ပြင်ပဈေးကွက်တွင် ငွေကျပ် ၁၅၀၀ တန် တန်ဖိုးနည်း GSM ဖုန်းများ ပေါက်ဈေး တစ်သိန်းကျော် အထိ ရှိသော်လည်း ၀ယ်မရ

မြန်မာ့ ဆက်သွယ်ရေး လုပ်ငန်းမှ လေးကြိမ်မြောက်  ရောင်းချပေးနေသည့် တန်ဖိုးနည်း GSM နှင့် CDMA ဖုန်းများ၏ တန်ဖိုးမှာ ငွေကျပ် ၁၅၀၀ ဖြင့် ရောင်းချပေး နေသော်လည်း ပြင်ပတွင် အဆိုပါ ဖုန်းများ၏ တန်ဖိုးမှာ ငွေကျပ်တစ်သိန်းကျော် အထိ ဈေးပေါက်နေလျက်ရှိကြောင်း  မိုဘိုင်းလ် အရောင်း ဆိုင်များမှ သိရသည်။

ငွေကျပ် ၁၅၀၀ တန် GSM နှင့် CDMA ဖုန်းများကို ပြင်ပအရောင်း ဆိုင်များတွင် ရောင်းချ ခွင့်ကို  မြန်မာ့ ဆက်သွယ်ရေး လုပ်ငန်းမှ လုပ်ကိုင်ခွင့် မပြုခဲ့သော်လည်း ပြင်ပ အရောင်းဆိုင် အချို့ တွင် အဆိုပါ ငွေကျပ် ၁၅၀၀ တန် ဖုန်းများကို စတင်ရောင်းချစဉ် အခါကပင် ဈေးနှုန်းမှာ အနည်းဆုံး ငွေကျပ် ရှစ်သောင်းမှ အများဆုံး ငွေကျပ်နှစ်သိန်း အထိ ဈေးပေါက်လျက် ရှိသည်။

CDMA 800 MHz ဖုန်းများမှာ မြန်မာ့ဆက်သွယ်ရေး လုပ်ငန်းမှ စတင် ရောင်းချပေးခဲ့စဉ် အချိန်က ပြင်ပ ဆိုင်များတွင် ၀ယ်ယူ၍ မရခဲ့သော်လည်း ပြည်သူများကြားတွင် အချိတ်ဆက် ပြုလုပ် ကာ ပေါက်ဈေး ငွေ ကျပ် သုံးသောင်းမှစတင်ကာ ငွေကျပ် တစ်သိန်း ပေးဝယ်သည် အထိ ဈေးနှုန်း များ မြင့်တက်ခဲ့ကြောင်း သိရသည်။

မြန်မာ့ ဆက်သွယ်ရေး လုပ်ငန်းမှ လေးကြိမ်မြောက် အဖြစ် ထပ်မံ ထုတ်ပေးထားသည့် တန်ဖိုးနည်း GSMဖုန်းများမှာ လက်ရှိပြင်ပ ဈေးကွက်တွင် ငွေကျပ် တစ်သိန်းနှစ်သောင်းမှ ငွေကျပ်တစ်သိန်းခွဲ အထိ ဈေးနှုန်း မြင့်မားနေသော်လည်း ဖုန်းအရောင်း ဆိုင်များတွင် မဲပေါက် သူများမှ ပြန် လည် ရောင်းချ ထားသည့် ကတ်များကိုပင် ၀ယ်ယူရရှိနိုင်ခြင်း မရှိသည် အထိ ရောင်းအား ကောင်းမွန်နေလျက် ရှိသည်။

““အခု ထပ်ချပေးတဲ့ GSM ဆင်းကတ်တွေက လူကြိုက် ပိုများနေတယ်။ အရင်ချ ပေးတုန်းက   ဒီလောက်အရောင်း အ၀ယ်မဖြစ်ဘူး။ အခုချပေးတဲ့ ဆင်းကတ်တွေ ကျတော့ ဆိုင်မှာတောင် မရှိတော့တဲ့ အထိကို ရောင်းအား ကောင်းတယ်။ အခု ဒီကတ်တွေရဲ့ ပေါက်ဈေးနှုန်းက တစ်လ သိန်းလေးသောင်း ပေါက်တယ်။ ဒီဖုန်းတွေရဲ့ ဈေးနှုန်းက တည်ငြိမ်မှု မရှိဘူး။   အမျိုးမျိုး ပြောင်း တယ်””  ဟု Mobile  House မှ တာဝန်ရှိသူ တစ်ဦးက ပြောကြားခဲ့သည်။

တန်ဖိုးနည်း ငွေကျပ် ၁၅၀၀ တန် ဖုန်းများ ထွက်ပေါ်လာခြင်းကြောင့် ဖုန်းဈေးကွက် အတွင်း ယခင်က တန်ဖိုးနည်း ဖုန်းအဖြစ် ပထမဆုံး ချထားပေးခဲ့သည့် CDMA ငါးသိန်းတန်ဖုန်း များဖြစ်သော ၀၉-၉၁.... ဖုန်းများ၏ ဈေးနှုန်းမှာ အင်တာနက်မပါ ရောင်းဈေး ငွေကျပ် သုံးသိန်းသာ ပေါက်ဈေး ရှိတော့ကြောင်း ဖုန်းရောင်းဝယ် သူများထံက သိရသည်။

အဆိုပါ ငွေကျပ် ငါးသိန်းတန်ဖုန်းများ နည်းတူ ငွေကျပ် နှစ်သိန်းတန် GSM ဖုန်းများမှာလည်း  ၀ယ်ယူ သူပင် မရှိသလောက် ရှားပါးနေပြီး အရောင်းဆိုင်များတွင် ရောင်းမကုန် တော့ကြောင်း အဆိုပါ မိုဘိုင်းလ် အရောင်းဆိုင်များမှ သိရသည်။

မြန်မာ့ ဆက်သွယ်ရေး လုပ်ငန်း မြန်မာ့စီးပွားရေး ကော်ပိုရေးရှင်း (MEC) နှင့် ပူးပေါင်း၍ WCDMA 800 MHz မိုဘိုင်းလ်ဖုန်း လိုင်းများကို ငွေကျပ် ၁၅၀၀ ဖြင့် ဧပြီလအတွင်း စတင် ရောင်းချပေးခဲ့ပြီး CDMA ဖုန်းလိုင်း အသုံးမပြုနိုင်သည့် နေရာဒေသ တချို့တွင် WCDMA  ဖုန်းလိုင်း အနည်းငယ်ကို ယခင်က ရောင်းချပေးခဲ့သည်။

ယခင် ချထားပေးသည့် ဖုန်းလိုင်း အရေအတွက်မှာ ၁၀ သိန်းကျော် အထိ ချထားပေးပြီး ဖြစ်သည့် MEC ၏ CDMA 800 MHz မိုဘိုင်းလ်ဖုန်းလိုင်း ကွန်ရက်သည် လက်ရှိအချိန်၌ ပြည့်ကျပ်မှု ဖြစ်ပေါ် လာကြောင်း၊ ဆက်လက် တိုးချဲ့နေသည့် မိုဘိုင်းလ် ကွန်ရက်များမှာ 3G   စနစ် အသုံးပြုသည့် GSM မိုဘိုင်းလ်ဖုန်းလိုင်း ကွန်ရက်များသာ ဖြစ်ကြောင်း မိုဘိုင်းလ် အင်ဂျင်နီ ယာမှူး တစ်ဦးက ပြောကြား ခဲ့သည်။

Myawady