြန်မာနိုင်ငံတွင် တည်ငြိမ်အေးချမ်းမှု အရေးတကြီး လိုအပ်နေချိန် ဖြစ်သဖြင့် ပဋိပက္ခလောင်စာ ဖြစ်စေနိုင်သည့် မမှန်သတင်းများ ထုတ်ပြန်ခဲ့ခြင်းများကို သက်ဆိုင်ရာအဖွဲ့များမှ ပြန်လည်ရုပ်သိမ်းပေးပြီး သတင်းမှန်များ ပြန်လည်ဖော်ပြပေးရန်လည်း ALD က တောင်းဆိုခဲ့သည်။

Eleven Media Group