ထားဝယ် အထူးစီးပွားရေးဇုန် စီမံကိန်းတွင် ဂျပန်နိုင်ငံ ပါဝင်ရန် ပထမဆုံး အကြိမ် မြန်မာ-ဂျပန်-ထိုင်း သုံးပွင့်ဆိုင် ဆွေးနွေး

ထားဝယ် အထူးစီးပွားရေးဇုန် စီမံကိန်းတွင် ဂျပန်နိုင်ငံ ပါဝင်ရန် ပထမဆုံး အကြိမ် မြန်မာ-ဂျပန်-ထိုင်း သုံးပွင့်ဆိုင် ဆွေးနွေးခဲ့ပြီး လာမည့်နိုဝင်ဘာလ တွင် ဆွေးနွေးမှုများ ထပ်မံပြုလုပ်မည်ဖြစ်ကြောင်း သတင်းရရှိသည်။

ထားဝယ် အထူးစီးပွားရေးဇုန် စီမံကိန်းတွင် ဂျပန်နိုင်ငံမှ Developer အဖြစ် ၀င်ရောက်လာနိုင်ရေးအတွက် မြန်မာ-ဂျပန်-ထိုင်း သုံးပွင့်ဆိုင် ဆွေးနွေးပွဲ အား စက်တင်ဘာ ၂၆ ရက်နှင့် ၂၇ ရက်များတွင် ရန်ကုန်မြို့၌ ပြု လုပ်ခဲ့ သ ည်။

ယင်းသို့ သုံးပွင့်ဆိုင် ဆွေးနွေးခဲ့ရာတွင် ထားဝယ်အထူးစီးပွားရေးဇုန်နှင့် ဆက်စပ်စီမံကိန်းများ အကောင်အထည်ဖော်ရေး အထူးလုပ်ငန်းအဖွဲ့ ဥက္ကဌ၊ အလုပ်သမား၊ အလုပ်အကိုင်နှင့် လူမှုဖူလုံရေး ၀န်ကြီးဌာန ပြည်ေ ထာင် စု ၀န်ကြီး ဦးအေးမြင့်၊ ထားဝယ် အထူးစီးပွားရေးဇုန် စီမံခန့်ခွဲ မှု ကော် မတီ ဥက္ကဌ ပို့ဆောင်ရေးဝန်ကြီးဌာန ဒုတိယ၀န်ကြီး ဦးဟံစိန်၊ တနင်္သာရီတိုင်းဒေသကြီး ၀န်ကြီးချုပ် ဦးမြတ်ကိုနှင့် သက်ဆိုင်ရာ လုပ်ငန်းကဏ္ဍအလိုက် ဆပ်ကော်မတီ ဥက္ကဌများ၊ ဂျပန်နိုင်ငံ နိုင်ငံခြားရေး ၀န်ကြီးဌာန ဒုတိယ ညွှန်ကြားရေးမှူးချုပ်နှင့် အဖွဲ့ဝင် ကိုယ်စားလှယ်များ၊ JICA မှ တာဝန်ရှိသူများ တက်ရောက်ခဲ့ကြသည်။

သုံးပွင့်ဆိုင် ဆွေးနွေးမှုတွင် ထားဝယ် အထူးစီးပွားရေးဇုန်နှင့် စပ်လျဉ်း၍ ပူးပေါင်းဆောင်ရွက်မှုဆိုင်ရာ အခြေခံ မူဝါဒများ၊ စီမံကိန်း အကောင် အထည်ဖော်ရေးဆိုင်ရာ လုပ်ငန်းစဉ်များနှင့် ထားဝယ် အထူးစီးပွားရေး ဇုန်တွင် ရင်းနှီးမြှုပ်နှံရေးအတွက် ဂျပန်ကုမ္ပဏီများ သိရှိလိုသည့် အကြောင်းအရာများကို အဓိကထား ဆွေးနွေးခဲ့ကြသည်ဟု သိရသည်။

"ဂျပန်နိုင်ငံက ထားဝယ် အထူးစီးပွားရေးဇုန် စီမံကိန်းမှာ ပါဝင်ဖို့ စိတ်ဝင် စားတယ်။ ဒါပေမဲ့ သူတို့အနေနဲ့ ဘယ်လိုပုံစံနဲ့ ပါနိုင်မလဲ ဆိုတာတွေကို အသေးစိတ် ထပ်မံညှိနှိုင်း ရပါဦးမယ်။ ဥပမာအားဖြင့် SPV(Special Purpose Vehicle) အနေနဲ့ ပါမှာလား။ အဲလိုမှ မဟုတ်ဘဲ ပရောဂျက် တစ်ခုချင်းစီအလိုက် ၀င်ပါမှာလား၊ ငွေချေးမှာလား၊ အဲ့လိုပုံစံမျိုးတွေပေါ့။ ဘယ်လိုနည်းနဲ့ ပါနိုင်မလဲ ဆိုတာတွေကို ဆွေးနွေးမှုတွေ ထပ်လုပ်ရဦး မှာပါ။ လာမယ့် နိုဝင်ဘာလမှာ ထပ်ပြီးဆွေးနွေးမှုတွေ လုပ်မှာပါ" ဟု ထားဝယ် အထူးစီးပွားရေးဇုန်နှင့် ဆက်စပ်စီမံကိန်းများ အကောင် အထည်ဖော်ရေး အထူးလုပ်ငန်း အဖွဲ့မှ တာဝန်ရှိသူ တစ်ဦးက ပြောကြား သည်။

အရှေ့တောင်အာရှ ဒေသတွင် အကြီးမားဆုံး ရေနက်ဆိပ်ကမ်း စီမံကိန်း တစ်ခု ဖြစ်လာမည့် ထားဝယ်ရေနက်ဆိပ်ကမ်း စီမံကိန်းတွင် ရေနက်ဆိပ် ကမ်း တည်ဆောက်ခြင်း၊ သင်္ဘောကျင်း တည်ဆောက်ခြင်းနှင့် ပြုပြင်ထိန်း သိမ်းရေး လုပ်ငန်းများအတွက် အဆောက်အအုံများ  တည်ဆောက်ခြင်း ၊ ရေ နံ ဓာတုဆိုင်ရာ စက်မှုလုပ်ငန်းများ တည်ဆောက်ခြင်း၊ ရေနံချက် စက်ရုံများ တည်ဆောက်ခြင်း၊ သံမဏိ စက်ရုံနှင့် လျှပ်စစ်ဓာတ်အားပေး စက်ရုံများ တည်ဆောက်ခြင်း၊ ကျောက်မီးသွေးစက်ရုံ တည်ဆောက်ခြင်း၊ ထားဝယ်-ဘန်ကောက် ကားလမ်းနှင့် ရထားလမ်းများ တည်ဆောက်ခြင်း၊ ကားလမ်းနှင့် ရထားလမ်းတစ်လျှောက် ရေနံပိုက်လိုင်းများ သွယ်တန်းခြင်း၊ လျှပ်စစ်ဓာတ်အားလိုင်းများ သွယ်တန်းခြင်း စသည့်လုပ်ငန်းများ ပါဝင်လုပ်ဆောင်မည် ဖြစ်သည်။

Eleven Media Group