မန်းဘူတာနှင့်ရှမ်းစုဘူတာကြားတွင် ရထားတိုက်၍ လူ ၂ ဦး သေဆုံး

Monday, May 27, 2013

မန္တလေးတိုင်းဒေသကြီး၊ ၄၂ လမ်း၊ ကုန်းကျော်တံတားအောက်၊ မိုင်တိုင်အမှတ်(၃၈၄/၇-၈)၊မန္တလေးဘူတာနှင့် ရှမ်းစုဘူတာကြား၊ မန္တလေး-ရန်ကုန်ရထား သံလမ်းပေါ်တွင် မေ၂၆ရက်နံနက် ၅နာရီကရထားတိုက်ခံရ၍ လူ ၂ ဦးသေဆုံးနေကြောင်း သတင်းအရ မန္တလေးအမှတ်(၉) ရဲစခန်းမှတပ်ဖွဲ့ဝင်များ သွားရောက်စစ်ဆေးခဲ့သည်။

ထိုသို့စစ်ဆေးရာ ကျောက်ဆည်မြို့၊ အေးမြကြည်လင်ရပ်ကွက်နေ စိုးမင်းသူ(၂၀)နှစ်အားမျက်နှာပွန်းပဲ့၊ ဦးခေါင်းနောက်စေ့ပေါက်ပြဲ ဒဏ်ရာများဖြင့်လည်းကောင်း၊အသက်(၂၀)နှစ်ခန့်ရှိ အမျိုးသမီးတစ်ဦးအား ဦးခေါင်းပြတ်၊ ဦးခေါင်းကြေမွ၊ဘယ်ခြေကျင်းဝတ်ပြတ်၊ ဘယ်ဒူးခေါင်းပေါက်ပြဲဒဏ်ရာ များနှင့် မှောက် လျက်အနေ အထားဖြင့် သေဆုံး နေကြောင်းတွေ့ရှိရသဖြင့်မန္တလေးဆေးရုံကြီးသို့ပို့အပ်ကာ မန္တလေးအမှတ်(၉)ရဲစခန်း၊ သေမှုသေခင်း အမှတ်စဉ်(၁၁/၂၀၁၃)ဖြင့် အမှုဖွင့်စစ်ဆေး လျက်ရှိကြောင်း 

ရဲ ဇာနည် မှ သိရသည်။

Popular Myanmar News Journal