မြန်မာနိုင်ငံ၌ ရေနံနှင့် သဘာဝဓာတ်ငွေ့စီမံကိန်း လေးခု ဆောင်ရွက်နေသည့် ထိုင်းအခြေစိုက် PTTEP ၏ ၂၀၁၇ အသုံးစရိတ် ရာခိုင်နှုန်း ၃၀ လျှော့ချ

မြန်မာနိုင်ငံ၌ ရေနံနှင့် သဘာဝဓာတ်ငွေ့စီမံကိန်းလေးခု ဆောင်ရွက်နေသည့် ထိုင်းစတော့အိတ်ချိန်း SET စာရင်းဝင် လုပ်ငန်းတစ်ခုဖြစ်သော PTT Exploration and Production Plc (PTTEP)  ၏ ၂၀၁၇ ခုနှစ်အတွက် ကုမ္ပဏီဘတ်ဂျက် အသုံးစရိတ် ရာခိုင်နှုန်း ၃၀ လျှော့ချခဲ့ကြောင်း ထိုင်းအခြေစိုက် Bangkok Post သတင်းစာ၏ ဖော်ပြချက်အရ သိရသည်။


ကုမ္ပဏီ၏ အကျိုးအမြတ်ကောင်းမွန်စေရန် PTTEP ၏ အသုံးစရိတ်ကို ဖြတ်တောက် လျှော့ချခဲ့ခြင်းဖြစ်ကြောင်း ကုမ္ပဏီဥက္ကဋ္ဌနှင့် အမှုဆောင်အရာရှိချုပ်  Somporn Vongvuthipornchai က ပြောကြားခဲ့သည်။ ၂၀၁၇ ခုနှစ်အတွက် အသုံးစရိတ်ကို ဒေါ်လာ ၂  ဒသမ  ၉ ဘီလျံအဖြစ် သတ်မှတ်ခဲ့ပြီး  အရင်းအနှီးအသုံးစရိတ်အဖြစ် ၁ ဒသမ ၂၆ ဘီလျံ နှင့် လုပ်ငန်းလည်ပတ်မှု အသုံးစရိတ်အဖြစ် ၁ ဒသမ ၆၄ ဘီလျံအဖြစ် ခွဲဝေထားသည်။

၂၀၁၇ ခုနှစ်အတွက် ရင်းနှီးမြှုပ်နှံမှု စီမံကိန်းများအနက် ထိုင်းနိုင်ငံရှိ  Arthit ၊ S1 ၊ Bonkot ၊ Contract 4 ၊ MTJDA  စီမံကိန်းများ အပါအ၀င် ထုတ်လုပ်ဆဲနှင့် တူးဖော်ဆဲလုပ်ငန်းများအတွက် အသုံးစရိတ်၏ ၆၄ ရာခိုင်နှုန်းကို သုံးစွဲရန် မျှော်မှန်းထားသည်။

မြန်မာနိုင်ငံမှ PTTEP ၏ လုပ်ငန်းများဖြစ်သော ဇောတိကနှင့် ရတနာစီမံကိန်းများ၏ ထုတ်လုပ်မှုပမာဏ ထိန်းထားနိုင်ရေး ပြု ပြင်ရန်နှင့် စီမံကိန်းသစ်များဖြစ်သော Myanmar MOGE 3  နှင့် M11 စီမံကိန်းများ တူးဖော်ရေးလုပ်ငန်းများ ဆောင်ရွက်ရန် အပါအ၀င် အရှေ့တောင်အာရှရှိ လုပ်ငန်းများအတွက် ၂၀၁၇ အသုံးစရိတ်၏ ၂၄ ရာခိုင်နှုန်းကို သုံးစွဲရန် လျာထားသည်။ ထို့အတူ သြစတြေးလျ၊ အာဖရိက၊ အမေရိကရှိ လုပ်ငန်းများအတွက် အသုံးစရိတ်၏ ၁၂ ရာခိုင်နှုန်းကို အသုံးပြုရန် သတ်မှတ်ထားသည်။

PTTEP သည် ၂၀၁၇-၂၀၂၁ ခုနှစ်အတွင်း ရင်းနှီးမြှုပ်နှံမှုအသုံးစရိတ် ဒေါ်လာ  ၁၅ ဘီလျံ သုံးစွဲရန် စီစဉ်ထားပြီး ၂၀၁၇ ခုနှစ် ကုမ္ပဏီဘတ်ဂျက် အသုံးစရိတ်ကို ၂၀၁၆ ခုနှစ် အတွင်းဖြစ်ပေါ်ခဲ့သော ရေနံနှင့် သဘာဝဓာတ်ငွေ့ဈေးနှုန်းများအပေါ် အခြေခံ၍ ရေးဆွဲခဲ့ခြင်း ဖြစ်သည်။ PTTEP ၏ လက်ရှိ စက်သုံးဆီရောင်းအားသည် တစ်နေ့လျှင် ၃၁၂ kilobarrels ရှိပြီး ယခင်ကာလတူက ၃၃၁ kilobarrels ရှိ ခြင်းကြောင့် ကျဆင်းလာသည်။ ၂၀၁၄ ခုနှစ်က စတင်ခဲ့သော ကမ္ဘာလုံးဆိုင်ရာ ရေနံနှင့် သဘာဝဓာတ်ငွေ့ဈေးနှုန်းကျဆင်းမှုကြောင့် ကုမ္ပဏီ၏ အသုံးစရိတ်များစွာ ဖြတ်တောက်ခဲ့ရပြီး ၂၀၁၆ ခုနှစ် ပထမ ကိုးလအတွင်း ကုမ္ပဏီအုပ်စု တစ်ခုလုံးအနေဖြင့် အသားတင်အမြတ်ငွေ ဒေါ်လာ ၃၈၈ သန်းသာ ရရှိခဲ့ကြောင်း သိရသည်။    
Credit To >>> Eleven Media Group