အမောက်ထောင်တိမ်စွယ်တန်း(Plume Cloud)တစ်ခု မြန်မာနိုင်ငံမြောက်ပိုင်းကို တိုးဝင်နေပါတယ်

အိန္ဒိယနိုင်ငံတောင်ပိုင်း အရှေ့ဖက်ကမ်းခြေမှာဖြစ်နေတဲ့လေဖိအားနည်းရပ်ဝန်းမှ အမောက်ထောင်တိမ်စွယ်တန်း(Plume Cloud)တစ်ခု မြန်မာနိုင်ငံမြောက်ပိုင်းကို တိုးဝင်နေပါတယ်။
Weather News Update
23-10-2013
6:34 am

အိန္ဒိယနိုင်ငံအရှေ့ဖက်ကမ်း Utar Pradesh ပြည်နယ် ကမ်းရိုးတန်း မှာ ဖြစ်ပေါ်နေခဲ့တဲ့ လေဖိအားနည်းရပ်ဝန်းဟာ ကုန်းတစ်ဝက် ရေတစ်ဝက် အနေအထားနဲ့ ပိုမိုစုစည်းမှုတွေ ကောင်းလာနေပါတယ်။ပြောရရင်တော့ မုန်တိုင်းငယ် တစ်ခုရဲ့ အခင်းအကျင်းတွေ ပိုပိုပြပြလာပါတယ်။

အဲဒီမှာ လေဖိအားနည်းရပ်ဝန်းကနေ ရှေ့ဖက်ကို ထိုးထွက်နေတဲ့ တိမ်စွယ်တန်းကြီး တစ်ခုဖြစ်ပေါ်နေပြီးတော့ နိမ်စွယ်တန်းရဲတိုးဝင်မှုဟာ မြန်မာနိုင်ငံ အနောက်ပိုင်း နဲ့ မြောက်ပိုင်းအထိရောက်နေပါတယ်။ အဲဒီတိမ်မျိုးကို အမောက်ထောင်တိမ်(Plume Cloud) လို့ခေါ်ပါတယ်။ (အမောက်ထောင်တိမ်ဆိုတာ ကျွန်တော်ပေးထားတဲ့အမည် ပါ။ ကျွန်တော့မှာတော့ နမူနာပြစရာ အမောက်တော့မရှိတော့ပါဘူး)

မြန်မာနိုင်ငံအလယ်ပိုင်းလိုဒေသမျှိုးတွေမှာ အမောက်ထောင်တိမ်တွေဟာ အရေးပါပါတယ်။ ဘင်္ဂလားပင်လယ်အော်ထဲရှိ မြန်မာနိုင်ငံနဲ့အနီးအနားရေပြင်တွေအပေါ်မှာ မုန်တိုင်းတွေဖြစ်ပြီဆိုတာနဲ့ အဲဒီ Plume Cloud တွေ ဖြစ်လာတော့တာပါဘဲ။ ဒီအခါ ဒီတိမ်စွယ်တန်းတွေဟာ မြန်မာနိုင်ငံအနောက်ဖက်က ကာဆီးထားတဲ့ ရခိုင်ရိုးမကြီး ကိုကျော်ဖြတ်ပြီး မိုးကွယ်အရပ်ဖြစ်နေတဲ့ မြန်မာနိုင်ငံအလယ်ပိုင်းကို မိုးပေးစေတတ် ပါတယ်။ ဒီလိုနည်းနဲ့ ဘင်္ဂလားပင်လယ်အော်ထဲမှာ မုန်တိုင်းတွေဖြစ်ပြီ ဆိုရင် မြန်မာနိုင်ငံ အလယ်ပိုင်း မိုးကွယ်အရပ်ဟာ မုန်တိုင်းအကြွင်းအကျန်တွေ တိုက်ရိုက်ဖြတ်လို့ဘဲဖြစ်ဖြစ်၊ အခုလို မုန်တိုင်းမရောက်မလာပေမယ့် မုန်တိုင်းရဲ့ တိမ်စွယ်တန်းတွေတိုးဝင်လာလို့ဘဲဖြစ်ဖြစ်၊ မိုတွေရလေ့ရှိပါတယ်။

အခုတော့ ၁၉၇၈ ခုနှစ်နောက်ပိုင်း မိုးတွင်းကာလတွေမှာ ဘင်္ဂလားပင်လယ်အော် ထဲမှာ မုန်တိုင်းတွေ အဖြစ်နည်းလာပါတယ်။ မိုးတွင်းတစ်တွင်းလုံး မုတ်သုံမုန်တိုင်းတွေ တစ်လုံးမှမဖြစ်တာတွေ များများလာပါတယ်။ ဒီနှစ်ဘဲကြည့်လေ။ မိုးတွင်းကာလဖြစ်တဲ့ ဇွန်လမှစက်တင်ဘာလအတွင်း ဘင်္ဂလာပင်လယ်အော်မှာ မုတ်သုံမုန်တိုင်းတစ်လုံးမှ မဖြစ်ခဲ့ပါဘူး။

ဒီတော့လည်း မြန်မာနိုင်ငံအလယ်ပိုင်း ဒေသဟာ မိုးတွင်းကာလမှာ ဘင်္ဂလားပင်လယ်အ်ာက မုန်တိုင်းမိုးတစ်စက်မှ မရခဲ့ပါဘူး။ အဲဒီမှာ အရှေ့ဖက်က တိုင်ဖွန်းမုန်တိုင်းမိုးကလည်း ဇူလိုင်လကုန်အထိ တစ်စက်မှ မရခဲ့လေတော့  ဒီနှစ် မိုးဦးကာလ နဲ့ မိုးလယ်ကာလအစအထိ မြန်မာနိုင်ငံအလယ်ပိုင်းမှာ မိုးခေါင်နေခဲ့တာ အားလုံး အကြားအသိဘဲလေ...

ဒေါက်တာထွန်းလွင်