၂၀၁၃ခုနှစ် နိုဝင်ဘာလ ၅ရက် ညနေ ၄နာရီခွဲအချိန်ခန့်က
ရှမ်းပြည်နယ်(အရှေ့ပိုင်း)၊ တာချီလိတ်ခရိုင်၊ တာချီလိတ်မြို့နယ်၊
မိုင်းကိုးကျေးရွာအုပ်စု၊ မယ်ဖုံးလုံကျေးရွာ၏ အရှေ့ဘက် ၁မိုင်ခန့်အကွာရှိ
ဘာတီ ချောင်းအနီး ပတ်ဝန်း၌ သက်ဆိုင်ရာ နယ်မြေခံတပ်တို့ နှင့်
မူးယစ်တပ်ဖွဲ့စု(၃၀)တာချီလိတ် တို့မှ ပူးပေါင်း ဆောင်ရွက်သော
ပူးပေါင်းအဖွဲ့သည် စိတ်ကြွဆေးပြားများ နှင့် မူးယစ်ဆေးဝါး
ဆက်စပ်ပစ္စည်းများအပြင် စိတ်ကြွဆေးပြားရိုက်စက် တို့အား ရှာဖွေ့တွေ့ရှိ
သိမ်းဆည်းခဲ့ကြရာ အဆိုပါ မူးယစ်ဆေးဝါးပစ္စည်းများမှာ
ပိုင်ရှင်မဲ့ပစ္စည်းများဖြစ်ကြောင်း သတင်းရရှိသည်။
အဆိုပါ ပူးပေါင်းအဖွဲ့တို့သည် မယ်ဖုံးလုံကျေးရွာ၏ အရှေ့ဘက်
၁မိုင်ခန့်အကွာရှိ ဘာတီချောင်း အနီး တ၀ိုက်တွင် မူးယစ်ဆေးဝါးနှင့် ပတ်သက်၍
ဆက်နွယ်မှုများရှိနေကြောင်း သတင်းရရှိ၍ သွားရောက် ရှာဖွေ ရာ စိတ်ကြွဆေးပြား
၅၀၀၀၀ ပြား၊ စိတ်ကြွဆေးပြား ပြုလုပ်ရန် အသင့်ရောစပ်ထားသည့် ပန်းရောင်
ဆေးမှုန့် ၁၀.၃၆ ဂရမ်၊ စိတ်ကြွဆေးပြား ပြုလုပ်ရန် အသင့်ရောစပ်ထားသည့်
နီညိုရောင် အခဲ ၂.၆ ဂရမ်၊ အနံ့ဆေးရည် ၃၅၀ မီလီလစ်တာပါ ၁ပုလင်း၊
အရောင်ဆေးရည် ၀.၅ လီတာပါ ၁ဗူး နှင့် စိတ်ကြွ ဆေးပြား ရိုက်စက် ၂
လုံးတို့ကို ရှာဖွေတွေ့ရှိ သိမ်းဆည်းခဲ့ကြောင်း သိရသည်။
ပိုင်ရှင်မဲ့ သိမ်းဆည်းရမိသည့် အထက်ပါ ပစ္စည်းများနှင့် ပတ်သက်၍
ပြစ်မှုကျူးလွန်သူအား အဆိုပါ အဖွဲ့မှ ဆက်လက်၍ စုံစမ်းဖော်ထုတ်ပြီး ဥပဒေအရ
အရေးယူဆောင်ရွက်သွားရန်အတွက် တာချီလိတ်မြို့မရဲစခန်း ၌ မယ(ပ)၁၄၂/၂၀၁၃၊
မူးယစ်ဆေးဝါးနှင့် စိတ်ကို ပြောင်းလဲစေသော ဆေးဝါးများ ဆိုင်ရာ ဥပဒေပုဒ်မ
၁၆(ခ)/၁၉(က)အရ အမှုဖွင့်ထားရှိကြောင်း သတင်းရရှိသည်။
Tachileik Online News
Myanmar Kyat Exchange Rate
0 comments:
Post a Comment